FACE週刊 第329期
《求愛大作戰》曲終人未散，早前Whitney下嫁Mia前夫引起罵戰夠晒激，原來另一位主角Rocky亦已搵到另一半，仲係今年參加港姐但落選的保險妹Color，兩人撻着已近2個月。
上月底Rocky更趁週末兩日假期，拖實女友去長隆過夜快活，坐火車途中已忍唔住纏綿互攬，新拖友果然愛得火熱！
曾經在《求愛》中被嘲似礦工的 Rocky，上月 31日趁住週末相約女友 Color，連同一班《求愛》男女包括阿佳、 Justin、編導岑應等，乘搭直通火車往長隆玩，兩日一夜行程， Rocky及 Color只帶輕便行李。
Rocky拍拖唔夠兩個月，已相約到長隆過夜玩兩日，當日 Color身穿背心熱褲，跟着住背心的 Rocky襯到絕！
易氹唔港女
上火車後 Rocky大部分時間躺在雙人座位休息， Color則不時坐在 Rocky身上，纏綿互攬旁若無人到快將到站時，記者竟然聽見 Color大叫一聲「唔好停呀！」認真癡纏。一行人到達長隆後入住該區飯店，至週日晚上始回港。
其實 Rocky女友 Color今年 6月曾參加港姐面試，可惜廿強不入。知情人士指， Rocky與 Color拍拖未夠兩個月，但早在拍攝《求愛》時已認識：「 Color係做保險嘅， Color覺得 Rocky好錫佢，又話外表唔係一切，覺得 Rocky好有毅力喎！」據知 Color早前選港姐目的為博入行，可惜連入圍機會都冇；不過 Color性格和人緣都好好，最緊要冇公主病，亦唔使人氹，令 Rocky覺得佢係「非一般港女」，一於嘗試發展。
高潮樣
女友 Color在火車上去完洗手間回來，見 Rocky躺在椅上，即好自然地挨實 Rocky坐低，姿勢惹人遐想。
唔好停
Color扭身挨住 Rocky跟後面朋友傾偈， Rocky即手多多捏她腰，搞到女友不斷冧叫：「唔好停！」
廣州拖實
Rocky在離港前仍有點避忌，但一到廣州即拖實女友。
據知當晚他們入住長隆酒店，晚上睇表演及翌日參觀動物園，玩足兩天。
岑應同行
上月 31日，一班《求愛》參加者包括阿佳（黃衫）、編導岑應（左一）等中午相約在紅磡車站出發，雖然曾傳過 Rocky想溝岑應，不過三人行一樣冇問題！
《求愛》初遇
《求愛》 Whitney早前下嫁 Mia前夫，掀起罵戰，希望 Rocky由頭好到尾啦！
上週四（ 5日） Rocky在電話中承認拍拖近兩個月：「其實係拍《求愛》時識嘅，有集講 Chris帶咗幾個女仔畀我哋識，其中一個係 Color，後來先知原來係監製搵啲朋友放蛇，想套我哋幾個男仔講真心話，不過效果唔好最後冇播出街，但我就攞咗佢電話，後來做咗朋友。」
Rocky又稱雙方有一個月曖昧期：「我不嬲會問對方可唔可以做我女朋友呀，但今次啲朋友教我唔好問，咁咪唔問囉，直到 7月佢生日食完飯，原來佢一直介意我冇問到，我咪即刻問番，咁就開始拍拖囉！」
Rocky更情深地說：「以前啲女朋友都對我忽冷忽熱，又唔太正經，今次真心 feel到佢對我嘅關心，希望一齊行落去啦！我唔介意佢選港姐，我都參加《求愛》啦！好欣賞佢咁有勇氣，不過大家都有份正職，我哋都冇諗入呢行喇。」
港姐面試 out
Color（左）曾參加水着派對，穿上三點式的她都幾有睇頭。
Rocky的 facebook沒有放女友合照，但女友 Color則經常放合照上網，似乎女友着緊啲喎。
Color有份參選今屆港姐， 6月曾往將軍澳電視城面試，可惜第一 round己被 out。
岑應新作玩整容
Queenie
《求愛大作戰》播完 3個月，據知編導岑應又有新搞作，有意繼《盛女》、《求愛》後製作整容真人騷，將會揀幾對男女素人去韓國進行大變身，全程直擊由醜變靚的整容過程。
而整容超過 20次的美容達人陳莉敏（ Queenie），做完《求愛》導師後，好大機會再在節目中分享佢的整容心得同經歷，到時必定又再引起熱話。