陳奕迅為今年七月紅館舉行的「Eason’s Life」演唱會在香港舉行記者會，活動上Eason宣佈此次香港站演唱會再加開8月1及2號兩場，合共25場，Eason坦言：「應該唔會再加喇！依家要練體能，同埋幾個月前開始戒煙。」Eason還表示希望打破歌神張學友十七個月內開146場演唱會的紀錄，「學友用了17個月去完成，我打算用17年，分散来做。」

談到個唱出現「黃牛飛」，Eason笑指：「我老竇話有啲阿姨早一個禮拜去排隊，有成500百一日，佢幫人買好蝕喎，我同佢講你去排囉。香港一向流行炒嘢，我同佢講你當生咗部智能電話或者猿人。」Eason為避飛債會轉電話，就連曾志偉生日會都唔敢去。他又向囡囡的數學老師公開道歉，他坦言：「我份人好『不靠譜』，原來數學老師寫咗張紙條畀我，話要二十張飛，但我三個星期之後先見到，哈哈！」

陳奕迅每次演唱會都帶給大家不一樣的驚喜，今次的演唱會Eason還破例為自己立下三不規條，不請嘉賓、不說話、不encore。他還提起上次演唱會聲音沙啞，狀態不佳，楊千嬅也試過演唱會期間失聲，捐錢后就沒有再發生這個問題，因此有圈中人提醒他應該要先捐錢，Eason也覺得做善事何樂而不為。

陳奕迅近日忙於北上為節目《中國最強音》擔任評審，同樣身為評審的章子怡被外界質疑不夠格，Eason則大讚子怡可愛又美麗，還力撐很多外國音樂節目評審都不是音樂人。

戰無不勝

大筆一揮

可喜可賀

一飛沖天

Eason個唱開三面台　hold飛九成

陳奕迅（Eason）演唱會又嚟喇，今日（4月15日）已經公開發售，昨日已有唔少人霸定靚位等買飛。今次Eason嘅演唱會以為好多場啦，唔使買得咁急，實有飛啦！

但昨日有網民排隊，見到演唱會嘅seating plan，真係嚇咗一跳。演唱會公開發售嘅座位，竟然只得十分一左右。基本上一場公開發售嘅門票，應該唔超過2,000張飛。計吓條數，23場加埋都唔夠5萬張飛。

咁其餘所有位置去咗邊，睇番呢個「黑鑽」plan，原來都係主辦機構預留咗。以往都有主辦機構預留部份，大部份都係留俾信用卡用戶優先訂飛，不過今次hold成九成飛，又真係難怪一班網民鬧爆嘅，更有人發起罷睇行動——不過買唔到飛嘅可能性，仲大過罷睇成功。

o依家信用卡預定一早就過咗喇，公開發售就今日開始，唯一機會，大家都係好好把握啦，鬼叫Eason咁紅咩？

網民鬧爆！

Eason個唱又現南亞黨 擺明「搏炒」

陳奕迅7月在紅館個唱，加場又加場，加極都爆，個唱門票在早上十時開始作公開發售。而且根據售票處貼出的座位表顯示，9成票都畀主辦單位用作內部認購，真係離譜，認真一票難求。今日Eason在記招就話唔了解公開發售門票佔幾多成，工作人員又否認政府有規定至少兩成要用作公開發售之說。但得咁少公開飛，又係引人炒飛啫。

近年不論買飛買手機都例必現身的南亞裔排隊黨亦有加入買飛行列，並一行十多人佔據尖沙咀金馬倫道的通利琴行前列位置。排頭位的其中一名南亞裔排隊黨成員更向記者大騷門票，稱他們十多人早上八時多開始排隊，並直言會將門票轉售。

又有南亞黨排隊買EASON飛，講到明用來炒。

劃走9成自己要，主辦單位認真離譜！