甜甜圈 糖妹黃山怡

FACE週刊 第301期

曇花一現的《老表,你好嘢!》以後,港劇收視回復低迷,傾盡全台小生花旦出演的愛情劇《戀愛季節》,首個單元只錄得23點平均收視。
收視雖然不高,電視劇的滲透力仍然不容忽視,糖兄妹主音糖妹(黃山怡),就靠糖衣包裝,把男人婆女主角梁靖琪擠到一邊,成功跑出。
糖妹露出酒窩勁興奮說,出過碟、做過《勁歌金曲》大半年主持、再加上 24集飲食節目《甜姐兒》,威力還不夠五集電視劇單元強勁:「出街個個都叫我妹豬、 啲學生妺好鍾意學講我嘅口頭禪、微博一個星期多咗成萬人關注、仲帶挈好多內地觀眾因為咁去聽番糖兄妹嘅歌,呢排我見到最多嘅評論係『你好萌呀!估唔到你87年出世,都可以扮到17歲!』。」
兩年前,訪問過剛剛出碟不久的糖兄妹,糖妹說,做歌手是她的唯一夢想,為了不玷污夢想,推掉了不少拍寫真賣可愛的o靚模工作。
兩年後,糖妹簽了三年無綫合約,《戀愛季節》還有陸續有來的《衝上雲霄Ⅱ》和《法網梟雄》,套套都係做人哋個妹、套套都要賣可愛。
「做落先知香港樂壇嘅生態係咁樣,一定要做好多其他工作先可以維持到個歌手身份……向好嗰方面諗,好多歌手同行已經轉咗行,我起碼仲喺度呀!」
25歲扮17歲,做歌星要靠電視劇曝光,諗落雖然委屈,從糖妹把口說出來,還是笑騎騎勁滿足。
為了留在這個圈,有的人賣肉、有的人抽水,糖妹的方法則是派糖。派糖先決條件,應該要先氹到自己笑。

甜甜圈 糖妹黃山怡

簽得就要攞嚟用

中三開始不放過十九區各種規模歌唱比賽,糖妹 07年與潘雲峰組成「糖兄妹」,開始駐場為商場表演, 10年正式出道。作為歌手,糖兄妹其實成績不俗,拿過「叱咤生力軍組合」銀獎。不過,香港地,唱歌始終難搵食,去年糖兄主打創作、糖妹簽約電視台,工作量和收入都比做歌手多。

前嗰排我發覺阿媽唔識用 WhatsApp,個心即刻噏住噏住。 啲朋友個個都同阿媽玩 WhatsApp,但係我就唔得閒教佢用喎……簽咗藝員約後,工作真係多咗好多,電視劇、主持、賣埠節目、仲有奧斯卡宣傳片都有我份,最癲係有一日由中午 12點拍到朝早 5點,跟住四個鐘後又要開工。不過個電視台咁大,辛苦過我嘅人仲有大把,簽得約,就要攞嚟用至抵吖嘛!

甜甜圈 糖妹黃山怡

甜甜圈 糖妹黃山怡
主持《勁歌》和《甜姐兒》表現討好:「我份人勝在面皮厚,平時睇電視又會偷師,平時裝備好,有需要時就可以攞出 嚟用。」《蘋果日報》圖片

我係好鍾意唱歌,鍾意到 09年明明有人傾我做??模、幫我出寫真我都唔肯制。曾經覺得自己唔使賣可愛,不過做呢行有時賣點唔到自己揀。入 咗電視台一排,暫時都覺得幾好……算係咁啦!我唔使露肉、又唔使造新聞,淨係需要笑騎騎咁輕輕鬆鬆過吓場就有人睇喎!笑咋嘛,我似媽咪,由細到大都鍾意笑騎騎,又唔係作狀扮出嚟。講真,同年出道好多人變 咗炮灰、轉咗行,我唔使轉行、有人願意睇我、仲有少少錢賺添,好好彩?喇!

甜甜圈 糖妹黃山怡
中三開始賽遍校內校外大小歌唱比賽,比賽時認識了鄧紫棋和 HotCha成員 Regen:「人 哋一個二個出 咗道,我曾經好驚自己等到老都未做到歌手。」

