face 233 佘詩曼 陳豪

FACE週刊 第233期

FBI File

阿佘晒股 陳豪露底

2011年11月09日

「無綫節目巡禮2012」上星期二晚喺電視城舉行。呢個每年一度新劇預告,FBI當然第一時間撲去睇吓有乜好劇煲啦。

除咗《衝上雲霄2》同《金枝慾孽2》,FBI就最睇好佘詩曼同陳豪孭飛、講述MK仔陳豪,點溝掂大明星阿佘嘅《4 In Love》喇。事關當晚播出《4 In Love》預告入面,FBI見到阿佘有一幕背部全祼鏡頭,而且仲由頭影到落腳鬼咁香艷,可惜睇真啲,個背影冇厘曲線,唔似出名有條蛇腰嘅姣佘本人。至於陳豪就要喺旺角當街除剩條底褲,雖然條褲唔係T-back,但意識都幾大膽,唔通陳豪想挑戰女友陳茵媺露bra?

《4 In Love》佘詩曼有一幕背部全祼鏡頭

阿佘出名有條蛇腰,但呢個背影,腰同臀部都冇乜曲線,所以一睇就知唔係佢本人。
阿佘出名有條蛇腰,但呢個背影,腰同臀部都冇乜曲線,所以一睇就知唔係佢本人。

劇內係大明星嘅阿佘,有個白色bob頭造型,抄足2年前嘅Lady Gaga喎。
劇內係大明星嘅阿佘,有個白色bob頭造型,抄足2年前嘅Lady Gaga喎。

旺角除褲

阿佘有替身,但陳豪就慘啲,有一幕要喺旺角街頭露底。FBI聽聞露底的確係佢本人。做過model,又拍過露股嘅《晚九朝五》,呢啲濕碎啦!
阿佘有替身,但陳豪就慘啲,有一幕要喺旺角街頭露底。FBI聽聞露底的確係佢本人。做過model,又拍過露股嘅《晚九朝五》,呢啲濕碎啦!

傷殘女神

2012年另一大劇就係《衝上雲霄2》,今集繼續有胡杏兒孭飛,再加TVB一哥林峯,上集有絕症嘅胡杏兒,今集仲會跛埋腳,FBI好想知佢點解百病纏身都咁多仔冧。

2012年另一大劇就係《衝上雲霄2》,今集繼續有胡杏兒孭飛,再加TVB一哥林峯

入閘拖手

《衝2》將由張智霖取代吳鎮宇嘅「Sam哥」角色,喺劇內佢同女飛機師陳法拉有一段情,二人仲喺離境大堂拖手,真係做戲咁做。

《衝上雲霄2》將由張智霖取代吳鎮宇嘅「Sam哥」角色,喺劇內佢同女飛機師陳法拉有一段情,二人仲喺離境大堂拖手,真係做戲咁做。

《衝上雲霄2》將由張智霖取代吳鎮宇嘅「Sam哥」角色,喺劇內佢同女飛機師陳法拉有一段情,二人仲喺離境大堂拖手,真係做戲咁做。

Sam哥現身

宣傳片播到最後,「Sam哥」吳鎮宇突然出現話自己會喺劇內再演機師喎,不過FBI聽聞佢只係客串,當年嘅「Sam哥」就唔會再有份喇!好嘥啫!

宣傳片播到最後,「Sam哥」吳鎮宇突然出現話自己會喺劇內再演機師喎


本文鏈接:face 233 佘詩曼 陳豪