《求愛大作戰》雙嬌臭口 Sharon胸壓小肥男友

FACE週刊 第318期

《求愛大作戰》播出至今,先有綠魔 Karl狂收投訴,緊接爆出 Rocky涉強姦案,今週節目進入結局篇,盛男盛女去到印尼龍目島,真面目逐漸浮現,尤其兩大「女神」 Sharon與 Whitney間的明爭暗鬥,上週《求愛》「劇情」造作突兀,平均得 18點收視,今週有師奶最愛鬥餐死,收視有機上調。

據知臭口 Sharon為求順利向龍目島進發,不惜心機算盡,喺盛男前 sell真扮爽,冧盡 Vincent和 Rocky,而成眾女公敵,爆瘡爆喊一幕應大快人心。實情 Sharon回港即極速溝掂從商肥仔男友,撻着 3個月,對班盛男則用完即棄,求愛騷做戲咁做。


23/6 男胖曝光
爆瘡兼平胸的 Sharon,週日( 23日)出席完尖沙咀一活動後,即急撇會肥仔男友,一見面 Sharon即將手袋及外衣交畀男友拎,果然係港女中的港女。


小肥男友
睇眼鏡時,本來一直顯得好避忌嘅 Sharon,一時忘形胸壓小肥男,當日更露出佢自豪的煞食長腿。

Sharon同班盛男聚會完,就獨自搭地鐵歸家,家住鰂魚涌私樓的 Sharon,途中不停玩電話,看似同男友報到。

23歲的 Sharon在印刷公司做文員,間中兼職私影模特兒搵外快,在節目出場時,直認自己是「港女」中的「港女」,彈眾男「巖巉」,坦白宣言反而吸引節目中的盛男,但看似直率的 Sharon,實質乜都計到盡。

賣剩蔗


電視圖片

成為今輯極品的 Sharon,由票后降呢為賣剩蔗,更惹來圍插佢口臭勢利,最終佢在節目中亦爆瘡兼爆喊為自己平反:「我唔係咁?!」

參賽為入行


《求愛大作戰》一班盛男與工作人員經常聚會,中女編導岑應(紅圈)更每次都化濃妝扮到靚靚企正中間好搶鏡。

在節目開始時, Sharon一直以出發龍目島為目標,故在節目初期,佢已好努力咁碼實外形最討好的 Vincent,希望兩人可一路拍住上。知情者說:「開頭 Vincent未係咁乞人憎, Sharon就成日碼住佢,到後期就改黐 Rocky,終於都俾佢成功入到四強,不過 Rocky最終都睇穿咗佢真面目,改冧 Whitney。」

除了一心去龍目島,原來做開奀模,相貌甚平庸的 Sharon,亦有意借今次節目上位兼搵機會正式入行,知情者續說:「 Sharon本身都好努力接 job做 model,佢有次都唔小心自爆話冇諗過喺個節目度搵真愛,但就有諗過想借今次機會,睇吓有冇得入娛樂圈,所以佢一直咁挑剔,佢根本冇興趣同班盛男發展。」

主動博影

Sharon雖然在龍目島成犯眾憎,又自稱想借《求愛》入娛樂圈,上週五( 21日), Sharon跟《求愛》大隊唱 K時,發現有記者影相,仲叫埋 Cyrus一齊望鏡頭添!

收埋男友

借《求愛》上位,但本刊於週日( 23日)卻發現自稱單身的 Sharon孖住綠魔 Karl出席完《綠國奇兵》的首映後,即獲小肥男友接送,其後兩人再會合一老人家,三人行睇眼鏡再買餸煮飯仔。知情人士說:「個節目講明一定要單身男女,所以 Sharon一直都堅持自己冇拍拖,聽講佢男友係做生意嘅,佢話係去完印尼返香港先開始,不過喺龍目島已經見佢成日自己傾電話,又經常玩 WhatsApp,佢好少叫埋男友出席《求愛》活動,費事畀人踢爆怕尷尬啩。」本刊週一致電 Sharon求證,但至截稿前未回覆。

龍目島鬧大交

《求愛》踏入最後一週,篩剩 4男到龍目島與 4女共處,而各人亦醜態盡現,是非比結局更吸引。

分黨分派


在龍目島 Sharon同 Vivien聯盟夾攻 Whitney,兩人看似「好姊妹」,但 Sharon曾暗篤 Vivien是一個有點霸道的人。電視圖片

Sharon同強國富家女 Vivien將達成同盟,夾攻得盛男寵愛的 Whitney,兩女眼紅 Whitney贏得海景酒店房,而將 Whitney的行李掟出房外,搞喊 Whitney,之後接替 Jasmine加入的 Carol睇唔過眼,終同 Whitney聯為一線對抗兩女。

Sharon冇人吼


原先 Rocky目及中 Sharon,展開追求,但 Sharon嚴重公主病嚇走 Rocky,令 Rocky心意轉向 Whitney。電視圖片

原本高竇的 Whitney在島上愈玩愈放,她備受盛男歡迎,反之最初的票后 Sharon港女格愈浮面,先冇禮叫 Rocky幫佢拎行李,令到 Cyrus都睇唔過眼出聲話佢,之後整損少少即嗌救護員包紮傷口,又只顧自拍唔跟大隊,搞到最後同行所有人都反感。

犯眾憎 Vincent:有 bad feeling!

