橫店直擊林峯周麗淇拍《大漢賢后衞子夫》

FACE週刊 第318期

身嬌肉貴 唔曬得 唔願郁 周麗淇公主病發

人仔升值,北上拍劇又升呢,藝人北上拍劇風愈吹愈盛,古裝外景勝地橫店,撞口撞面都係港星。呢期重頭吸睛作,就係由 TVB前金牌監製夫婦劉家豪、梅小青離開後頭炮夫妻檔傑作、由林峯同周麗淇( Niki)主演嘅《大漢賢后衞子夫》。

本刊上星期到橫店直擊,發現於 33度高溫下着住厚厚古裝拍劇的林峯同周麗淇冇乜偈傾,而由於高溫實在攞命,周麗淇亦忍唔住,要 2位助手全天候幫佢擔遮開風扇,唔使埋位就即刻急閃入保母車;而林公子就出動 7位助手服侍,北上搵「人仔」係多,不過的確係辛苦錢嚟嘅。

橫店直擊林峯周麗淇拍《大漢賢后衞子夫》
每拍完一場, Niki都會由香港助手遮住佢行去休息。睇見 Niki件古裝一層叠一層,記者都戥佢辛苦。

周麗淇因為 04年拍《秀才遇着兵》而成為監製劉家豪及梅小青愛將。二人返內地開劇,「女一」鐵定搵周麗淇。更出動 15萬「人仔」一集先請得佢郁。

去年齊齊告別效力超過 25年老東主無綫,劉家豪、梅小青呢對金牌監製夫婦離巢首部劇、千呼萬喚中上月喺浙江橫店開鏡。找來愛將周麗淇做「女一」,飾演平陽公主;而林峯則飾演男主角洪武帝劉徹。

周公主要爽

橫店出名凍就凍到死、熱亦熱到叫救命,大熱天時拍古裝對藝人嚟講更加係人間地獄。
在劇中飾演平陽公主嘅 Niki原本好似開籠雀,見到導演及工作人員都主動搭訕勁親民,但在 33度高溫下要穿上全副七層西漢公主服飾,更要朝九晚七全日候命, Niki為免妝溶、又無謂搞到焗埋一身臭汗辛苦自己,惟有請香港助手及於當地多聘請一助手跟身擔遮撥扇擔擔抬抬各自分工。到等埋位,為咗保持公主儀容乾爽, Niki惟有同劇組保持距離長期匿埋保母車歎冷氣。

橫店直擊林峯周麗淇拍《大漢賢后衞子夫》
層層叠
33度拍古裝真係唔講得笑,等正式 roll機嗰陣,助手要一手拎電風扇、一手拎遮,幫 Niki降溫。
《大漢賢后衞子夫》
閃入冷氣車
等埋位時, Niki由 2號助手服侍茶水撥扇兼匿喺陰涼處背劇本。為避太陽,連同對手對劇本都要替身代勞。
橫店直擊林峯周麗淇拍《大漢賢后衞子夫》
保母車到位
Niki的司機相當醒目,將保母車泊近 Niki拍戲位置,方便 Niki上車就腳。

林公子大陣仗

「女一」周麗淇有中港助手服侍都未算誇,「男一」林峯的架勢程度足足多過 Niki成倍半。
林公子於上週二( 18日)曾返港出席商場活動,前後留港 3日陪女友吳千語就急急腳返橫店會合 Niki繼續開工。
上週六( 22日),本刊於橫店發現林峯,現場所見,計埋經理人 Candy,林峯的助手名額便多達 7人。 7人分工服侍林公子,幫佢抹汗、撥扇、擔擔抬抬、仲有買餸煮飯。以往北上,林峯試過跟貌美助手美美傳緋聞,但今時唔同往日,有千語 BB遙控,又有無綫經理人 Candy現場監察,林公子的確好檢點,甚至跟對手周麗淇亦冇乜兩句,千語 BB真係可以放心!

《大漢賢后衞子夫》林峯造型
橫店直擊林峯周麗淇拍《大漢賢后衞子夫》
助手同名
少咗緋聞女友助手美美,林峯身邊陪開飯陪傾偈就係同性化妝師兼助手,同佢英文名一樣嘅 Raymond。 Raymond跟咗林峯成十年,由化妝師兼埋助手職務。林峯喺香港(上圖)都係由 Raymond貼身服侍?!《忽然 1周》圖片
橫店直擊林峯周麗淇拍《大漢賢后衞子夫》
埋位前,少男助手就企定定幫林峯撥扇降溫,好細心。

緊張摸肚
上星期一( 17日),林峯同吳千語以及幾位朋友去中環開餐,期間峯哥肉緊摸千語 BB個肚,好眼寃。《蘋果日報》圖片


林峯一移玉步,即有 2個助手撲埋侍候,好誇張。

林峯去到邊都有女 fans黐埋身,所以落車前都有經理人 Candy同女助手做先頭部隊??吓環境。

「人仔」唔易搵

港星北上橫店請多幾個助手貼身照顧其實唔算新奇,內地片場規管不足亦唔係新聞,衞生條件差、意外頻生又時有風化案。自扲荷包都要北上,鬼叫內地劇下下叫價多過無綫十倍、廿倍咩!

多損傷
去年中鄭嘉穎拍攝內地劇《葉問》期間,因為與武師默契不足,拍攝擂台戲時被打傷左眼,要即時回港治療縫針。

恰弱女
大量港星在內地拍外景,工作後少不免吃飯飲酒輕鬆吓。去年初,橫店《笑聲鎮武林》劇組就發生馬德鐘、陳浩民疑似借酒親近陳嘉桓。網上圖片

隨地屙
內地衞生場所出名唔衞生,去到荒山野嶺更加難解決,郭羨妮 02年拍攝《爭霸》就被拍到由助手擔遮遮擋就地解決。