FACE週刊 第311期

與國產乳牛張馨予分手後， 33歲吳卓羲唔愁冇女，先後同內地女星唐嫣和擁有驕人 38D的莫小棋傳緋聞；上年 9月去到三亞拍劇，連人妻梁靖琪都唔放過，被拍到水戰連場埋身肉搏，真係食得唔好嘥。

雜食成性，吳卓羲最近突然回歸港女懷抱，搭上《衝上雲霄 II》拍檔傅嘉莉 Kelly。據知羲哥在拍劇期間出手，晚晚親自揸車買糖水冧女， 2個月前終於成功將 28歲傅嘉莉私有化。不過新女身材只得 34B，比起幾個重量級前度非常輸蝕，唔知羲哥會唔會好快玩厭呢？

吳卓羲對第一次拍劇的傅嘉莉特別照顧，《衝Ⅱ》開拍外景初時，羲哥唔知有狗仔偷影，即刻出招，用紙巾幫傅嘉莉抹汗。《忽然 1周》圖片

拍完《衝 II》後未有新劇開的吳卓羲，近月長駐內地拍大陸劇，早前拍《格子間女人》時例牌與同劇女星唐嫣及莫小棋傳緋聞。雖然一個行氣質路線、另一個則賣 D級身材，但吳卓羲接受訪問時講明兩個都唔吼，「我同唐嫣冇感覺，我連佢電話都冇；同莫小棋拍完之後都冇傾過電話，亦冇見面！」

拍《衝 II》睇日落戲分，吳卓羲知有多間傳媒探班，表現得一啲都唔冧。《壹週刊》圖片

晚晚唔同款

唔騷國產妹，原來吳卓羲早已名草有主。據聞年初拍攝《衝 II》時，飾演機師的唱 K與機場咖啡店職員傅嘉莉撻着，兩人秘密拍拖已有 2個幾月。「 Ron（吳卓羲）知道 Kelly（傅嘉莉）鍾意食糖水，晚晚借啲意萬歲叫外賣，但點都留一碗畀 Kelly，晚晚唔同款，一時木瓜雪耳、一時又楊枝甘露，不過 Ron好神秘，連微博都唔敢關注 Kelly，見有記者探班，仲同 Kelly扮唔熟，寧願黐實杏兒同 Toby玩！」知情人士透露。

戀情啱啱開始，情聖都要特別小心保護，近日在深圳與江若琳拍緊新劇《待嫁十年》，吳卓羲在片場刻意與對方保持距離，避免傳出緋聞令新女唔高興。

明明有感情線，但唱 K同傅嘉莉喺人前扮唔熟，影張合照都硬晒軚！

除咗吳卓羲，傅嘉莉亦愛黐胡杏兒爭取曝光。

女方蜜認：佢拍咗段 video畀我

上週五（ 3日），傅嘉莉做完活動後，與助手到時代廣場附近的平價餐廳醫肚，期間撳電話多過食飯，亦甚少同其他人傾偈，食飽後拿拿臨同助手行路返屋企，之後再冇外出。
據知長期留在國內的吳卓羲，一返港就會撲上傅嘉莉位於大坑的唐樓單位，爭取時間見面。「之前 Kelly同屋企人住太古城，今年 2月先搬去大坑自己住，啱啱拍拖，梗係想二人世界啦！」

週一（ 6日），記者致電 Kelly，她在電話笑住回應︰「你問佢啦，你問佢啦，（係咪拍咗拖 2個幾月？）我哋係好好朋友，之前我生日，佢仲拍咗段 video畀我，話同我食生日飯！（燭光晚餐？）哎吔！我唔講喇，（佢拍劇時成日請你食糖水喎！）佢個個都有請，有風度，問我鍾意食咩糖水啫。（最近搬咗去大坑？）係呀，o依家自己住。（吳卓羲有冇嚟探過你？）我唔講咁多喇，唔該晒。」

3/5返大坑秘竇
男友唔喺身邊，傅嘉莉上週五做完嘢收工，全程嘟晒嘴冇厘心機。

入到餐廳，企喺度都狂篤電話，唔使審肯定係同唱 K WhatsApp啦！

傅嘉莉兩手 fing fing行返大坑屋企（右圖），所有嘢都由工人拎晒，夠晒港女！

去年 9月 TVB拉大隊飛三亞拍《衝 II》，當時吳卓羲與傅嘉莉仍未撻着，所以夠膽同 Toby摸黑喺酒店泳池喪玩。《忽然 1周》圖片

《忽然 1周》圖片

傅嘉莉默認與吳卓羲拍拖

[16:43] 2013/05/08

模特兒傅嘉莉（Kelly）出席美髮活動時，問到可有獲緋聞男友吳卓羲讚髮質好？她冧爆地傻笑說：「佢都幾鍾愛意我劇中嘅Look。」自言想減肥的Kelly被問到會否叫吳卓羲唔好送糖水？她又笑說：「我好鍾意食糖水，（你哋甜到漏！）佢…佢…請劇組大家食，好豪氣，好sweet，（荀盤？）絕對係，（拍緊拖？）好好好好朋友，（爭啲咩？）佢對大家公開、追我、承認先。」問到下次會否與吳千語和林峯一樣sweet？她說：「係女仔拍拖都想sweet，希望好似佢哋一樣。」