那個演員不想一劇成名，名利雙收，熱播中的無綫劇集《巾幗梟雄之義海豪情》，觀眾鬧爆當中衰到貼地的漢奸梁非凡，這個角色讓在螢幕前默默苦幹了 23年的麥長青（麥包）矚目彈出，掌聲下的他沒有太大的雀躍，依舊保持平常心，麥包深明角色有主次，他還是樂做觀眾眼底下不平凡的綠葉王過戲癮。　撰文：比華利

忠角故然討好，但奸角若演得入肉，同樣會受觀眾追捧，無綫熱播新劇《巾幗梟雄之義海豪情》中的廣州警察局的科長梁非凡，為人愛邀功弄權，瞞上欺下，比過街老鼠更乞人憎，麥長青把這個角色演得不慍不火，該劇開播三周，非凡哥一角比主角更出位！

劇情交代壞事做盡的非凡哥雖淪為漢奸，不過在結局時良心發現，倒戈為民請命殺日軍，事敗反遭槍殺。到底麥包如何揣摩演活非凡哥？他日前接受專訪時說：「我平時留意身邊人所作所為，將佢大雜燴，非凡哥呢種人比比皆是，不論大集團小機構都存在呢種人。」麥包把過往細微觀察放大於角色內，於是非凡哥的討厭嘴臉就顯得更立體。

麥包不苟言笑的樣子，着實有點陰森，難怪演活了非凡哥一角。
攝影：陳慧安、黃文成

麥包（右）與黎耀祥亦師亦友，且對祥仔經常從旁提點他心存感激。

劇情交代麥包被革職後淪為漢奸，並持槍行劫黎耀祥家。

享受團隊精神

角色受矚目，麥包謙稱《義》劇受觀眾熱捧，他認為台前幕後都功不可沒，麥包說：「我覺得《義》劇做得好，冇話邊個嘅功勞，拍劇係 team work，呢套劇咁成功，係因為有添哥咁好嘅領導班底。」麥包也沒期望憑這套劇在台慶頒獎禮上拎走任何獎項，他說：「如果要拎，我唔希望係個人獎項，寧願攞套劇嘅團體獎。」
麥包續說：「我係演員，拍乜都咁享受，做演員要做好自己本份，《義》劇嘅演員間彼此好有交流，甚至任何一位臨時演員，佢哋都交足功課，表現專業。特別係警局群戲，主角背後有唔少老臨警員，佢哋全部都好落力，就算鏡頭未必影到，佢哋都企得直一直，正正因為每一位演員都咁用心，於是互相影響大家都要畀心機做到最好，競爭不自覺就出咗嚟，呢啲咪團隊精神，成件事先會做得好。」

