FACE週刊 第325期

栢芝上月初帶住兩子到溫哥華試水溫，其間雖然低調生活，不過一舉一動依然被網民發現。好似溫哥華時間上週六（10日）下午，栢芝和細佬豪龍帶住Lucas（謝振軒）和Quintus（謝振南）在溫哥華機場出現，即時吸引機場內華人注目，更有網民即影即po上微博，間接報道栢芝行蹤。

不過飄忽栢芝點會俾你估到下一步？據知她一心要讓Lucas和Quintus在寧靜又冇人騷擾嘅地方成長，當日並冇上機返港，反而折返溫哥華友人家中。據知栢芝亦已替Lucas辦好當地入學手續，本月稍後才帶兩子返港執包袱兼見吓爺爺謝賢，到9月便正式移民溫哥華展開新生活。

10/8
14:30栢芝 check in完，帶住 Lucas、 Quintus同埋細佬豪龍喺機場禁區內的快餐店醫肚，瘦到見骨兼曬黑咗嘅栢芝，被網民影到嬲爆爆傾電話。

喺加拿大生活期間，栢芝每日都有親子活動，上月就俾本刊影到佢寄居友人家，同 Lucas一齊玩滑板。

已經33歲的張栢芝自從誕下兩子後，處處為兩子着想，上月帶兩子到溫哥華，實情想兩子嘗試過平凡人生活。一個月後，栢芝認為 Lucas和 Quintus都能適應當地生活，加上 Lucas已在 Surrey區找到小學升讀 Grade 1，一早已跟霆鋒有共識的栢芝，決定正式跟兩子移民加國。

入閘冇上機

溫哥華時間上週六（ 10日）下午 1時，栢芝、豪龍帶住 Lucas和 Quintus到達溫哥華國際機場，不少華人馬上認出栢芝並要求合照，栢芝亦有求必應。
據知栢芝一早度好返港「劇情」，所以專登讓華人旅客合照從而 po上網，製造返港假象。當日栢芝、豪龍、 Lucas及 Quintus一行 4人到櫃位 check-in，不過同行的 5件行李全部寄到豪龍名下，之後栢芝入埋閘，食個快餐便帶住兩子離開機場返友人家，由得豪龍一人帶住 5大件行李獨自返港，於機場任傳媒影相。
一直有傳栢芝為踢走周迅，而急急返港見霆鋒，但查實一度想挽救婚姻的栢芝已對霆鋒心死，所以根本不急於返港。上週六冇上機，返回友人家的栢芝，初步計劃下週帶仔返港。據栢芝身邊人透露，「學校收咗 Lucas，栢芝呢排就主要搵屋租，因為佢之前連租約買咗間屋，所以暫時唔能夠搬入去。佢月底前會返香港搞埋啲手尾，再同 Lucas返過去開學。」知情人士說。

笑住check in

栢芝推住坐 BB車嘅 Quintus（紅圈）行埋國泰航空櫃位 check-in。據知栢芝仲入埋閘，但就冇上到飛返香港嘅國泰航機，認真離奇。

11/8 20:15亂噏廿四

單拖返港的豪龍推住 5大件行李出閘，記者問佢栢芝喺邊，佢仲故弄玄虛話：「等安全情況先答啦！」

氹仔上船

本月初，同 Lucas上咗迪士尼遊輪過 6歲生日，栢芝喺船上整咗個古烈治頭贈興。據知當日她原本預咗霆鋒會出現陪仔過生日，可惜霆鋒有工事在身，冇到亦冇打電話畀仔。

掛住拍戲

霆鋒近日忙緊為王晶拍新戲《賭場風雲》，仍然未有時間。

齋食唔講

霆鋒雖然近排同周迅傳緋聞，不過佢至今都冇承認。接受湖南衞視節目《快樂大本營》訪問，只顧煮嘢食，提都冇提周迅。

霆鋒放 Lucas飛機

雖然人在加國，不過 8月 3日 6歲生日的 Lucas，原來早跟霆鋒約好在迪士尼郵輪上慶祝生日。知情者說：「雖然霆鋒當時冇應承實，不過佢向來咁錫個仔，估佢都會到，所以飛都買埋，點知佢冇到不特止，仲要係 Lucas打畀爸爸，而唔係霆鋒自發打畀個仔講生日快樂，所以 Lucas都有啲唔開心。」
據知栢芝從郵輪返加後即密密搵屋租，有意搞掂租務後才返港執包袱，並於 9月跟 Lucas及 Quintus返加，正式開展加國新生活。

冇戲接騷

栢芝自從去年因電影《影子愛人》、《危險關係》和《河東獅吼 2》而成為票房毒藥後，已少咗導演主動搵栢芝拍戲，只係得番自家公司「張栢芝工作室」有開戲打算，不過現階段都未有真正落實。
而暑假前，栢芝在國內只拍過奶粉廣告，之後亦未見有新工作，據知栢芝最新工作是於下月 13日，拍住內地歌手在焦作（河南）的群星演唱會中演出，冇戲拍，出騷一樣大把人仔搵。

下月 13日栢芝會同呢班二、三線國內歌手同場演出，酬勞更過百萬人仔。

栢芝用慈母形象拍奶粉廣告，佢湊細路的確係有一手！