FACE週刊 第325期
07年港姐趙希洛（原名：趙嘉迪），最近三線劇集都有佢份，連在「 Amazing Summer」宣傳片都要谷胸上陣，上週在《衝上雲霄II》，她飾演想借胡定欣肚生仔的Colby，更加惹人談論。
以非無綫親生女來計，成績絕對唔失禮。
娛樂圈一向靠緋聞性感出位，但趙希洛反而唔想行捷徑。
她說：「做宣傳烏晒身係可以博到人哋出一張相，但唔會有人因為咁搵你拍戲。我只係想做演員，我唔使報紙、雜誌成日見到我！」咁純情，唔怪得班巴打話佢「Gfable」（適合做女朋友）。
07年港姐趙希洛，最近曝光率高，吸眼球嘅有「 Amazing Summer」宣傳片上的水着，而三綫劇集《愛．回家》、《師父，明白了》和《衝上雲霄 II》亦有份演出。雖然唔係無綫親生女，一樣劇接劇。
擁碩士學歷
家境不俗嘅趙希洛本身喺澳洲悉尼長大，之後喺英國的大學主修 Law and Business，畢業後再修讀 International Business and Banking碩士。
一心想做演員嘅趙希洛，碩士第一學期後，竟瞞住家人參加香港小姐。以趙希洛學歷喺金融界發圍唔難，但選美後一直甘於在無綫捱騾仔，月入只得 5、 6千。眼見當年同學個個有車有樓，佢都曾經諗過放棄。她說：「有位當年嘅同學o依家搵緊十幾萬，自己唔好話買樓，連部車都係屋企嘅，我覺得好對唔住屋企人，不過我真係好鍾意做戲。」
《衝上雲霄II》
《衝上雲霄II》內趙希洛飾演 Colby搵胡定欣借肚生仔，但劇情俾網民認為太過誇張。
《師父，明白了》
除咗《衝II》、《愛．回家》及《師父，明白了》 3個劇中，趙希洛都令身邊情侶分開，被網友稱為 Triangel真人版。
《愛．回家》將會拍到 500集，令劇中飾演瞳瞳嘅趙希洛入屋。嚟緊亦會拍新劇《愛我請留言》，飾演洪永城女友。
Amazing Summer
有 C cup嘅趙希洛平時密實，喺「 Amazing Summer」宣傳片騷身材，她說：「本來有打底嘅，但導演識咗好耐，所以就冇打底囉。」
小三搶男友
趙希洛擁有 E cup身材，但她本身卻抗拒性感，除因劇情需要才露少少，其他時間免問。
她說：「做宣傳烏晒身係可以博到人哋出一張相，但唔會有人因為咁搵你拍戲。我只係想做演員，我唔使報紙，雜誌成日見到我！」最近喺劇集成日做小三，但憑清純樣，令唔少巴打話佢「 Gfable」（最適合做女朋友）。她說：「我拍過 3次拖， 3次都係俾小三搶走男友，所以我一定唔會做小三，我自己係一個好投入拍拖嘅人，但o依家都兩年冇拍拖囉。」
趙希洛媽咪梁小玲亦係無綫前藝人，她說：「媽咪冇教我點做戲，反而成日話我肥。」
趙希洛 07年選港姐，同屆有王君馨、黄智雯、何傲兒，冠軍係張嘉兒。
Profile
趙希洛 Candice
微博：趙希洛 Candice（粉絲人數 29,169人）
Instagram： Candi0412（粉絲人數 953人）
