劉謙22歲舊愛李蘊 秘嫁內地「半澤直樹」

FACE週刊 第332期

李蘊(Renee) 11年與台灣魔術師劉謙因第三者介入而分手,唔夠 3個月即與內地銀行界才俊羅章冠(David)撻着,二人更極速預支蜜月同遊美國,最爆係拍拖 4個月,Renee已信心十足說:「我哋唔會散」。

大晒恩愛的李蘊已不只一次公開講:「想快啲結婚生仔,我都認定佢係我結婚對象啦!」言出必行,據知李蘊在今年 5月參演的舞台劇前,已跟 David飛到倫敦秘密註冊結婚。由於 David在廣州返工,李蘊婚後照樣中港兩頭住家,實行「分居」新婚模式。忽然閃嫁,李蘊大吃一驚:「邊個話你哋知!」新婚即分居,李蘊反而唔介意:「其實好近咋,我哋又會晚晚視像見面,而且我有時都會過去,我哋感情好好!」

不經不覺已出道近10年的李蘊(Renee),其實只有22歲,經歷過上年被魔術師男友劉謙疑似劈腿後,李蘊隨即覓得真命天子,更於半年前秘密註冊做埋人妻。

新婚即分居 22歲李蘊倫敦秘嫁富帥銀行家

夫家要低調

據李蘊所屬公司一名前員工爆料,「 Renee大約半年前已經結咗婚,結婚地點喺英國, Peter(經理人公司輝皇老闆 Peter Chiu)都有出席婚禮。不過 Renee叫我哋唔好四圍講,話要低調喎!話晒佢老公都係正當銀行家,唔想有太多新聞影響佢做嘢,屋企又屬於保守派,所以 Renee好大機會完約之後就唔再做幕前喇!」

其實李蘊恨嫁之心絕對有跡可尋。自去年 7月喊住宣布與魔術師劉謙分手後, 8月經朋友介紹認識廣州渣打銀行 Banker男友羅章冠( David), 11月趁 David生日,二人更寓工作於蜜月孖住去美國拉斯維加斯及加州吃喝玩樂,返到香港機場被港傳媒發現,李蘊當時已甜絲絲話:「我哋一齊緊!」

22歲李蘊倫敦秘嫁富帥銀行家羅章冠(David)
海南島探奶奶
9月中李蘊忽然喺社交網站 po咗張激罕三點式照出嚟,雖然佢冇寫去咗邊,不過經明查暗訪後,原來佢去咗老公仔老家海南島探老爺奶奶!

22歲李蘊倫敦秘嫁富帥銀行家羅章冠(David)
過咗 3日,老公 David亦喺自家微博 po張泳褲背影相,寫明係海南島三亞,睇嚟新婚嘅二人玩得好開心!
22歲李蘊倫敦秘嫁富帥銀行家羅章冠(David)

22歲李蘊倫敦秘嫁富帥銀行家羅章冠(David)
27/9 8:00pm 最遲收工
渣打才俊羅章冠David年紀輕輕已升任為廣州渣打銀行行長,唔多唔少都因為佢非常勤力,一般都會於 8時後才收工。呢晚佢做到公司關門前一刻至肯走,升得快有前途,成個強國版「半澤直樹」咁款。
22歲李蘊倫敦秘嫁富帥銀行家羅章冠(David)
強國版「半澤直樹」
8:15pm揸車去到附近餐廳坐低食碗麵醫肚,冇計啦,老婆仔喺香港冇住家飯食。
22歲李蘊倫敦秘嫁富帥銀行家羅章冠(David)
9:10pm
食完麵直接揸車返屋企, happy friday都冇出去蒲, David果然夠乖仔!

放風好事近

自此李蘊出席大小場合,男友 David的名字都帶住傍身,恨嫁宣言亦一次比一次多,「我係想快啲結婚生仔,同男朋友感情穩定,我都認為佢係我結婚對象, 30歲前結婚生仔就最理想」、「佢畀到安全感我,而且佢好識照顧女仔,好踏實、好上進」、「我同佢都有傾過將來嘅事,大家都認真視對方為結婚對象」。去年 12月被問到會否閃婚時,李蘊即賣關子:「結婚係人生必經階段,我哋都會以結婚為前提!」

11年因魔術節目同劉謙撻着,不過一年貨仔即因男方疑似有第三者而分手,喊死李蘊!
11年因魔術節目同劉謙撻着,不過一年貨仔即因男方疑似有第三者而分手,喊死李蘊!台灣《蘋果日報》圖片

陪弟慶生
9月中李蘊細佬生日,身為家姐嘅佢又點可以唔返香港陪吓細佬?更何況佢講到咁近,走轉返香港冇所謂啦!

停工咁滯
李蘊對上一次出席活動係上個月中,佢仲話暫時未有新 job。佢話跟公司合約仍有大約 2年,雖然未傾續約,但雙方關係好好。

好友露玄機其實熟悉 David嘅網友一早已經喺微博露口風,留言暗示二人已婚,不過知道嘅人真係唔多!

