陳山聰投靠澳門大佬放貨

FACE週刊 第328期

陳山聰同賭王何鴻燊千金何超雲 2年情玩完之後,潛水近半年,早前傳出陳山聰有意轉戰潮界,今年 5月,仲託關楚耀搭路同 I.T傾合作,希望自家設計的手表有着落,點知最終撈失敗。

不過,近日「四失聰」又有新搞作,秘密轉型做時裝 blogger,先去澳門找胞兄陳山海求助、再黐實在當地中產免費雜誌《梳打》話事的大嫂李碧君,早前更秘密出席雜誌的 4周年活動,山窮水盡乜都試吓!據知四失聰雄心壯志樣樣生意都想做,除了最拿手的時裝生意外,還打算同哥哥夾份攻入飲食業。

陳山聰陪哥哥跑步,努力keep弗,肥腩開始變腹肌。
陳山聰陪哥哥跑步,努力keep弗,肥腩開始變腹肌。

陳山聰和何超雲
陳山聰和何超雲 11年撻着,今年 4月分手,分手後的陳山聰被封「四失聰」,失戀、失事業、失形象、失金錢。

「四失聰」形象事業直插谷底,雖然有傳無綫監製王心慰,有意找他在新劇《忠奸人》復出演奸角,但最終因個底「太花」,無綫終找張繼聰頂替其角色。

港澳兩邊走

陳山聰同超雲分手後,據聞無綫不再錄用,大難臨頭,身邊的朋友只剩低郭政鴻一個。

連娘家無綫都閂閘,眼見香港冇 job,陳山聰惟有轉戰澳門找胞兄陳山海幫手。
據知陳山海是當地名為「世運行」的運輸公司行政總裁;而太太李碧君則是澳門中產免費雜誌《梳打》的業務發展總監,最近有人便目睹陳山聰出現在雜誌社。知情人士說︰「山聰已經搞咗個網頁,雖然未公布,但佢已經決心轉型做時裝 blogger,個網頁仲會宣傳自己設計嘅產品,做雜誌嘅大嫂當然幫手宣傳啦!」

散貨止血

免費月刊《梳打》在 09年創刊,行內反應一直頗佳,啱晒陳山聰 sell表;而且陳山聰和超雲拍拖時,兩人一心搞時裝生意,當時陳山聰在各地買入不少貨,今次可在網頁散貨止血。「以前超雲都有寫 blog,又會將自己嘅最新打扮擺上網分享,又可以宣傳自己鋪頭嘅衫,所以陳山聰咪照辦煮碗囉,遲吓佢會出席一個時裝活動,仲叫大會出新聞稿時,列明佢 title係 fashion blogger添!」
上月 28日,陳山海在澳門出席「路易十三」皇家夜宴,被問到陳山聰近況,陳山海說︰「佢最近忙啲,做自己嘢,做啲咩就等佢自己講啦!」睇嚟全家人都好十卜「四失聰」喎!總算親情可貴!

大佬充闊佬?

陳山聰大嫂李碧君為《梳打》雜誌業務總監,在 09年雜誌的發布派對,陳山海以「世運行裝運 CEO」身份出席。但 11年有雜誌踢爆,陳山海只在該公司的貨倉上班;而據澳門「商業及動產管理局」的商業登記資料顯示,該公司全數股份由「 Lay Hing Sieng」持有,陳山海並非公司老闆或股東。

陳山聰大佬陳山海
自稱 CEO的陳山海,其公司「世運行」裝運主力澳門及國內物流運輸。業務包括專業包裝、本地搬遷、移民貨物托運、裝卸貨櫃等。
陳山聰和大佬陳山海大嫂李碧君
轉戰澳門今年 4月,陳山聰和大佬大嫂齊齊在澳門出席雜誌的 4周年派對,是陳山聰最近一次公開露面。

09年《梳打》雜誌創刊,陳山聰獲邀出席其創刊酒會,當時陳還未與超雲拍拖。

陳山聰原本有意闖時裝界,故託關楚耀搭路認識 I.T高層,當晚還專登戴上自家設計手表傾合作,但結果都是失敗收場。
陳山聰
香港撈失敗

《忠奸人》監製王心慰原本用陳山聰為劇中的奸角,後來改為張繼聰頂替其角色,飛起陳山聰。

抄超雲橋

何超雲都有寫 blog的習慣,其網頁分 fashion、 beauty及 style三個類別,還不時上載自己的不同衣着照片,乘機宣傳在中環的時裝鋪 Chew Closet的貨品。

超雲找專人設計網頁,版面設計專業,更不時 update。

超雲同陳山聰分手後就專心搞 blog,微博對上一次更新已是 6月的事。