《販賣愛》20歲陳嘉桓援交59歲廖啟智

2013.08.07 224

資訊台

FACE週刊第324期

20歲陳嘉桓（Rose）早前返內地拍電視劇搵人仔，最近更升呢在新戲《販賣愛》孭飛做女主角，首次擔正。

做女一當然要有突破，嘉桓BB戲中唔再賣萌，轉型做援交少女。戲中除了同飾演醫生的周柏豪有親熱場面，最激係要床戰59歲廖啟智，壓力大到晚晚失眠！早前《販》片（23日）煞科，嘉桓BB繼續黑絲加低胸背心look出擊，仲買定甜品萬歲。識出甜招冧全片員工，唔怪得個個錫晒佢！

呢個低胸援交 look夠晒青春， Rose自己都忍唔住自拍留念。

《販賣愛》導演朱家宏（右三）曾拍過幾套電影，如 92年《太太的情人》、 93年《夏日情未了》，亦拍過唔少廣告，今次隔咗 20年再執導，有冇生疏咗先？

雖然之前發生過橫店狼吻事件，但對陳嘉桓完全冇影響，電影廣告輪住上，最近連內地電影劇《聖男盛女》都有份。

黑絲晒咪

前週二（ 23日）半夜， Rose出席完師公劉家良的喪禮，即刻飛車到尖沙咀為新戲《販賣愛》煞科。當晚導演要補拍 Rose對長腿特寫，身穿黑絲加套裝的 Rose要不斷在尖咀街頭喪行，惹到附近重慶大廈的黑人眼甘甘狂??。
拍到凌晨，劇組再轉場到餐廳取景，戲中做援交妹的 Rose為滿足客人需要，由斯文 OL變身做性感少女，小背心加熱褲，有事業線兼晒腿。一向識做的 Rose，仲預備了甜品請工作人員宵夜，輕易氹掂一班幕後叔叔！

周柏豪喺戲中做醫生「 Dr. Rex」，雖然佢嘅戲分一早拍完，但煞科當日 Rose仍扮同「 Dr. Rex」玩 WhatsApp。網上圖片

智叔大 Rose 39年，兩人望落真係幾有父女相！網上圖片

激咀周柏豪

據知 Rose今次戲分極重，為表現援交少女真實一面，導演安排了多場激戲。除了與後生仔周柏豪激咀，亦會同大自己足足 39年的智叔兩度床戰，「智叔喺戲中飾演一個做金融嘅有錢佬，包養我半年，但由於我個角色自細冇爸爸，所以慢慢對佢產生咗好似父女嘅感情，唔只得肉體關係！」

要同做得自己老豆有餘的智叔拍床戲， Rose話最初非常尷尬，更要清場先拍，「雖然我只係露背，但都好大壓力，好在智叔好識照顧新人，拍之前又會同我溝通好，成個過程都好順利！」

萬歲冧功
首次擔正女一， Rose非常緊張自己表現，每拍完一 take即刻衝去睇 playback。

出席完師公劉家良喪禮， Rose又趕去拍通宵，中途都忍唔住坐埋一邊休息。

Rose當晚買了 4大袋甜品萬歲，一班工作人員即時笑晒開餐。

星期二拍完通頂，第二日（ 24日）又趕去舞大旗送師公劉家良最後一程。