陳奕迅（Eason）今日喺尖沙嘴出席代言嘅護理品牌P&G活動，佢仲化身吹神同大家分享幸福感覺。Eason話好開心自己把聲帶比人快樂，又話自己最享受沖涼一刻，問佢有冇試過同老婆鴛鴦浴，佢初初笑話唔講呢啲，佢笑稱：「我個人大咗仲識怕醜，以前塊面七吋厚。」

不過Eason直認有同囡囡陳康堤沖涼，仲話自己都算新潮，囡囡問到佢性知識都會照答，問到佢個女有冇對佢身體產生好奇？佢話：「佢（囡囡）會話『咦』囉，我哋好自然一齊沖，冇得迫嘅，我同佢沖涼仲多過老婆。」言下之意，即刻有試過鴛鴦浴啦！

問Eason有冇喺之前英國之旅努力造人？佢話：「我只係攤喺度……..曬太陽，不過我都想囡囡有兄弟姐妹。」

陳奕迅同阮小儀笑得好開心呀！

陳奕迅出席活動時心情大靚。

佢話有同囡囡沖涼。

同現場觀眾合照。

陳奕迅心情好番好多咯喎。