Avis陳偉成連溝4女 周秀娜趕絕濫交前度

FACE週刊 第326期

分手 9個月,Avis陳偉成挾住「周秀娜前男友」身份繼續風流,繼搭上模媽 Mia同模羅彩玲後,上週再被爆同天使「柑桔」陳蕊蕊暗交四個月!消息一出, Avis否認兼拉出正印女友 Yumi尹蓁晞晒幸福、蕊蕊則有「可發展」的男友金剛撐,最爆係蕊蕊同 Yumi住緊同一屋簷下,七國咁亂!

咁都未算,娜姐師妹、前《蘋果日報》動主播 Kabby更踢爆 30歲 Avis未甩娜姐前一樣雜食兼口花,身邊保持長期性伴侶外再撩遍娜姐師妹。猖狂到咁,難怪娜姐 9個月前決絕斬纜、趕埋 Avis出經理人公司!

周秀娜年初與陳偉成宣布分手後,陳偉成事業即時冇運行,與娜姐經理人公司 GME亦終止合作身份,娜姐更以「曱甴生蛋」形容前度。
周秀娜年初與陳偉成宣布分手後,陳偉成事業即時冇運行,與娜姐經理人公司 GME亦終止合作身份,娜姐更以「曱甴生蛋」形容前度。

舊愛連溝4女 周秀娜趕絕濫交前度
新正印 Yumi:我絕對相信佢!(真實對白)
上週三( 14日), Avis先上載遮面新歡相力證與陳蕊蕊冇拍拖,事隔兩日就自揭新歡身份,拖住 Yumi到灣仔出席球賽。

出道六年愈戰愈勇,擔正電影《爛滾夫鬥爛滾妻》、《爆 3俏嬌娃》排住隊上畫、現時身在北京拍劇搵真銀、下月名下品牌 La Miu首間旗艦店 The One亦都會正式開幕,娜姐愈爬愈高,相反前男友 Avis就唔爭氣,分手後人氣同工作量都急降,反而在上週五( 16日),拖住拍拖兩個月新女 Yumi,向自爆緋聞嘅陳蕊蕊示威,事業冇進賬,食女戰績反而彪炳。

雜食師妹


據周秀娜經理人 Roy表示,與 Avis終止合作並非 Chrissie落旨:「本來都只係簽咗一個電影約, Avis話想專心搞 salon。」

分手後大半年換四次畫,據悉除了四名成功得米o靓模外,花心成性的 Avis原來即使是還與娜姐熱戀中,一樣勤力覓食,甚至連兩人同屬的經理人公司 GME旗下新人亦不放過,實行食得唔好嘥。
外傳被 Avis力追之一的娜姐師妹、 18歲前《蘋果日報》動主播 Kabby直認不諱:「係呀,我哋公司同事本來有個集體 chat group,幾個月前佢開始 send短訊畀我一個,約我食飯唱 K釣墨魚。嗰陣時佢同 Chrissie分咗手三個月,但係未分手時,我都知喺朋友圈,有個女仔同佢保持多年 sex partner關係, Chrissie一出 trip, Avis就會去佢屋企……畀我真係唔會受騙,佢啲嘢(花心)咁出名!從來都冇同佢去街!」

食勻全行

陳偉成出道時背負娜姐男友身份,估唔到一直有鋪偷食癮,由 18歲o靓妹到 27歲輕熟女全部唔放過,不過食得太多,個朵終於臭晒,除咗 Yumi,好難有其他女埋身囉!

動主播  18歲 Kabby 睇穿冇上釣

「我哋本來喺公司 group chat,佢同 Chrissie分手三個月開始單獨約我,我拍過電影《o靓妹仔》,佢就 wechat我話『o靓妹仔,點呀?』約我。有次搵我食糖水睇戲,我話星期六好多人,佢就回『怕人多我哋去遠啲囉!去啲有牛嘅地方睇戲啦!』我唔明佢講乜,一直冇同佢出去。」


Kabby拍過 2013版《o靓妹仔》, Avis搭訕技巧亦以「點呀?o靓妹仔!」做開場白。

21歲 CoCo 唔受呃

「入行前我已經幫襯佢 salon成日見佢,佢經常都約我兩個人單獨去食飯,我同佢食過一兩次飯。當時係人都知佢同 Chrissie係男女朋友,但係佢就話兩個人聚少離多好唔開心,我唔會做人小三,梗係同佢冇下文。」


同周志文傳過緋聞嘅 CoCo,原來亦被 Avis狂約食飯追求過。

22歲 Mia 暗交 1年


個個男人都花心!(真實對白)

同屬 Chrissie同公司o靓模, Mia去年 8月與 Avis合作《喜愛夜蒲 2》時便開始傳緋聞, Mia上週更乘勢認暗交一年。

19歲 Vivian 爆床照


成日 send啲肌肉照畀我!(真實對白)

1月 20日娜姐在港台頒獎禮上公布分手,兩日後即爆 Avis同o靓模羅彩玲( Vivian)床照,兩人雖然辯稱飲醉酒被朋友整蠱,不過 Vivian事後又自爆收到 Avis情慾短訊,又話:「叫我上佢屋企、又問我上唔上太空。」

27歲陳蕊蕊 秘拖數月


最錯是識了你!(真實對白)網上圖片

柑桔月中承認與 Avis秘密拍拖數月兼甩拖,在微博中稱:「我都做錯很多事,最錯是識了你,信了你……原來你在做戲。」又暗示 Avis花心多隱瞞。

金剛撐爆新歡

爆完與 Avis暗交被男方否認後,糖妹前度 Dominic撐 Avis為人單純,揶揄有人博宣傳。此言一出,即引來金剛在網上爆粗回應:「到底是誰在博宣傳呀? X那星!」接受訪問時承認埋與蕊蕊發展:「蕊蕊係一個好好嘅女仔,為人好低調,唔明白點解個男仔要咁講,要宣傳唔使搵你陳生!」陳生,咪就係陳偉成囉!


