早前放了四日假，食盡新加坡的無綫花旦姚子羚(Elaine)，近日再度投入工作，和舊拍檔黃浩然合作新劇《愛我請留言》。新劇成日在灣仔星街、月街一帶取景，日前就輪到Elaine戲份，見她喊晒口喺街上、瞓在牀上猛喊，眼淚鼻涕一齊嚟，我見猶憐。

無綫花旦姚子羚早前完成新劇《單戀雙城》拍攝後，趁有幾日空檔先開拍與黃浩然合作的新劇《愛我請留言》，就去新加坡叉電係咁食。結果回港後，即要為新劇減肥，因《愛》劇中她與黃浩然演夫婦，二人有一個女兒，但非子羚所生，後母子羚就不斷承受壓力，後尾仲抑鬱到甲狀腺有事，角色悲慘夠催淚。

日前，《愛》又在星街拍外景，當日拍子羚在後巷掉咗女兒張牀嘅戲份，因為臨近黃昏，劇組和時間競賽，好彩子羚都是好戲之人，埋位前沉思幾分鐘，拍攝時即刻可谷出真眼淚，仲愈喊愈勁，眼淚鼻涕一齊流，非常慘情，導演一嗌Cut，子羚都仲抽泣一陣先停到，幾鬼入戲。問子羚辛苦嗎？她說：「呢套戲我長時間處於沉重狀態，好易喊到，之前拍咗一場爆喊戲，今日呢場係補拍，因為之前拍嗰日好快天黑，所以拍多Take，喊唔辛苦，叫我推張牀先慘，真係好重㗎。」

演後母的她話拍時心情好down。

她喺後巷，扮傾電話獨自做戲。

得96磅嘅子羚推住鐵牀，好索氣。

近日佢和黃浩然再度合演新劇。

收拾心情後，揮手笑晒。