FACE週刊 第309期

在橫店為國內首套3D武俠劇《陸小鳳與花滿樓》趕戲的林峯，冇咗吳千語BB喺身邊，隨即失魂落魄。休息時間唔係背劇本，而係全日掛住同BB傾電話、玩微信，結果每次林峯要埋位時，都要勞煩劇組的香港導演大叫：「峯少又去咗邊呀？」

人氣爆晒燈的林峯據知收近 50萬一集拍電視劇，不過態度同收 7萬的 Angelababy有得揮，同樣沒有最 hea，只有更 hea。

拍攝現場有不少國內同胞圍觀湊熱鬧，林峯雖 hea但亦要保持 chok樣。本月 13日下午，飾演陸小鳳的林峯正為一個鏡頭交戲畀眼神，點知導演突然嗌 cut，再衝埋林峯身邊用廣東話講：「峯少，真係對唔住喇，呢度你係要講呢句對白?！」當住幾十人俾導演話，林峯當堂傻笑，再同導演講：「 Ok， Ok！」

拍完後，林峯馬上返回片場後面繼續攤屍，疑似同千語 BB玩電話，連助手拎埋飯盒擺到面前都眼尾唔望一眼，睇嚟有情真係飲水都會飽。

以前在香港拍劇都冇人敢對峯少無禮，點知上到內地始終要面對現實。

雙手護眼為咗保持靚樣，未埋位時峯少都要用對手擋住太陽，怕曬傷定曬黑呢？

擺款聽戲導演任海濤埋去教戲，峯少就繑埋雙手，叫助手撐住把遮遮太陽，巨星般嘅風範，原來就係咁！

攤屍峯少唔係瞓覺就係同千語 BB玩電話傳情，記者全日直擊都未見過峯少攞起劇本望一眼，咁嘅態度邊值 50萬一集呀？

玩微信

上星期忽然爆出一張疑似林峯同千語 BB註冊結婚相，但事後證實二人只是跟謝偉俊中國法律事務中心林律師合照，千語 BB未做成林太！

H7N9冇有怕

正值 H7N9不斷擴散，北上搵人仔嘅藝人都好識保護自己，避得就避。不過萬人迷林峯一於好少理，即使千語 BB早前講咗句雙重含意嘅說話，叫佢「唔好亂食嘢」，峯少依然同劇組一齊食劇組飯，而且片場衞生環境一般，唔少藝人都寧願匿上車食，嬌生慣養的林公子卻坐喺片場大啖食。

Chok峯採礦從來只有 chok樣嘅林峯，上到大陸果然連習慣都跟到足，當街撩鼻仲撩得咁認真，好唔衞生喎！

大啖食係太肚餓定飯餸好味？林峯喺片場大啖大啖塞入口，同劇組人員齊齊食。