金剛連日在 Instagram上撐蕊蕊,不時爆粗,今日就單字一個「糙」!

Avis不承認蕊蕊,不過金剛承認咪得囉,兩人不斷在網上互動傳情,好 sweet!

上週金剛被拍到與陳蕊蕊過夜,二人大方承認蜜運中。《忽然 1周》圖片

不獲續約

唔只 Kabby,同公司 21歲o靓模 CoCo袁紫僑(藝名袁聖殷)亦爆 Avis花心史:「我入公司前已經有去佢 salon剪頭髮,當時係人都知佢係周秀娜男朋友,佢都照約我單獨食飯,話同 Chrissie聚少離多唔係好開心……似係借呢樣博同情。」
明明有個一姐 Chrissie做女友,竟大膽到食師妹。據悉對外o靓模界「濫」名遠播、對內得罪一姐又食女無數,年初 Chrissie公布與 Avis分手, GME索性棄用 Avis安撫娜姐。不過對此傳聞,揸 fit人 Roy極力否認:「梗係唔係……其實 Avis唔係我哋旗下藝人,係同《夜蒲》監製黃永峰簽咗一套戲嘅合約啫,拍完之後大家都覺得唔適合就冇再合作, Avis話想專注 salon生意、開始新生活啫!」

開新鋪

去年前入股日本內衣品牌 La Miu,與老闆董路關係密切,生意滿意,目前正物色香港店鋪,下月正式開幕。據知現時在內地拍劇的 Chrissie亦有內地富二代及男藝人熱烈追求。

Yumi:絕對信佢


相戀六年, Chrissie曾經不時與 Avis晒恩愛,可惜看清真面目後再見不是朋友。

其他o靓模就話素有聽聞 Avis事迹幸力保不失,不過兩年前曾爆出援交疑雲其後轉往台灣發展的 Yumi,兩個月前回港迅速與 Avis撻着。記者轉述 Kabby及 CoCo等前師妹評價, Yumi繼續撐男友:「傳聞啫,出邊嗰啲女仔點講係佢哋事,我都冇聽過o靓模界有人話 Avis唔好。我識嘅 Avis一啲都唔口花花,我哋一齊都係兩個月前幫佢公司做嘢開始,我絕對相信佢。據我所知佢同舊公司係滿約離開,想搞自己生意,唔覺係關 Chrissie事。」
對於男友曾跟蕊蕊拍拖,但 Yumi卻跟蕊蕊同居關係, Avis疑似一屋嗒兩女, Yumi解釋說:「咁我搬入去住一個月啫,就冇睇過聽過佢哋之間嘅嘢。蕊蕊同我有打招呼,但我哋又冇咁多嘢講,唔會講男朋友囉。總之我就信 Avis講佢哋冇嘢啦!」咁應該講係純情定笑你遲鈍好呢?

愈行愈遠

Avis因為周秀娜,從籍籍無名 model仔變女神男朋友,不過六年來娜姐愈爬愈高, Avis則原地踏步,分手後更加發展懸殊。

開新戲

近年主打電影發展, Chrissie接戲不斷,下半年排住上畫就有《爆 3俏嬌娃》、《爛賭夫與爛賭妻》、《紫荊俠》等。

搵人仔

娜姐洗底成功,亦順利進攻內地,早前跟方力申拍了一套內地合資的電影《致命閃玩》,將於本月尾上畫。

冇戲拍

去年演過《喜愛夜蒲 2》其中一條感情戲後, Avis則再沒有新電影動向,據悉是因為處男作表現不理想。

冇得露

經理人公司今年重點出擊男神寫真,昔日老死何浩文、趙勁皓夾埋來自強國顧又銘齊齊出寫真,一樣賣身型嘅 Avis就冇份。

你沒有好結果

娛樂圈近年出產唔少拋妻棄子、背住正印搞女的賤男,不過惡有惡報,呢班衰男人通常會被市民鬧爆,人氣工作量直線下降,證明玩女一定冇好下場!

小馬 太太自殺

台灣前「棒棒堂」成員小馬(簡翔棋)背住妻女搞小三,今年 6月兩人鬧完大交後, 24歲小馬妻葉翎涵由澳門寓所一躍而下,死前還在 facebook上載 6分鐘遺言。事後小馬自認人渣,但始終不被外界所接受。

魏駿傑 翻啅阿滕

同滕麗名拍拖 9年一直唔肯娶對方過門,但 07年分手後旋即與內地學生張利華結婚,更誕下一女。不過今年被阿滕踢爆魏一直 send短訊要求復合,難怪經常要o靓撈!

梁榮忠 車震斷正

05年與正印鍾麗淇拍拖期間,竟一腳踏四船,分別再與朱慧敏、朱凱婷及袁彌明約會,其中與朱慧敏更車震斷正,事發後梁不但被鍾狠撇,事業亦跌落谷底!