FACE週刊 第318期
當年 Angelababy、 Janice Man和 Chrissie等排住隊攻日，模熱潮過後，終於輪到 24歲的歌影代表連詩雅（ Shiga）。
最近幫知名日本《月刊 NEO》影寫真的連詩雅，除了狂騷招牌 42吋長腿外，又着住內衣瞓梳化，更真空裸背影床照！攻日第一擊落足料冧?仔，希望一擊即中。寫真本月尾在港發售，曾經被狂迷偷拍裙底的連詩雅，竟然唔抗拒戀足狂迷。咦！森美係時候拎定相機出手喇！
攝影師 Jimmy想影低 Shiga最自然一面，所以 Shiga以淡妝示人，清純晒！
Shiga話呢張大露背相係佢入行以來最性感一次，拍攝時只得攝影師同助手在場，保證真空 Shiga冇被睇蝕。
從未推出個人寫真的連詩雅，早前飛日本為《月刊 NEO》拍攝純影集，並由著名旅日香港攝影師 Jimmy Ming Shum（沈平林）操刀。這本 99年創刊的寫真，一向玩高檔性感，曾以友坂理惠、深田恭子、新垣結衣等藝人做封面，而 Shiga是首位被邀請的香港女藝人，威過攻日多年的 Angelababy同 JM喎！
首登《月刊 NEO》港女星
雜誌專程在東京近郊租了一間和屋拍攝，而且 Jimmy全程堅持唔打燈採用自然光，效果極有日本 feel！
有機會同 1線日本女星先後登上封面，原來多得攝影師 Jimmy做中間人， Shiga說︰「公司搵 Jimmy幫我影 CD cover，咁啱佢同《 NEO》傾緊合作計劃，咪推薦咗我囉！好在日本嗰邊睇過我嘅 MV同資料後都好滿意，一拍即合！真係估唔到自己係第一位上《 NEO》嘅香港藝人。」
首次同日本人合作， Shiga表示非常欣賞當地人的工作態度，「佢哋好認真好細心，雖然事前講明唔需要換好多套衫，但工作人員都預備定大量衫同鞋畀我試；而且日本人好注意工作環境，每次食完飯都會執到好乾淨先會繼續影！」
齋露腳
雖然 Shiga話寫真相冇刻意賣弄佢對 42吋長腿，但呢張長腳大特寫，好難唔令人有 fantasy喎！
腿王森美：好想保護佢！
「我睇呢輯相嗰陣唔會分開 Shiga對腳同個樣嚟睇?！佢對腳畀人好柔弱嘅感覺，令男仔好想保護佢，我有好多朋友超冧 Shiga?！不過我自己鍾意短小結實嘅腳，呢啲又白滑又長嘅唔係我杯茶！」
真空上陣 清場拍攝
日本人專業， Shiga亦放心去到盡，真空上陣影床照，「今次係我入行以來最大膽一次！其中一個 shot要影我背脊，我惟有真空上陣，完全冇黐膠紙或乳貼，淨係用張被冚住，所以影嘅時候都要清場！另一個梳化 shot要郁來郁去，所以我好小心咁着咗兩件衫兩條褲仔打底！」
日本人鍾情性感水着女，但 Shiga講明暫時唔會太少布，「三點式唔會試住喇，等我對自己身形有自信啲，或者增吓磅先，??家得一百零幾磅，太骨感唔好睇！」
要着薄到透明的睡裙瞓梳化， Shiga好醒目着兩條褲仔打底，包保冇「走陰」。
Shiga欣賞日本寫真製作唔需要不停轉場，又唔會刻意營造一個形象，反而愛將藝人的自然美展露。
袋定 body spray傍身
一向係 YouTube女王的 Shiga，新歌〈說一句〉的點擊率又累積近 150萬。下半年 Shiga再拍戲，與師兄周柏豪拍住上做男女主角，合演一齣驚慄片。
曾經被變態男偷影裙底， Shiga話唔驚噴血寫真會再招惹戀足狂，「唔擔心，如果係欣賞角度冇問題，我出街見到女仔對腳靚都望吓啦，而且輯相想表現出女性嘅自然美感，攝影師只用日光冇打燈，唔係刻意賣弄，不過自從上次被偷拍後都多咗戒心，出街一定會打底，仲會袋定支 body spray傍身，噴到眼都痛?！」
唔怕狂徒埋身， Shiga現時專心學好外語準備攻日，「公司計劃緊畀我喺日本發展，我最想拍戲同出碟，可以同宇多田光合作就正啦！（ Hikki退隱中喎！）不過現階段要學好日文，準備好自己先。其實我媽咪做過日文翻譯，我細個都有跟佢學，但大個咗，開始忙就冇再學。」
據知其唱片公司華納已開始為 Shiga部署攻日；其實自陳慧琳之後，仲未有港產女星成功打入日本市場，今次 Shiga《NEO》寫真小試牛刀，水着絕對係下回撒手鐧。
港產攝影師搭路
《月刊NEO》搵過深田恭子、玉置成實和新垣結衣等紅星，甚至男星向井理都濕身影寫真，亦曾邀請米原康正及蜷川實花等攝影大師合作。今次操刀兼幫 Shiga搭路攻日的香港攝影師 Jimmy Ming Shum，曾替章子怡、謝霆鋒、松山研一等明星影相，近期的廣告作品亦有 Canon PowerShot及海港城等。據知 Jimmy近年積極在日本發展，神級大師荒木經惟亦對 Jimmy有高度評價。
Shiga影每一個 shot前，都會同 Jimmy商量細節。
由 Shiga做封面的《月刊NEO》，今個月 28號在香港、日本同步開賣，售價$168，更會隨書附送 Shiga的音樂會 DVD。日本版將先在網上公開訂購，隨後會在日本國內書報攤發售，到時真係周街都見到 Shiga！