陳鍵鋒劉愷威李彩華 佔領橫店小報告

FACE週刊 第318期

陳鍵鋒:起碼有番自尊

經常聽見藝人上橫店開劇,連林峯、王祖藍、佘詩曼都輪住去橫店拍劇霸地盤,香港藝人北上好似好馨香!

北上搵錢多過香港係人都知,好似近幾年才全力北上打滾的陳鍵鋒、第一批到橫店掘金的李彩華和劉愷威都已經穩坐一線長做長有。雖然北上掘金要離鄉別井,不過換來金錢之餘,原來仲有大台開工少有的尊重,難怪陳鍵鋒話:「錢係其次,起碼有番自尊。」


陳鍵鋒在 TVB不受重用,在內地卻套套做主角,而且劇組每次都為他買過千萬保險,又有替身,但他堅持自己做番吊威吔等動作。


之前冇自主權。(真實對白)

鍵鋒 3年前鬧爆無綫,指有高層大細超,又稱拍《學警雄心》車禍傷頸仍要開工,心淡離巢北上發展,繼而憑《美人心計》及《盛女的黃金時代》在內地竄紅。

5星級招待

現身處內地的陳鍵鋒在電話訪問中,表示曾經做到失去自尊:「以前喺一間機構工作,係冇自主權,返咗內地發展鍾意拍就接,唔鍾意就可以推,例如夏天拍古裝太辛苦,所以我唔會揀夏天去橫店開工,錢係其次,起碼有番啲自尊!而且唔會得罪人,因為我唔係一定要幫你拍嘛。」
陳鍵鋒解釋內地市場,演員可亮相任何電視台,只簽類似部頭形式的合約,而且提供一流配套:「有專車畀我哋,車裏面有床有廚房,劇組住賓館,我可以住五星級酒店,呢啲簽約前已傾好,只要製作單位想你參與,呢啲設備一定有。其實我要求好低,只要酒店夠乾淨,保安完善就 ok,收工唔好騷擾我,畀我打吓機做吓自己嘢就夠。」
陳鍵鋒做男一的《盛女的黃金時代》在內地好 hit,每隔一段時間便重播,他亦憑此劇在內地竄紅。

時裝、古裝連民初劇《亂世佳人》都拍過,陳鍵鋒在內地自言已經屬於產量少:「我唔會畀自己拍咁多,拍完一套一定要休息吓。」

《微博達人》有呂良偉等香港藝人合演,但陳鍵鋒話仍要盡量講普通話對白,配合其他國內演員。

1千萬保險


陳鍵鋒喜歡潛水,每年都會抽兩個星期去外地潛水及休息。

拍《學警雄心》傷頸冇人理,家陣陳鍵鋒每次斟拍內地劇,劇組都會為陳鍵鋒買至少一千萬保險,他亦要求在合約中寫明他並非武打演員,所有武打場面均需有替身:「但有時吊威吔呀,我做到都會自己做番。」
TVB拍戲忙到冇得唞,現時有自主權,有傳每集劇約收 15萬人仔的陳鍵鋒,希望每拍完一套劇都至少休息兩個星期,剛剛拍完《封神英雄榜》就去了沙巴潛水。「我覺得水裏面嘅世界好安靜,冇是非冇爭鬥、好平和,拍戲唔會拍到老,我已考咗潛水教練第二等牌,將來可以做潛水教練添?!」歎到咁,畀你仲返 TVB捱?

李彩華:人工多 60倍!

去年在內地播出的《五台山抗日傳奇之女兵排》,李彩華與惠英紅及張衞健合作。

李彩華入行 13年,最初以歌手身份出道, 06年起到內地主力拍劇,主演的《回家的誘惑》更曾打破湖南衞視播《大長今》的收視紀錄,有指她每年拍劇收入過千萬,去年以 1,600萬購入渣甸山名門千呎單位,今年又以 1,128萬入市大坑東山台德信花園,北上拍劇的確有「錢」途。

內地拍劇待遇優厚,就如經常演女一的李彩華就有私人專車,車內有床有廚房等設備,等埋位時都可以休息一下。
內地拍劇待遇優厚,就如經常演女一的李彩華就有私人專車,車內有床有廚房等設備,等埋位時都可以休息一下。

李彩華提到片酬時,即難掩興奮狂笑:「以前歌手合約喺香港拍劇,每集得幾千蚊,計起上嚟?家多成 60倍呀!」她又解釋香港藝人不比內地人吃香,片酬高待遇好是一視同仁的。「一定有專車啦,我有專用髮型師同化妝師,人工由劇組支出,亦保證我有充足睡眠時間,簽約時有列明每日拍幾多個鐘,唔會拍足廿四小時囉!」

阿媽做經理人

前年李彩華開始請媽咪做經理人,北上一齊住,照顧埋起居飲食,有錢搵梗係益自己人啦
前年李彩華開始請媽咪做經理人,北上一齊住,照顧埋起居飲食,有錢搵梗係益自己人啦。

她每年平均拍四至五部內地劇,有時會選擇夾得來又高效率的拍攝單位,可以拍多幾部,搵錢最緊要快手。「呢兩年媽咪做咗我經理人叫好好多,照顧我又煲湯我飲,而且接劇一定以我做考慮先,其他經理人可能用錢行先,冇愛喺入面囉!」
雖然愛在港買樓,但在內地跑慣江湖,卻表示不會在內地置業:「對內地樓市唔認識,而且次次拍劇都唔同地方,好難買。」

劉愷威:內地勁渴人才

劉愷威
本來完全唔識普通話的劉愷威,為求跟演戲對手有交流,苦練國語,現已能夠全劇以普通話演出。

劉愷威同李彩華類似,同屬早期到橫店拍劇的香港演員, 05年離開 TVB,兩年後北上發展。現已成內地一線男一外,更溝到索女楊冪,眼見內地市場不斷擴大,他今年初實行自組做老闆,開設劉愷威工作室製作劇集,現時已開拍了兩齣時裝劇。

拍劇 8國語言

劉老闆說:「要自己籌備班底、搵金主贊助,內地對所有崗位嘅需求都好大,我?家搞製作就知,攝影師、化妝師、燈光、造型、剪接都好搶手,所以唔係香港藝人最吃香,係成個環境都好渴人才。我一年會製作最少兩部劇,其餘時間接其他單位嘅劇,都有時間拍吓拖?!」

在內地拍劇有一特色,就係無論你識唔識普通話,香港演員一定講番廣東話,寧願後期再配音,對此劉愷威就解釋,「其實香港、韓國、台灣有好多演員去內地,就算台灣人嘅普通話都唔標準啦,所以拍戲時都係各自講自己語言,後期配音係好普遍。當然演員聽唔明對方講乜唔係咁好啦,所以我用兩年時間練習,o依家已經全程講普通話喇。」
劉愷威自立門戶拍內地劇,正在上海拍攝《一念向北》,自己做埋男主角。
劉愷威與女友楊幂感情穩定
劉愷威與女友楊幂感情穩定,他說:「經常都見嘅,佢會嚟探我班!哈哈!」甜到漏。《蘋果日報》圖片