吳千語自從同林峯高調拍拖之後，即刻升呢，唔單止人氣急升，仲連騷價都升咗超過十倍。

而背景一向超神秘嘅千語BB，一直以「混血兒」做包裝，聲稱父親喺澳洲開餐館，又留學澳洲。其實一早已經有報道其父只係喺沙田沙角邨內街市斬叉燒，佢亦只不過係屋邨長大。而原名吳欣容嘅千語BB，因為皮膚黝黑，被同學仔冠以花名「印傭」。

今日亦有報道同吳七愛大起底，真名、學生照、出身、父母背景通通刮盡。千語嘅阿媽從少已經栽培個女要向上流，因為千語細個都生得幾標緻，讀書時已經孭住LV袋出入，屋企人成擔心機放喺佢身上，不過千語就冇咩讀書天份，會考成績差，F.5畢業就去讀讀港大Space副學士先修班。

FACE週刊 第314期：揭吳千語充上流拜金

而千語BB由16歲之齡入行，拍過廣告俾黃百鳴睇中，一拍戲就做女主角，不過吳千語之後工作唔多，反而花邊新聞多到暈，又經常黐實一班富二代去蒲去玩，務求盡快晉身上流社會，前年佢已經俾人影到同王愛倫細仔Derek Lim拍拖，兩個人由dragon-i再玩到落Volar又攬又錫，喜愛夜蒲性格出晒嚟，同今時今日形象乖巧嘅「峯嫂」不可同日而語。

(左)《FACE》圖片

吳千語細個皮膚黝黑，有花名「印傭」之稱。

今日唔同往日，千語出親街都係帶住名牌手袋。

前年同林愛倫細仔Derek拍拖，愛得癡纏，晉身上流踏出成功第一步。(《忽然一週》圖片)