陳奕迅25場個唱落幕 自爆曾自薦唱《衝II》主題曲

陳奕迅在紅館一連舉行25場的《Eason’s Life》演唱會,今晚完滿落幕,父親陳裘大、馮德倫、周汶錡、周柏豪和鄭欣宜等紛紛棒場,陳奕迅還於安歌環節唱了6首歌,讓歌迷大飽耳福,最後於晚上12時完場,被罰款6位數字。

陳奕迅慶功宴上,還替經理人陳家瑛慶生日外,陳奕迅還表示後悔在台上打破少說話只唱歌的規矩,並把話題談及至一同任唱歌比賽任評審的章子怡身上,笑指自己現在也如對方一樣,走向國際化。至於被傳患躁鬰症及人群恐懼症,陳奕迅坦認很多人也有,還指自己有非洲恐懼症,並謂從患感冒開始,自覺不時發自己脾氣,但這些都只是自己覺得,並沒找醫生求証。另外,提到好友謝霆鋒被傳跟周迅相戀,陳奕迅指雙方的經理人已作澄清,還指謝霆溝沒跟他說談戀愛之事。

無綫新劇《衝上雲霄II》主題曲由林子祥演唱,不少觀眾表示懷念第一辑由陳奕迅唱的主題曲《歲月如歌》。陳奕迅在演唱會後接受訪問,自爆曾自薦為《衝II》唱主題曲,「去年知道此消息時曾自薦……但當時四大唱片的事還未解決,我告訴他們若解決了便通知我,因為第一辑這麼成功,我也想唱第二辑。」

Eason個唱last一場 認有躁鬱症

25場陳奕迅(Eason)演唱會噚晚於紅館結束,好友梁漢文夫婦、樂易玲、周柏豪、周汶錡、馮德倫、鄭欣宜、姜麗文、薛芷倫和兩男伴到場欣賞,Eason父親陳裘大亦穿上閃閃衫撐場。

個唱最後一場,Eason都滿足晒歌迷,Encore咗6首歌,凌晨12點先完騷,被罰6位數。完騷後,Eason工作人員砌蛋糕,為經理人陳家瑛慶祝生日。

慶功宴上,對於有歌迷喺台下叫囂,Eason直言:「我真係好嬲,台上觀眾亂叫,但我都好後悔講咗嗰句(叫大家靜靜),咁都影響咗我專注力,同講乜都冇意思。」佢仲自封係「Global Chan」:「0依家要由Local變國際!」

對於有傳佢患有躁鬱症同人群恐懼症,Eason直認不諱:「係人都有,我有非洲恐懼症,喺外地就有華人恐懼症,但係我真係有講過,報道係如實報道,好好0架,冇作到。(可有睇醫生?)冇,只係自己覺得啫,如果喺街有人話我黐線,我會答:『你點知0架?』」追問佢點解咁有感而發,Eason一臉正經:「我14號開始作感冒,休息後表現都唔好,有綠色嘅痰,所以自己發自己脾氣,自己都憎。」

Eason個唱噚晚尾場,下次幾時再見?

周汶錡著到青bb到場~


大病初癒嘅梁漢文太太Karen都有捧場。


馮德倫(右),當然少不了Eason老婆徐濠縈。


陳裘大笑晒睇阿仔個唱


車淑梅一家


樂易玲


薛芷倫同兩位嫩男捧場


姜麗文(左)騷後話聽到喊喎。


欣宜


Eason唱得好興奮。


後台訪問時,Eason又扮鬼扮馬。


經理人陳家瑛(右)慶祝生日。

入錯場嗌錯名? Eason唱《陀飛輪》 歌迷嗌:「Joey!」

最後一場演唱會,Eason不時發牢騷。佢演繹快歌時,見到少部份觀眾冇起身跳舞,佢就半跪話:「皇上請起,再請,三請!」仍有部份觀眾未理會,佢惟有笑笑口講:「原來跛咗!」

到佢唱慢歌《陀飛輪》前,又叫:「請大家靜靜!」,不過當差唔多唱完呢歌,有歌迷突然大叫:「Eason!」又有歌迷無厘頭大叫:「Joey!」令到台上嘅Eason唔耐煩咁做出一個倒轉姆指嘅手勢,以表不滿。有觀眾都睇唔過眼,「0殊」咗一聲。

Eason聽後即送出飛吻俾台下觀眾,然後話:「原先有嘢想同嗰個人講,但都係啋佢都儍,黐線,其實我真係有啲唔開心,嗰句嘢真係唔及格!(意指觀眾突然叫佢)」

之後Eason伸出手再說:「同我隻手講嘢啦,我唔想同佢講嘢,同我膝頭講,影響晒!下次不如借王菲嘅大聲公講,或原始啲用膠筒講啦!真係好慘,同你哋溝通唔到!」事後Eason直言:「我真係好嬲,台上觀眾亂叫,但我都好後悔講咗嗰句(叫大家靜靜),咁都影響咗我專注力,同講乜都冇意思。」

到同歌迷握手,Eason又突然攞咗一名女歌迷嘅手機,作狀要擲到地上。唱完《單車》之後,Eason話:「大家幾時唔用眼睛,只對Mon(手機螢幕),頭先我真係有啲躁,點解你哋淨係掛住影相,完全唔尊重,完全唔集中,大家有隔膜,頭先我握手都有啲唔集中。」跟住佢扮拿住電話嘅手勢,笑指以後大家就咁樣溝通,坦承自己有啲囉嗦,九唔搭八咁話:「我識章子怡0架,仲唔係國際!」

Eason個唱中成日向歌迷發牢騷。

個場的確唔錯。





Eason只係想歌迷enjoy佢嘅音樂。





搶咗歌迷個手機,作勢想擲爛…


之後就投訴叫歌迷唔好掛住影相…


有fans大叫,Eason即有手勢表不滿。


其實Eason都好high嘅。



仲瞓埋地!


再嚟蜈蚣彈!




好嘢~~~~~(掌聲)


Eason轟香港觀眾 唔尊重歌手

Eason演唱會去到Encore時,佢特別演繹新歌《床頭床尾》,表明係特別送俾夫婦同情侶。之後佢又再謂:「你哋應該戒晒喺慢歌度叫,要尊重台上嘅人,有痰就入廁所,喺廁所點都得。呢啲文化要轉吓,如果唔高興,自己諗啲方法,或者去旺角某條街,自己搞掂。」語畢佢即扮兩聲雞啼,續說:「應都係住附近!」嘩,都唔知俾乜反應佢至好呀!

之後Eason再話:「我有嘢要宣佈,希望以後堅持開騷後,唔想再喺後台影相。我同VIP朋友講,我真係好攰,我越來越懶,之後可能簽名都唔簽,但可以錫囉!以後唱片會送錫嘴會,但錫完唔可以錫屋企人喇。」

《床頭床尾》其實係咪送俾太太徐濠縈?Eason就話唔係:「我唔講感情事,知道你們一定問,我諗定點答。」談到好友謝霆鋒與周迅拍拖一事,Eason稱自己唔知情,還說他倆也是其好友,直覺二人不會拍拖。至於有報導指他有機會與周潤發及張艾嘉合拍新片,Eason話唔知道,只知自己9月會做巡迴演唱會。佢話:「講都流口水,但我怕歌手身份會搞亂檔,如果真係合作,一定好正!」


Eason真係好鬼多表情。


留意粉紅色衫嬸嬸…


成個人撲咗埋Eason度呀!!



支Blue Label 大到呢~~~~


25場騷完成,辛苦晒!笑番啦~


Eason話如果可以同發哥合作,「一定好正」。