陳豪、陳法拉同黎耀祥今日喺荃灣宣傳新劇《法外風雲》，現場玩遊戲時，唔知係咪顧住大肚太太陳茵媺感受，陳豪同法拉玩遊戲嗰陣，明明係鬥牙力、面對面咬住張紙鬥扯得長，但都唔敢太親密，寧願快快手扯開，等記者影唔到相。

反而黎耀祥同馬賽比賽時，就任影唔嬲，贏咗之後，祥仔仲講笑話：「估唔到我咁長呢？我有名你叫，『祥』(長)仔。」

今屆視帝被視為祥仔同陳豪之爭，祥仔覺得陳豪機會大：「佢今年旺，雙喜臨門。」而法拉另外同吳鎮宇、張智霖合作，佢話四個都睇好。

另外，陳豪忙於宣傳新劇，自言事家庭都兼顧得好，做完嘢就返屋企陪太太。佢哋試緊用傾偈方式進行胎，問到改咗名未？佢話：「未公佈得住，冇搵相士改，都係父母幫手，想個名配合到BB性格。」