自今年 5月參演舞台劇《假如我們不是這樣開始……》後,李蘊開始減少工作量,接下來的工作要等到明年初的另一套舞台劇。據知與經理人 Peter還剩不足兩年合約的李蘊,正打算重返校園讀語言,為遷就老公身份不再拋頭露面。


12歲入行,至今近 10年,李蘊事業冇話有咩大作為,不過感情事反而成大眾話題,如今 22歲就搵到真命天子,李蘊命水真係好過好多??模。

鬼祟遊 L.A.
去年 11月, David做跟得男友跟埋李蘊過美國做嘢,之後二人留低玩,仲喺 UCLA門前留倩影,並分頭 po微博,點知被傳媒揭發,李蘊隨即剷走張相,保護戀情。網上圖片

「晚晚視像見面」

週一( 30日)本刊致電李蘊恭喜她已為人妻,李蘊初時表現驚訝,後來即扮儍:「咩呀?邊個講?(重複幾次)唔係呀,冇咁快!(但係有朋友喺微博留言叫你做新抱仔,又恭喜你哋喎!)我最近都冇去英國!我係視佢為結婚對象,雙方家長都見過面,不過未係時候。(唔介意分隔兩地?)其實好近咋,我o依家中港兩邊走,就算見唔到面,我哋都晚晚視像見面,感情、關係都好好,不過我哋都係想低調啲!」
至於老公 David至截稿前未能聯絡上。李蘊已出道 9年,風浪都經歷唔少,o依家搵到筍盤靠山,既靚仔又有學問,當然要捉緊啲,唔好放手啦!


今年 7月,李蘊高調晒十指緊扣拍拖一周年溫馨照,其實當時二人已經結咗婚。網上圖片

「大學」未畢業08年李蘊會考至得 4分,但其經理人即幫佢報讀在港進修的菲律賓比立勒國立大學 BBA課程,但李蘊讀了 1年,就話呢科唔適合自己而唔讀。網上圖片

英國註冊得唔得?

據梁永鏗律師表示,任何人喺世界各地結婚都可以,只要你有護照就得。
喺英國結婚,其實手續一啲都唔煩,只要帶住護照、地址證明同埋兩位證婚人就可以。當然,無論你身在英國或者未到,你都要喺婚姻註冊署辦理結婚申請,如果你係持有 BNO的話仲可以免申請費添!當地政府可能要求你遞交一份「擬結婚通知書」予領事部。預計要 21日前辦理,之後英國大使館就會發一份「不存在結婚障礙證明書」畀你去結婚。若果忽然想結都得,急件可於繳交速件處理處搞,半日就可以攞到,不過要畀多啲錢咁解。結婚證書要畀英鎊 7.5(約 94元港幣)。不過,如果你想喺教堂結婚的話,唔係當地居民就唔得喇!

o靚妹變o靚模


’03「 Cream」出道
03年李蘊(右)參加歌唱比賽「新星新人類」得第 4名,之後得現時經理人 Peter Chiu睇中,加埋陳曉彤和盧嘉寶組成組合 Cream出道。


’08四葉女
06年因隊友要專注學業,故李蘊宣布獨立發展。 08年更拍住詩雅、趙碩之拍電視劇《四葉草 3:盛裝舞步愛作戰》。


’10唱 K-pop
10年李蘊與同公司的劉欣宜( Miyoko)合唱韓國改編歌曲〈 Mister〉,可惜得不到網民支持,更被恥笑 PP舞被跳得似「屙屎舞」。


’12寫真仆
前後推出過三張唱片的李蘊, 12年再推出第三本寫真《寵愛李蘊》,更遠赴馬來西亞取景,大晒 32C靚身形,不過寫真銷量麻麻,今年冇再出。

28歲「行長」

現年 28歲嘅羅章冠於江西財經大學畢業。據知該校極注重專業和英語的雙重技能,而就讀國際金融系的 David最近在渣打銀行(中國)有限公司廣州番禺支行晉升為行長,他更在全國工商銀行系統舉行的第三屆外語大賽總決賽上獲得英語第一名。呢位一直喺李蘊口中嘅普通男仔,實情係內地尖子高富帥。

羅章冠
小時候的 David跟一般內地兒童冇乜分別,會帶公安帽影相。網上圖片
羅章冠
28歲 David充滿童真,喺屋企攬住公仔影相,揸機嗰個唔通係李蘊?網上圖片
羅章冠
David雖然只得 28歲,但已經是渣打銀行廣州分行行長,仲深得老闆愛錫,於公司晚宴繑實影相。網上圖片

李蘊否認結婚

記者就結婚傳聞向李蘊求證,恭賀她成為「羅太」新婚之喜時,她以短訊回應:「我未結婚!總之有關結婚的傳聞也不是真實的!我還未結婚,其他不作回應了。」問到是否有結婚打算?是否好事近?她皆說未有結婚計劃,男友也未求婚。有傳她待合約屆滿後便退出幕前工作?李蘊稱一直也有演出工作,未來也希望有新嘗試,她說:「唔係肯唔肯嫁問題,我唔會秘婚,冇可能父母同公司唔知,我哋拍拖年幾,大家視為結婚對象,但o依家工作為重,未有共識結婚。」但她承認已拜會雙方父母。被指有份出席婚禮的李蘊經理人Peter也否認說:「冇咁嘅事,有一定宣佈。」