《衝上雲霄II》台灣外景拍攝

FACE週刊 第289期

真面目

神乎其技 「 C小姐」臭朵 變臉法拉親民補鑊

《衝上雲霄 II》剛完成巴黎和英國的外景拍攝,未返港即有自稱無綫化妝師在微博鬧爆 C小姐,雖然揞名爆,但難免令人聯想「 C小姐」係陳法拉,其後法拉在微博上極力否認,監製更話係一場誤會。

上週六( 1日)《衝 II》再拉大隊飛往台灣高雄作最後一站外景拍攝,期間法拉在記者面前大打親民牌,全程「陳四萬」上身,但鏡頭背後則依然故我繼續黑面。

《衝上雲霄II》台灣外景拍攝

發現記者前,法拉孤獨食麵,加上 45度斜睥眼神,法拉黑眼圈盡現,好咒怨呀!

自 C小姐事件曝光後,識做法拉返港後亦第一時間向傳媒解話:「咁耐以嚟只係遲到過一兩次,每次都係最多十零分鐘,完全冇影響進度。」被踢爆遲到,上週六( 1日)法拉出發去台灣為《衝上雲霄 II》拍外景,即刻「做嘢」洗底。

《衝上雲霄II》台灣外景拍攝
鬧爆遲到
上月 29日,微博突然有一疑似無綫化妝師大爆 C小姐遲到惡行。

《衝上雲霄II》台灣外景拍攝
賴誤會
法拉之後喺微博留言,賴遲到係誤會。

《衝上雲霄II》台灣外景拍攝

發現記者後的法拉馬上變臉,仲唔介意扮可愛口擘擘,俾記者影相交功課,算係咁啦!

作狀扮 PSY

當日《衝 II》再次出發,胡杏兒、吳鎮宇、張智霖和陳法拉等人晨早前往台灣高雄繼續拍攝,離開布滿記者的 check-in櫃台,法拉已變孤獨精遠離眾人,即使到達高雄機場,弱質纖纖的她寧願自己拎行李都不願開聲搵幫手,其他演員亦各自埋堆吹水。

《衝上雲霄II》台灣外景拍攝
機場馬舞
未埋位仲有少少時間,點都估唔到法拉會表演 PSY嘅〈江南 Style〉馬舞娛樂大眾。

《衝上雲霄II》台灣外景拍攝
主動梳頭
平時身嬌肉貴,為求洗底,法拉不惜幫臨時演員紮空姐頭。

《衝上雲霄II》台灣外景拍攝
悶親 Chilam
其他演員走得七七八八,剩得法拉同幾位幕後工作人員猛吹水,難為身邊嘅 Chilam攰到伸晒懶腰想瞓覺。

《衝上雲霄II》台灣外景拍攝
蠱惑可樂
咪以為吳鎮宇飲可樂咁純情,其實支可樂係一早加咗白蘭地(小圖),你睇鎮宇個樣咁 high就知啦!

甫出高雄機場即馬上埋位拍機場戲,在拍攝期間,眼利法拉發現有記者在場,黑面神馬上變開心大使,除了與劇組人員有傾有講,更主動替扮演空姐的臨時演員紮頭髮,更作狀跳 PSY的騎馬舞娛樂大家。
忽然變 nice,在場工作人員都議論紛紛:「唔怪得笑晒啦,原來有記者影相,都好嘅 ,有記者喺度睇住佢,佢拍嘢都會醒定啲。」

繼續黐 Chilam

《衝上雲霄II》台灣外景拍攝
馬明同江美儀喺《名媛》已經合作過,今次《衝 II》仲做埋情侶,不過就算坐到咁埋都冇有怕傳緋聞。

法拉除了變臉神功厲害,做戲亦做到底,黐實早前用粗口問候過佢的吳鎮宇開餐,最後仲爭住畀錢做大豪客,鎮宇當然照單全收。翌日( 2日)大隊去到墾丁繼續拍攝,法拉亦沒有遲到,更以陽光笑容向在場記者說「早晨」,心情明顯靚爆。
晚上全組人員在酒店餐廳打邊爐,眼見鎮宇唔多騷法拉,故當晚法拉黐實張智霖,近四粒鐘邊爐時間,法拉好似開籠雀講極唔停,即使身邊的張智霖狂放蚊都無損法拉靚心情。據知,拍足半年的《衝 II》將於 2013台慶月( 11月)期間播映,如果法拉醒醒定定,分分鐘有機會做出年視后都唔定!好心聽話啦!

衝衝來衝衝去

03年的《衝上雲霄》,由於胡杏兒飾演的蘇兒太過深入民心,《衝 II》無理由唔出鏡,所以《衝 II》亦有蘇兒戲分,不過於第二集便會過身。
上週六( 1日)大隊齊齊出發到高雄拍一場戲,當日杏兒戴晒假髮扮十年前的蘇兒,埋位時間唔多,見佢多數都係悶悶不樂咁企埋一邊,唔係仲掛住前度呀?

《衝上雲霄II》台灣外景拍攝
未埋位,法拉繼續親民埋杏兒身有傾有講,但杏兒個樣有啲交戲。望清楚,今集蘇兒嘅頭髮長咁多,唔多連戲喎!

《衝上雲霄II》台灣外景拍攝
週六到高雄,週日( 2日)已經同鄭嘉穎到大馬拿視帝視后,可惜今次無得再講「難頂宣言」喇。

《衝上雲霄II》台灣外景拍攝
’03