人氣急升的麥包，未有期望非凡哥一角帶來名利雙收，只堅持演好戲給觀眾欣賞。

非凡哥的成功，除了多年練就的演技外，麥包對人及事物觀察入微也是要素。

受挫激勵壯志

麥包於 87年參加無綫舉辦的《超級新星大賽》入行，效力至今 23年，一直默默耕耘，謹守崗位，但始終未有一個角色令麥包彈出，非凡哥一角食正天時地利人和，終於吐氣揚眉，他平常心說：「我唔覺呢 20幾年屈住屈住，反而係享受足咁多年先啱。」
麥包回想 99年參演《茶是故鄉濃》，因為很喜歡當中鍾漢牛的角色，以為是演藝生涯轉捩點，卻事與願違；不過這個打擊卻沒打沉他的壯志，反令他開竅，他說：「我問自己係咪冇畀心機，求其咁做，但做戲嘅嘢冇中間位，所以我每套劇都冇留力去演。」
問麥包最想非凡哥一角為他帶來是名還是利？他坦言沒有任何名利指標，並說：「我唔貪心，只希望全家人生活一天比一天好，我細細個喺順德家鄉長大，乜嘢窮未捱過，不過家有頭家，有妻有仔女，我一定顧咗佢哋先，以前讀藝訓班，一支水一個 麪包就搞掂，我個手機入面咁多朋友電話，每日打去呃餐飯有幾難，睇怕食幾年都未餓得我死。」
那誰又是麥包圈中知心友？他一口氣細數有黎耀祥、陳浩民和張 衞健等水蛇春之名；麥包指《義海豪情》中的死對頭劉醒黎耀祥跳出鏡頭，現實二人關係亦師亦友，麥包說：「我同祥仔合作拍過好多劇，大家駕輕就熟，呢個師兄好錫我，記得拍《西遊記》，祥仔會同我研究劇本同角色，佢睇好多書，分析能力強。」兩兄弟互相研究角色，麥包消化完便融會在角色中，令演技更揮灑自如。
麥包的下個目標是希望參演喜劇，最恨挑戰元老笑彈盧海鵬，他說：「最鍾意睇佢做《 EYT》，佢好識搞笑，畀觀眾歡樂係一件好舒服嘅事，好想公司安排我拍吓喜劇，等我每晚都可以將開心帶畀人。」

事業篇
演活小人物

劇照

96年《西遊記》　沙僧

麥包：「沙僧呢個角色戲份同發揮唔算好多，但我好鍾意呢套劇嘅演員組合，我同祥仔（黎耀祥）同健仔（張 衞健）合作得好開心，我當年做戲都係新丁，佢哋教識我好多嘢。」

99年《茶是故鄉濃》　鍾漢牛

劇照

麥包：「呢套劇好有鄉土味，尤其我演嘅鍾漢牛好重視兄弟情，朋友利用佢嘅純真，我鍾意扮演嘅角色可以帶一啲正面訊息畀觀眾。」

03年《智勇新警界》　陸振英

電視圖片

麥包：「陸振英又名沙膽英，佢出身係泊車仔，但一直混到上位做咗江湖大佬，不過佢冇忘情負義，為咗掙扎求存好講義氣，為一班兄弟着想。」

家庭篇
愛妻宣言：老婆是我的肋骨

麥包和太太 Allison結婚 11年，夫妻相敬如賓。

下月中便 41歲的麥長青，與太太 Allison結婚 11年，二人育有 10歲長女和 8歲幼子，一家四口樂融融。
麥包表示自己擁有今天成績，不得不多謝背後的兩個女人，分別是他的母親和太太，尤其太太 Allison持家有道，以便讓他可以專心銀，麥包更情深款款用聖經記載上帝在亞當身上抽出一條肋骨創造夏娃作比喻，麥包一臉柔情說：「我同老婆當年拍咗 8個月拖就結婚，佢真係我條肋骨。」麥包尊重家庭成員的感受，近年接戲更謹慎，情慾戲份全部 no way。

鏡頭前大奸大惡的麥包，其實是好爸爸兼好老公，一家四口常外遊享天倫。

麥包與幼子相處如朋友般融洽，早前遊日本時更陪兒子戴面具耍樂。

最愛非凡哥

麥包抱着 3個月大的姪兒，激發起他再為人父的感覺。　場地：圓方

太太除了是賢內助，也是麥包的超級粉絲，她當然也晚晚捧非凡哥場，情人眼裏出西施，她直言不覺非凡哥一角乞人憎， Allison說：「我代入唔到好憎非凡哥，成套劇我覺得佢無論身形同氣勢，喺嗰個年代嚟講都最 man，如果換轉我係江美儀演嘅冬妮，我寧願揀做非凡嫂，都唔做醒嫂。」不過 Allison一世最願做的當然是戲外麥太身份，事緣擁有一個錫到她燶和關愛家庭的好老公，正是夫復何求。
此外，麥包酷愛小孩，近日榮升姑丈的他日前抱着小姪兒，愛不釋手，不過擔心夫婦沒多餘時間照顧孩子，才打消再造人大計。