FACE週刊 第317期
廠佬富豪同居獨立屋
上年《盛女愛作戰》的人生教練Winnie勁討厭，今輯《求愛大作戰》中的整容狂陳莉敏Queenie卻未惹人反感，上週更大膽自白，話自己曾經太虛榮：「一直都冇找到所謂幸福！」博得姊妹認同。
Queenie感受深，原來40歲的她情路曾重創，曾經跟廠佬有米男友同居於西貢獨立屋，其後男友變心，據知大受刺激的Queenie因此踏上整容路。
早前Queenie出席完《求愛》宣傳後，一個人往尖沙咀加連威老道行街，其間全程專注睇電話，似乎好多人搵佢。
我睇到以前嘅自己。（真實對白）
Queenie上週在《求愛》第三集中，自爆曾因貪慕虛榮而「一直都冇找到所謂幸福！」勁真心要 like。
自稱試過整容 30次的 Queenie陳莉敏，原來她曾經跟一本地製衣廠佬相戀，男友除「照顧」 Queenie外，兩人更一齊在西貢夏威夷花園獨立屋同居。據知情人士說：「 Queenie自己屋企都有錢，同個廠佬拍拖唔只係為錢嘅，雖然男友大佢約 10年，不過男友對佢好好，仲想同佢結婚添，但當時 Queenie唔肯，結果條廠佬咪分手囉！」
分手續照顧
原來即使兩人數年前分手後，廠佬男友仍對 Queenie照顧有嘉，仍出租金讓 Queenie繼續在獨立屋居住，直至有米男友另結新歡， Queenie近年先搬出獨立屋，租住何文田豪宅半山壹號至今。知情人士續說：「佢哋分咗手之後，條廠佬有段時間繼續照顧 Queenie，後來廠佬搵到另一個後生又靚女嘅新女友， Queenie睇唔開，先至踏上整容路。」成為整容狂的 Queenie，更於上週在節目中自爆曾因愛虛榮，令自己錯失幸福，「我睇番以前嘅自己其實幾愛虛榮……一直都冇找到幸福！」有故事的女人，難怪講嘢比 Winnie真心得多。
睇平貨忙check電話之餘， Queenie亦不忘 shopping，不過她冇乜留心名牌，反而連街邊賣水晶手鏈（箭嘴）的店鋪亦想入貨。
2,500呎同居屋Queenie早於 02年已經與男友同居於西頁 2,500呎夏威夷花園獨立屋，至 10年兩人分手後， Queenie仍居於此。《壹週刊》圖片
人生教練有女陪
唔計綠魔 Karl，今集其餘人生教練作風較低調，起碼暫時冇亂講嘢令人反感。不過教得人追女，自己冇條女點似樣，其中陳定邦女友更加係樣靚又後生。
曹祐謙拖長髮女
上週成班《求愛》男女同導師約埋一齊包場睇首播，開設配對公司的曹祐謙則帶埋長髮女友一齊出席，本刊問他長髮女子身份時，三十出頭的曹顯得好小心說：「我o依家唔得閒，遲啲先覆你！」
陳定邦溝o靚妹
在節目中執到正又大講「十分男」理論的陳定邦，除了曾跟戴夢夢拍拖外，最新女友原來係呢位叫楊凱晴（ Bee）的兼職 model， Bee更在 fb內稱自己「在世界末日前讓我遇到一個完美男人。」陳定邦溝女真係有計喎！
氹o靚模賣身 綠魔扮基摸女胸
23吋妖腰23歲、身高 174cm，擁 23吋腰的 Karl，對於衣着被評為「不男不女」，佢就大方話要多謝每個評論過佢嘅人，現時好滿意自己的髮型及裝束，上週五（ 14日） Karl特意為本刊穿裙更露出 23吋「小蠻腰」繼續妖。
《求愛》教練 Queenie整容又貪慕虛榮，但至少講嘢真心唔乞人憎，論搶鏡和負評，有「綠魔」之稱嘅盛男形象指導許嘉浩（ Karl）贏晒！「綠魔」憑雌雄打扮，被網友勁鬧佢不男不女，比起上次 45度 Santino掀起更大話題。
