亞東姊弟戀玩完 柯震東:我好幼稚 蕭亞軒:單純的友情

台灣男星柯震東同蕭亞軒(Elva)譜出姊弟戀逾年半,早前先被影到去台北微風廣場國賓影城睇午夜場,當晚Elva仲旁若無人手搓男友腋毛調情,以為佢哋兩個感情好穩定。點知最近「亞東戀」屢傳情變,柯震東仲曾經取消過女友Elva微博及Instagram,之後又失驚無神關注返Elva。

剛度過22歲生日嘅柯震東,近日又指男方搭上Elva舊愛王陽明嘅前女友﹑內地官三代靚女程穎婕,程穎婕喺柯震東生日送上佢至愛嘅漫畫毛巾,四角關係超複雜。至於柯震東返台北同家人慶生時,被追問係咪同Elva分手,佢未有回應,又自稱有好多女性朋友,令情變之說更顯沸沸揚揚﹗

噚日(20號)三位主角柯震東﹑Elva及程穎婕都喺微博發聲:

柯震東喺微博貼咗張愁爆相,仲自嘲:「我好幼稚。」

程穎婕噚日朝早亦留言:「想像力太豐富了,寫什麼就相信什麼嗎?不清楚狀況的人請不要編故事。Please do something positive with your time and stop promoting negativity﹗」

咁Elva又點呢?一直以來甚少回應佢同柯震東戀聞嘅Elva,噚晚十一時許喺微博留言,佢話同柯震東係好朋友,係單純嘅友情,佢咁寫:「我和東和Rigel(程穎婕)都是好朋友,一切都真的是很單純的友情,請大家都不要再亂聯想了,謝謝大家這麼關心!! Have a nice evening!」

蕭亞軒喺微博話同柯震東係單純的友情。(微博圖片)
蕭亞軒喺微博話同柯震東係單純的友情。(微博圖片)

柯震東生日時同家人一齊過。(微博圖片)
柯震東生日時同家人一齊過。(微博圖片)

柯震東同官三代程穎婕爆緋聞。
柯震東同官三代程穎婕爆緋聞。

早前柯震東先被拍到同蕭亞軒睇戲。(台灣《蘋果日報》)
早前柯震東先被拍到同Elva睇戲。(台灣《蘋果日報》)