《On Call 36小時II》拍攝 楊怡公園捽鼻

FACE週刊 第307期

視后楊怡個鼻疑似後天加工,紅咁多年就被講足咁多年,搞到 FBI同好多朋友睇親楊怡做戲,都淨係掛住望佢個鼻,唔記得睇劇情聽對白,而楊怡呢,亦都變咗驚弓之鳥,一見相機就周身唔聚財,驚死俾人影個鼻。

上星期六( 6日),一放晴,無綫套《 On Call 36小時 II》即刻出動去西環拍外景,一個景拍兩場戲。呢日劇情原本帶住仔女同奶奶一齊外遊嘅楊怡,理應好寫意至啱,但楊怡見到 FBI就擰晒面,仲講到出聲:「都唔知點避好……陣間 roll機至影啦!」最多下次唔 close up影你個鼻囉!


一見記者影相,楊怡周身唔聚財,擰嚟擰去又不自覺摸個鼻,此地無銀喎!

楊怡似乎知道 FBI狂影佢捽鼻,即刻笑晒 say hi,咁咪唔使俾 FBI影到木偶鼻,醒目!

劇情講到楊怡同奶奶黃淑儀帶住 BB行公園,咪玩啦,邊有媽咪一個湊兩個,仲有行草地都仲着高踭鞋㗎!

同劇嘅胡蓓蔚同郭政鴻等埋位等到呆晒,要工作人員擔遮防曬。