據多位跟他共事過及友人均力數他扮基溝女，夜場抽水及因財反面等多宗罪。上週五（ 14日）， 23歲 Karl為本刊拍攝「艷照」時更大反擊澄清。
同女仔拍 3次拖被網民話不男不女的 Karl，細個時較男性化，而他亦堅稱自己拍過 3次拖，由佢提供的照片發現，「綠魔」個 ex仲靚過佢班o靚模喎！
F：《 FACE》 K： Karl
F：你着成咁，父母會唔會反對？
K：爸爸做公務員，媽咪係文員，我係獨生子，佢哋明白我工作性質，所以父母及親戚朋友都唔覺得我標奇立異，我唔係易服癖或扮女人囉，我好鍾意 fashion，我唔覺得留長髮着裙有問題喎！
扮同志抽水
F：你究竟鍾意男定女？
K：我之前拍過 3次拖，都係讀書時候， 3個都係女仔主動追我嘅，最耐拍咗年半，我鍾意爽朗啲嘅女仔，大個咗覺得男女都冇所謂，最緊要啱 feel溝通到，一直都有唔少男女追求者，不過o依家留長髮係多咗男性追。（據知 Karl會向不少o靚模女友詳述如何被男孩子追求，令友人們認識他初期，都以為佢係「姊妹」）
F：有人話你扮基抽水，有次你同幾個女仔唱卡拉 OK，借醉摸女人胸喎！
K：吓？平時一齊玩得嘅都好 friend，完全冇咁嘅事發生，又冇呢個人同實質證據，好搞笑囉！
F：之前有o靚模被傳賣淫，有指其實係經你搭路？
K：我同嗰位當事人其實係朋友，但佢嘅私人嘢及圈子……我冇做過啲咁嘅事，同埋我唔等錢使囉。
F：你幫林莉做形象指導，之後因為佢不滿你成日周圍放料，所以反面收場喎！
K：當時我係做 freelance，當時林莉選完港姐想做 model，佢想要個 full time嘅人，但我又開始多活動搞，之後冇喺佢公司度做，而我有乜啱佢嘅 job就 pass番畀佢公司嘅人處理，所以冇反面。
Karl因第一集的綠色西裝套裝而被封為「綠魔」。上週再在 facebook上載被綠膠纏身的風騷樣相片，睇嚟佢真係好 enjoy。
勁姿整
注重衣着及外表的 Karl，拍攝途中亦不時補妝及照鏡，甚為姿整。
疑似 take大
童年追星
Karl曾在多間電影任職宣傳人員，為《樸克王》宣傳時，難得見到古天樂，當然要合照。
F：o靚模界盛傳你有次疑似 take咗嘢，喺個活動度大鬧白梓軒（三級片《安非他命》主角），話佢紅咗唔識人，連沈震軒都要過嚟勸交？
K：我哋三個冇同場過，又點會有呢啲事發生呢，我連煙都唔食，更加唔會食嗰啲嘢（毒品）。
F：有o靚模投訴你收人 8,000蚊幫佢哋影 portfolio相，但去到連 set頭化妝都冇準備！
K：我淨係幫人宣傳，從來冇幫過人安排影相，更加唔會收人錢啦！
面對咁多負評指控，綠魔一樣嗲聲對答如流，又加以生動蘭花手配合，佢真係絕對有做藝人條件囉！
口臭 Sharon冇人 match
自認有公主病的 23歲爆瘡妹 Sharon，在印刷公司做文員，亦做兼職 model接私影賺外快，最初因性格突出而被一眾盛男睇中，但可惜其後因講嘢太寸而反遭唾棄，成為在龍目島中唯一未能配對的參賽者，反而另一女參賽者 Whitney，最初表現高竇，但後期愈得班盛男歡心，在節目後段超搶鏡。
港女Sharon狠評完盛男巖巉後，反被網民反評佢係「豬扒」，擁有一對長腿的 Sharon，閒時有做攝模擺起 pose都似模似樣，上週她在 fb中曾表示「歡迎各位搵我做 model影相」，但 post一日已即刻刪除。
皮膚唔太好的 Sharon，用咗美圖秀秀的柔焦效果下，都算呃到人。