香港演藝人協會會長曾志偉今日於觀塘召開記招，表明會辭去演藝人協會會長一職，職務暫時由秘書處去頂替。對於蕭若元於電台指他曾致電吳思遠，阻止他拉電影公會等去遊行一事，志偉指消息跟事實不符，自己並無阻止電影公會去遊行，不過，由於志偉覺得就香港電視不獲發牌一事，演藝人協會與導演會就一些問題未能達成共識，令他覺得自己處理此事並不夠圓滿，遂決定辭職，跟他與無綫友好並無關係，而他自己亦想以個人身份去發表意見，不想背住演藝人協會之名義，而志偉直言他跟吳思遠、爾冬陞關係仍然友好。

今日志偉開記招出嚟交待，佢強調「演藝人協會」唔係佢一言堂，所有嘢都係經會員投票通過，當日收到導演會聲明，佢話:

「今日請大家嚟係想交待返我哋演藝人協會退出個聲明(指導演會)同埋後面所發生嘅事 。其實喺發聲明前一日，我哋收到導演會嘅聲明，睇完所有嘢，都係經過所有委員去投票通過，咁嗰次我哋都經過所有程序，份聲明傳遞晒比所有委員，得返嚟嘅結論呢，幾乎一面倒都係唔回應。」

「主要第一份聲明第一點，我哋係同意嘅，就係政府要好清晰咁交代點解係發兩個牌。 第2第3段就係點解唔發比王維基先生，所有嘅嘢呢，我哋只係一個屬會，唔應該支持一個機構或一個人，喺我地會旨立場，係唔同意呢件事，然後就出一個我哋自己嘅聲明。」

至於點解冇電影美術學會，志偉話:「機緣巧合，又知道美術會係同我哋同一意見，佢哋亦都係唔贊成第二第三點，咁美術總會都草擬咗一張佢哋可以接納嘅聲明比導演會，咁夜晚導演會更改咗一個第2日嘅聲明，嗰個聲明我哋發返晒比屬會，比會員睇過覺得更改咗唔係好多，只係改咗個名，投票決定都係維持咗個意思，咁再send返去就話仍然強調第2同3點我哋唔能夠同意，用我哋個名一齊出聲明。第日我同會員講:『大家放心，我同所有會長好熟，大家會比電話我』到夜晚吳思遠有比電話美術會，我就以為會打比佢，第二朝收到電話，淨係開記招，冇用佢哋(美術學會)個名，冇人話佢哋聽，淨係冇咗個名，我就問吳思遠點解會咁樣。

以前所有咁嘅情形，係叫晒所有咁多個會出嚟傾，究竟大家同唔同意，唔同意就可能小數服多數，點解要咁急係禮拜六，如果大家一齊同意可唔可以禮拜日一齊出聲著黑衫支持同業，吳思遠話因為佢以個人唔係總會身份，係導演身份出席。如果禮拜六開，禮拜日出報紙，好似呼籲大家上街咁。」

蕭若元爆志偉阻電影工會遊行

早前，以香港電影工作者總會會長吳思遠及導演會會長爾冬陞為首的大部份電影業屬會，抗議政府審批免費電視牌照黑箱作業，然而電影業界的行動卻欠缺電影工業總會及美指協會。傳媒人蕭若元前晚在香港網台的節目上踢爆，演藝人協會會長曾志偉曾經致電吳思遠，指不准上述兩會參加遊行，並斥責吳思遠的行徑會搞亂香港。

蕭若元在香港網台的節目《蕭遙遊》上表示：「遊行前，曾志偉打電話鬧吳思遠，話唔准電影工業總會出嚟遊行，佢嘅美指協會都唔會參與，獨欠呢兩個會，咁大家就知道曾志偉嘅為人。佢鬧吳思遠咁樣即係搞亂香港啦！」更批評曾志偉「身為演藝人協會會長，一路坐視TVB咁欺壓TVB藝人，從來都冇出聲」。

演藝人協會一直沒有就政府拒絕向港視發牌的事件表態，會長曾志偉更被批評發表維穩言論，阻礙電視業發展。直至12萬人遊行後翌日，演藝人協會才發出遲來的聲明。不過，該會先發出一份簡短的聲明，未幾再發出一份內容大同小異、加長字數的更正版，看似只為平息輿論的動作，感覺草率。

香港電影美術學會發聲明 回應蕭若元錯誤言論

香港電影美術學會今日發聲明，嚴正指出蕭若元上述言論全屬錯誤，兼有誤導成份。該會覺得尊嚴受損，深表遺憾，故發出回應以正視聽，以免該會名譽受損。

香港電影美術學會聲明如下：

香港電影美術學會成立至今, 以會員投票選出執委會處理會務, 現機制有八位執
行委員負責相議及投票決定本會之事項. 每次投票結果均紀錄在案, 以便各會員
能以最高透明度監察本會之運作, 體現民主制度精神.

在這次香港演藝界對 “免費電視牌照事件”的聲明過程中, 本會一如既往有專
人負責與導演會及吳思遠先生溝通, 然後向每一位本會的執委闡述及搜集意見取
向, 最後由執委會投票以大比數決定不參予是次香港演藝界的聲明行動.

本會於10月18日下午向導演會發出本會立場和取態之回應 ( 付文本 ). 同晚向
導演會發出本會對聯席10月19日記者會之決定和理據 ( 付文本 ). 以上每一步
都由本會之”八人執委會”通過才行事, 絕無外人參予.

本會成立至今,均由每屆執委會共同相議事項,取得投票後的共識才行事,亦從來
不從屬任何個人或其他單位.蕭先生於其節目中所言實在與事實百份百不符,現
謹此向各界公告以正視聽.

香港電影美術學會執委會
2013 年10 月23 日