李詩韻試食薛凱琪黑人舊愛

最近憑劇集《情越海岸線》又扮學生妹,又激吻陳展鵬再彈起嘅李詩韻,今日就有報道佢似足《情》劇一樣,努力向上流發展。其實詩韻本身家底不俗,不過04年父親破產,過慣大小姐生活嘅詩韻,都係搣唔甩千金小姐習性。

今日就有報道影到李詩韻上星期四,同薛凱琪前黑人男友、澳門威尼斯人高層Reggie Martin喺IFC一間高級意大利餐廳約會,二人席間談笑不斷,燭光晚餐又夠晒浪漫。雖然李詩韻只係認同Martin係朋友,不過佢之前連續傳緋聞的都係富二代或富豪,好似仁濟主席吳守基同李彩華的富貴男友潘啟翀等。

不過Reggie Martin都唔弱,佢都同過唔少女星傳緋聞,除咗薛凱琪、仲有黃婉佩(Race)同宣萱等。咁多桃花,詩韻真係要考慮清楚啦!

而詩韻近期亦襯自己再上位,拍咗幾條教女仔美容心等嘅短片放上網,更加有拉高件衫擦身嘅片段,另一段仲教人點樣扮學生妹添!

李詩韻搭上薛凱琪黑人舊愛
今日有報道話李詩韻搭上薛凱琪黑人舊愛。 (《FACE》圖片)

Reggie Martin亦因為同Fiona傳緋聞而為人熟悉。
Reggie Martin亦因為同Fiona傳緋聞而為人熟悉。

被指撻著Fiona黑人舊愛 李詩韻:I Love Chinese!

李詩韻今日喺電視城為新劇《熟男有惑》拍宣傳片,對於有報道指佢搭上薛凱琪前黑人男友、澳門威尼斯人高層Reggie Martin,佢即時呼冤否認,仲話自己係個傳統女仔,淨係鍾意中國人o架,佢話:「I Love Chinese!」

問到咁係點識對方?詩韻話:「係朋友介紹,佢有好多圈中人朋友,總之我同佢一定冇可能。」提到現時感情狀況?詩韻直言只係想搵個結婚對象,佢繼續話:「我唔想拍拖又散,因為每次散都好心痛,我唔想再有傷害。」

講到在《情越海岸線》中,詩韻與前男友鄧健泓互攬,詩韻話:「拍嘅時候,我好入戲,所以當時冇乜特別,但睇番就冇種好得意嘅感覺。」

李詩韻今日喺電視城為新劇《熟男有惑》拍宣傳片

第二頁:李詩韻浴室自磨片流出