5呎 3溝女王　林子善街頭慾咀黑妹

2011年06月15日

喺《怒火街頭》做戇直律師的 29歲林子善，《花花世界花家姐》又見佢蒲頭，師奶唔識佢都認到佢個樣。

家陣入晒屋，只有 5呎 3吋嘅林子善原來對女好熱情，早年食過柑桔陳蕊蕊外，前週日（ 5日）林子善凌晨喺中環街頭同一名 MK版澀谷系朱古力黑妹又攬又錫。「矮仔多計」家唔只王祖藍一個專利喎！

人稱洪爺嘅林子善，中學讀元朗伯裘書院，跟吳浩康係同學， 16歲又去咗航海訓練學校做學員，之後跟星爺撈完電影界再殺入無綫，識跳街舞又間中喺夜場做 MC及幫手打碟， 29歲仔算多才多藝，溝 MK妹簡直冇難度。

5呎 3溝女王　林子善街頭慾咀黑妹
做完《花家姐》個細佬，林子善再喺《怒火街頭》中飾演戇直師爺米佐治，形象討好入晒屋！

當街攬錫

前週日凌晨（ 5日），林子善於中環「 Club DV8」打完碟時，本刊便發現一名打扮甚有 MK鍾舒漫 feel的女子，全程在欣賞洪爺演出，其後兩人於石板街忍唔住又攬又錫，玩到熱辣辣仲當街拉扯，好癡纏。

5呎 3溝女王　林子善街頭慾咀黑妹
8/6身高襯絕
上週三（ 8日）洪爺再同女友 MK鍾舒漫（ Kary）一齊睇戲，見 Kary着住件白色低胸緊身小背心加條牛仔熱褲，身材都算唔錯，可惜成個 look似足 out晒嘅涉谷系黑 o架妹造型，最難得係同 5呎 3嘅黑實洪爺身高一樣，講真其實幾襯。

5呎 3溝女王　林子善街頭慾咀黑妹
5/6　 2:15am連環啜

5呎 3溝女王　林子善街頭慾咀黑妹
前週日凌晨林子善喺中環 Club DV8打完碟，同女友坐喺石板街街邊，一輪攬攬之後，二人忍唔住街頭打茄輪，仲要坐低錫完，企起身再咀，拍拖 2個月，果然仲有激情喎！

5呎 3溝女王　林子善街頭慾咀黑妹
谷肌肉
咀完女友，㷫烚烚嘅林子善，無啦啦摺起衫袖谷行老鼠仔，難得女友狀甚欣賞，洪爺氹女有一手喎！

5呎 3溝女王　林子善街頭慾咀黑妹
有肥腩
林子善後生時又跳街舞又鍾意打籃球，可惜近年忙住拍劇少運動，本來頗 fit嘅身形，搞到家有個肚腩仔，趁後生 keep吓啦！

5呎 3溝女王　林子善街頭慾咀黑妹
林子善喺 disco打碟期間，現場蒲友反應甚 high，最難得係女友（紅圈）坐喺側邊欣賞男友表演，畀足反應撐場。

行埋 2個月

其實未溝 MK黑妹之前，林子善曾先後跟柑桔陳蕊蕊和一圈外女友拍拖，但據知均不歡而散。知情人士說：「佢之前個女友已經住埋一齊，不過當時佢太霉，冇嘢做，成日發女友脾氣，所以激走咗女友！」
上週六（ 11日）問到林子善同辣妹，佢大方咁話：「係呀，佢（黑妹）係我拍咗 2個月拖嘅女友，我哋都識咗 2、 3年喇，佢叫 Kary Tung，家做緊 sales，係我 DJ師傅嘅老婆啲朋友嚟，家發展得好好，佢都見過我屋企人，嚟緊父親節打算同 Kary屋企人飲茶慶祝吓！」咁快就打定外父外母牌，都話你有計 o架啦！

5呎 3溝女王　林子善街頭慾咀黑妹
98年被星爺睇中做《喜劇之王》洪爺一角，之後做親都係古惑仔角色，係入咗 TVB之後先能成功洗底。

林子善食過柑桔

林子善（洪爺）出道 13年，由跟星爺做茄角開始，至最近連拍多套 TVB劇集入晒屋。據知情人士向本刊爆料，原來林 98年仲係跟星爺搵食時，曾跟無綫《美女廚房》柑桔陳蕊蕊拍拖，兩人感情只維持短短兩週，當時林子善更嬲到喺尖沙咀文化中心大鬧女方私生活唔檢點！對此林子善則說：「梗係冇唱佢啦，人哋女仔名聲好緊要 o架！」而陳蕊蕊則說：「我冇聽過佢唱我喎！我同佢嗰時係特別 friend！」

26歲陳蕊蕊， 04年入讀 TVB第 9期舞蹈藝員訓練班並簽約無綫，初為舞蹈藝員，到 09年加入《耳分高下》及《美女廚房》做「柑桔」，好身材又肯剝，之後又孖住 Dada（盧頌之）演出《四葉草》，最近更做埋歌手。