甜甜圈 糖妹黃山怡
糖妹與糖兄在商場駐唱三年才等到機會簽唱片公司做歌手:「拒絕出寫真行捷徑,係因為怕有一日我做 咗歌星,泳衣照成為我 嘅歷史。」

我欠細佬一間房

甜甜圈 糖妹黃山怡
糖妹在《戀愛季節》首單元中飾演女主角梁靖琪胞妹,芳齡 17愛追星,出鏡不多,不過有人話作狀,有人話可愛。

咁大個娛樂圈,我估只得何超儀和麥浚龍才有資格說夢想和堅持。爸爸在中學做校工、媽媽是家庭主婦、還有個 14歲的弟弟等她養,糖妹話,現在最大目標,是堅持留在娛樂圈,早日實現搬出 300呎深水 埗舊居的夢想。
屋企不嬲唔係富有,我都好容易滿足,本來都好任性、安於現狀。不過細佬愈 嚟愈大,今年 14歲啦,仲同爹哋媽咪 瞓緊一間房。我一個人霸 咗一間房、 啲衫呀袋呀結他呀再霸埋其他地方,媽咪唔出聲,但係我過意唔去。細佬冇投訴,但係我覺得自己爭佢一間房,好想快 啲儲夠首期,買間大少少 嘅屋企。
入行之前,做歌手係一個目標。入行後,就會發覺天外有天、人外有人,每日都會問自己:「其實你憑咩留 喺度呢?」

甜甜圈 糖妹黃山怡
簽約無綫後演出機會不斷,年度重頭劇《衝上雲霄Ⅱ》又有糖妹份:「我係扮 Chilam同杏兒個妹,由法蘭西返嚟,不過 Chilam唔肯認我。」

每年出席頒獎禮、去內地宣傳、去台灣做騷、前排又煲 咗成季嘅《中國好聲音》,我唔夠人靚、身材唔夠人好、有才華嘅人大把,歌又唔夠人 哋受歡迎。其實好現實,歌唱得好實有人聽。糖兄妹啲歌唔夠人 哋受歡迎,就係做得唔夠好囉。好彩,我天性樂觀,自卑一陣就話畀自己聽,一日仲 喺度,我就仲有機會進步、仲有機會再做好啲。結他、唱歌、做戲,忙還忙,上堂學嘢 嘅時間我一定留畀自己,我相信,只要自己唔係揸流攤,就同呢一行緣分未盡。

當 148遇上 180

甜甜圈 糖妹黃山怡

個子不高、樣貌又沒有甚麼殺傷力,一點小事都能笑一大餐,事實上,這不過是糖妹包在外殼的那層糖衣。 20歲,嫌對方不夠上進,主動飛甩拍拖 3年的男朋友; 23歲,主動追求年紀小一歲、身高高出一大截的男模何浩文(Dominic),細細粒笑騎騎的糖妹,決定的事沒人能動搖。
我哋舊年白色情人節前夕 喺埋一齊,到o依家就嚟一年。 10月我生日,佢開戲拍緊《古惑仔之江湖新秩序》, 啱啱個情人節,我哋又係各有各忙,連禮物都冇交換。

Dominic雖然細我一年,諗法其實比好多年紀更大嘅男人都要成熟,無時無刻諗緊點樣學多啲、做好啲增值自己,又學拳、又學戲,前排佢又無端端同我講,想學唱歌。你睇佢身形 keep得咁好,就知背後落 咗好多工夫,反而係我,過完年肥 咗好多,公司叫我唔准食,就好似攞我命一樣!
細個拍拖好盲目,有時喺男朋友屋企白等兩個鐘,就為 咗見一面;郁 啲要生要死,懶係深情咁……o依家唔會啦。雖然搵着個男朋友個樣更惹桃花,我都忙到冇乜時間去擔心佢、 check佢,人大咗,就明白一個道理,係你嘅就係你?啦……不過有時會好後悔,上完台唱完歌,記者圍住只會問男朋友,冇人理你唱成點。最衰都係自己,發展段感情出 嚟,抹殺 咗自己嘅工作努力。

甜甜圈 糖妹黃山怡
糖妹出名是慳妹,食飯搭車都平民化:「細佬 14歲仲係同爹哋媽咪一間房,我想快啲還間房畀佢。」《蘋果日報》圖片

甜甜圈 糖妹黃山怡

追到底

甜甜圈 糖妹黃山怡
兩年前向娜姐師弟何浩文表白被拒,一年前終於得米正式拍拖:「佢個外形好惹桃花,不過好彩我忙,唔得閒胡思亂想。」

兩年前一出道,笑容甜美的糖妹就榮升為高登女神。兩年前第一次與糖妹做訪問,她就自爆主動追求身邊男性,顛覆了其觀音兵無限的女神形象。
「我同佢上演技班時認識,佢高我好多、細我一年,係 model嚟 ?。我份人係咁 ?,想做就去做,費事第時走嚟後悔,有一晚夜麻麻打畀佢同佢講:『我鍾意咗你!』結果呀……結果佢咪冇再打畀我囉。」
高好多、細一年又係 model出身,糖妹兩年前追求失敗的擺明就係 Dominic。上一個訪問是 11年 3月,糖妹說與 Dominic在 12年 3月正式拍拖,示愛失敗後再用一年時間逆轉局勢,糖妹的韌力不能睇小。

撰文:朱小博
攝影:范仲良
服裝鳴謝: Nice Claup