《叛逃》播映無期變倉底劇 吳卓羲狂呻遭陳展鵬連累

FACE週刊 第326期

《衝上雲霄II》紅爆「街外人」張智霖、吳鎮宇,出道12年,仍然做阿二的吳卓羲,相比同期的林峯、馬國明、黃宗澤都可以擔正孭重飛,自己就仲等緊運到。

早在11年拍好的《叛逃》(原名《ATF反恐》),吳卓羲仍難逃二奶命,而且拍攝期間,左膝十字韌帶撕裂都要頂硬上,但因為陳展鵬令新劇上映冇期。近年國內知名度大增,有望北上神州發展的吳卓羲心灰狂呻︰「因為展鵬太多劇!要就佢所以未出住。個個都話佢啲戲多過我,到時展鵬做晒佢囉!」

怨氣重 套套坐歪發晦氣 吳卓羲:展鵬做晒佢囉!
我哋呢啲小人物!
吳卓羲除咗為《衝II》宣傳外,最近亦開始為新劇《忠奸人》開工。近年喺國內搵唔少錢的他,開工有司機及保母車,唔使再迫無綫24座小巴。點會係小人物呀!直頭巨星啦。(真實對白)

《叛逃》 11年已拍完,擺足兩年都未上,雖然被指戲分不及陳展鵬,但吳卓羲為此劇拍到幾乎斷腳,咁搏都唔播,難怪唔開心。
《叛逃》 11年已拍完,擺足兩年都未上,雖然被指戲分不及陳展鵬,但吳卓羲為此劇拍到幾乎斷腳,咁搏都唔播,難怪唔開心。

33歲的吳卓羲, 01年出道至今,無綫一直係捧為小生,可惜拍劇每次都撞正有兩位男主角,令吳卓羲冇得坐正。好似 hit劇《衝上雲霄 II》只做 Sam哥細佬,最近拍王心慰的新劇《忠奸人》,吳卓羲又只是男二,同男一郭晉安爭戲。

《大丫鬟》國內爆紅

吳卓羲在娘家無綫未發圍,雖然多產,但角色總是沒有發揮機會。相反自 09年拍國內劇《大丫鬟》後,吳卓羲在強國有價有市,雖未及林峯的身價,但國內劇身價已經升至 20萬人仔一集,而且仲擔正做男一。
「套套劇監製都話要新面孔,怕觀眾睇悶,但排極隊都未到阿 Ron(吳卓羲),點會唔心淡!不過佢大陸ok,呢兩年賺唔少,所以即刻買樓,仲請埋司機添!」知情人士說。
11年,吳卓羲同陳展鵬一齊拍《叛逃》(原名《 ATF反恐》),雖然吳卓羲戲分唔少,但竟然由亞視過檔的陳展鵬孭重飛;為求搶鏡,不少打鬥戲及危險動作,吳卓羲都要求親自上陣,拍攝期間更受傷令到左膝十字韌帶撕裂,真係好搏!

又做男二新劇《忠奸人》,雖然主角係郭晉安,但男二嘅吳卓羲戲分唔少,當中亦有唔少動作場面。
又做男二新劇《忠奸人》,雖然主角係郭晉安,但男二嘅吳卓羲戲分唔少,當中亦有唔少動作場面。

《衝II》主角係吳鎮宇、張智霖,馬國明雖然不是男一,但喺劇中亦搶過吳卓羲。

新劇變倉底劇

拍到幾乎腳跛,但《叛逃》竟然上映冇期,除了因為女主角是剛加盟 HKTV的蒙嘉慧外,最重要是陳展鵬,事關陳展鵬 9月尾有《巨輪》播映,為免「撞劇」,無綫惟有把《叛逃》成為倉底。
上週四( 15日),吳卓羲出席《衝II》宣傳時,問及何時有新劇上,他表現得酸溜溜,他說:「(《叛逃》)原先喺《飛虎》嘅檔期( 12年 6月),跟住好似話唔想撞,要擺吓先,跟住話要就展鵬,因為佢太多劇喇,所以未出住!(擺咗兩年,幾時播呀?)唉……我哋呢啲小人物,幾時播邊有得控制!嗰個都話佢(陳展鵬)啲戲多過我,到時展鵬做晒佢囉!」吳卓羲又唔使咁灰住,拍完《忠奸人》之後,據聞監製潘嘉德有套古裝劇搵吳卓羲擔正,有得坐正開心啲啦!

除咗要就陳展鵬檔期,《叛逃》變倉底劇嘅一個主因,其實係女主角蒙嘉慧最近轉投王維基 HKTV。
YoYo累事
除咗要就陳展鵬檔期,《叛逃》變倉底劇嘅一個主因,其實係女主角蒙嘉慧最近轉投王維基 HKTV。
拍《衝II》期間吳卓羲同傳嘉莉傳出緋聞。上週四( 15日)一齊出席宣傳活動,卓羲被要求同傳嘉莉合照,即時成個硬晒軚。
拍《衝II》期間吳卓羲同傳嘉莉傳出緋聞。上週四( 15日)一齊出席宣傳活動,卓羲被要求同傳嘉莉合照,即時成個硬晒軚。
04年無綫搞「奧運之星」捧林峯、黃宗澤、馬國明、黎諾懿、吳卓羲同陳鍵鋒,吳卓羲嘅星途只比黎諾懿好,但人哋有個有米女友喎!《蘋果日報》圖片
04年無綫搞「奧運之星」捧林峯、黃宗澤、馬國明、黎諾懿、吳卓羲同陳鍵鋒,吳卓羲嘅星途只比黎諾懿好,但人哋有個有米女友喎!《蘋果日報》圖片

大陸劇坐番正

吳卓羲喺無綫拍劇多年,雖然擔正機會唔多,不過喺國內就有機會做男一。今年初連拍兩套國內劇《格子間女人》和《待嫁十年》都做男一,而且身價 20萬人仔一集,搵近千萬人仔。

20萬1集
09年《大丫鬟》吳卓羲喺劇中飾演大奸角,令佢喺國內出名。之後開始喺大陸掘金。

今年吳卓羲連拍兩套大陸劇《格子間女人》和《待嫁十年》都擔正做男一。

二奶命

吳卓羲喺無綫拍劇多年,除咗《巴不得爸爸》擔正做男一外,其餘都做阿二,好在套套都有高收視咋!

’09:《巴不得爸爸》最高收視: 36點

’13:《衝上雲霄 II》最高收視: 35點

’12:《缺宅男女》最高收視: 35點

’11:《法證先鋒 III》最高收視: 43點

’10:《點解阿 SIR係阿 SIR》最高收視: 38點

’09:《巾幗裊雄》最高收視: 47點

’09:《學警狙擊》最高收視: 43點

’08:《少年四大名捕》最高收視: 37點

’07:《歲月風雲》最高收視: 39點

’06:《男人之苦》最高收視: 39點

’05:《酒店風雲》最高收視: 40點

’05:《學警雄心》最高收視: 37點