自命英國紳士,踩港女彈港男的犯眾憎 Vincent,據知已經辭去獵頭公司高層工作,改跟朋友自組公司,而早前被 Rocky同 Cyrus等合力數臭,已被 out的 Vincent當然嬲到震,據知情者透露:「 Vincent覺得被人出賣,話有 bad feeling,有段時間匿喺屋企唔敢見人,連《求》台前幕後聚會亦缺席,佢覺得反正同《求愛》班人都係因為做節目先熟,唔聯絡都冇所謂。但係呢排啲高登仔撐佢言論夠狠,又有澳門民間電台搵他訪問,佢又當自己係寶囉,自信又返晒嚟囉!」不過要同 Rocky、 Cyrus做番朋友就好難喇。


第 9集 Vincent在隱蔽鏡頭下大數港女質素低,又鬧 Whitney矮冬瓜又高竇,被觀眾插爆,事後他自稱被要求做「奸角」,似被擺上枱。電視圖片

阿佳圍插:「佢( Vincent)話如果有得揀唔會揀香港矮冬瓜,你食屎啦!」電視圖片

Cyrus忍唔住鬧 Vincent:「你又話啲港女唔掂,你又繼續喺香港,咁你收聲啦!」電視圖片

最索 Whitney溝 Mia前夫  Mia:姣婆遇着脂粉客


Mia前夫曾搞過雪糕店,但現已結業,據知 Mia跟前夫離婚後,前夫仍厚面皮問 Mia借錢,難怪 Mia說:「叫佢搵個好啲啦!」《壹週刊》圖片

《求愛》 Sharon溝到新男友,節目中另一位女主角最靚 Whitney,大佢近十年亦被揭跟媽模 Mia前夫拍拖。雖然 Whitney有正印,但她似乎對兵仔冇抗拒,上週五( 21日)出席《求愛》宣傳活動時,更連環冧齊三盛男, Whitney招兵真係有計!

於《求愛》節目中白淨兼最索的 21歲 Whitney,雖然被踢爆撻着媽模前夫莊先生,難得她大方承認二人關係:「我睇過結婚相,但冇留意係 Mia,我哋識咗兩日,佢就話我知有小朋友,我冇睇過佢同 Mia結婚相,睇到唔開心咪唔睇囉!」


上週五( 21日), Whitney先由富貴竹昇 Justin陪住行去會合求愛大隊,期間二人有講有笑, Justin先拔兵仔頭籌。

21/6 夜蒲姣盛男
Whitney喺龍目島受盡歡迎,上週五( 21日), Whitney同自言唔會做佢「兵」的佳愈行愈埋,睇到 Rocky一臉唔高興。

21歲的 Whitney有傳同 Rocky拍過短拖, Whitney同佳吹完水後,發現 Rocky唔高興,又識搭番 Rocky膊頭氹番, Whitney真係照顧人感受。

阿佳於節目中溝唔到女,但據知佢睇中曾於《盛女大作戰》中出現的 Mandy,兩人當日唱完 K後一齊離去。

「好心搵件好啲啦!」

做網購的 Whitney,家住石硤尾南山村,上週本刊曾致電 Whitney,但她一知記者後便立即掛線。
做網購的 Whitney,家住石硤尾南山村,上週本刊曾致電 Whitney,但她一知記者後便立即掛線。

擺明有男友,但屋邨妹出身的 Whitney,在節目後段因平易近人,逐漸成為眾盛男追求目標,於節目中富貴竹昇 Justin、大隻 Rocky、博士阿佳都分別想向她追求,據知 Whitney甚至跟 Rocky拍了一陣短拖,節目完結後始認識 Mia前夫,兩人亦一直拍拖至今。
上週五( 21日),一眾《求愛》男女齊齊出席宣傳夜宴後,再拉大隊往灣仔唱 K,期間一眾盛男對她照顧有加,而 Whitney亦醒目識得分散投資,先跟富貴竹昇 Justin同步到場,離開時又識同佳邊行邊傾,之後不時搭住大隻 Rocky膊頭,冧功連環出,難怪成為盛男中最受歡迎女神。
對於前夫搭上 Whitney, Mia週一( 24日)在電話中說:「呢啲咪叫姣婆遇着脂粉客囉!好心佢上咗電視就搵件好啲啦!」睇嚟 Mia對前夫仲有火喎!

綠魔速接 3片扮癲

《求》形象指導「綠魔」 Karl妖氣沖天,估唔到妖到有戲拍!當然唔係講緊蜘蛛俠啦,而係為佢度身訂造,扮精神分裂嘅港產片。
據知 Karl將會接拍 3部電影,其中一部是獨立電影,戲中他患有精神分裂,極似「 24個比利」的角色, Karl就話:「我咩角色都肯做?!」另外一直有意投資開戲的貝安琪上週出席活動時透露,正籌備一套自己做女主角的電影,而且預埋 Karl,至於安排甚麼角色畀 Karl就未定。 Karl嚟緊更會拍喜劇,他會客串演風騷 PR,除咗電影, Karl仲有啲 TVB節目傾緊, Karl話未公布得住喎,睇嚟下半年係綠魔年囉。


《求愛》出街後,綠魔一週內已出席 5個大小活動,出鏡率仲高過唔少歌星仔。週一在活動中更揚言,如《求》有 30點收視,即會穿網透、着 T-back喎!

上週五( 21日)綠魔跟貝安琪一齊出席時裝店開幕,貝安琪稱有意搵 Karl客串。