無錫拍成龍電影《緣來是遊戲》 波霸姣精爭嗒馬明肉

FACE週刊 第335期

捱足多年,今年終於有力憑《On Call 36小時Ⅱ》挑戰視帝的馬國明,39歲有錢有地位,絕對係繼陳豪後TVB頭號筍盤。

等住封帝,馬明最近除了要開始宣傳新劇,亦要度期北上拍由成龍監製的電影《緣來是遊戲》。本刊上週到無錫直擊,發現馬明在內地同樣受歡迎,戲中幾個女角更爭住向馬明BB「抄牌」,合照時又主動餵馬明食波餅!多得成龍大哥帶挈,準視帝呢鋪大開眼戒,TVB頭號筍盤隨時被強國女封盤。

FACE週刊 第335期:無錫直擊 跟成龍搵食 波霸姣精爭嗒馬明肉
21/10勁黐身
馬明週一( 21日)同雨書拍商場戲, roll機前雨書出手拉住馬明,個樣冧到呢!

無錫直擊 拍成龍電影《緣來是遊戲》 波霸姣精爭嗒馬國明肉
放飯時,馬明(左)寧願黐住男主角孫堅(右)開餐,都唔同其他女演員撐枱腳。

第 14屆藝訓班出身的馬國明,捱足 13年仍未坐正視帝,亦唔似其他小生有得頻頻北上搵人仔,馬明今年終於發市,有望憑台慶劇《 On Call 36小時Ⅱ》成為視帝之餘,更首次返內地,接拍電影《緣來是遊戲》。據知監製成龍非常欣賞馬明在《衝上雲霄Ⅱ》的演出,開出高達 300萬片酬力邀出任《緣》片「男二」,連馬明自己都話嚇到呆一呆。

世侄女主動挨

戲中飾演靚仔律師的馬明,將周旋於 6個靚女空姐之間,本刊更發現其中一個名叫雨書的女演員不時主動向馬明投懷送抱。原來這位雨書,正正就是曾活躍本港娛圈、《緣》片的導演陳勳奇女兒(原名陳杏妍,後改名陳開心 Colleen)。不過據了解,由於陳勳奇導演沒有特別介紹,加上三度改名為雨書的陳開心,樣子跟在港搵食時改變不少,所以馬明並不知對方就是成龍世侄女,亦即陳勳奇女兒。

性格主動熱情的雨書,首次見馬明即嗒晒糖,經常着住低胸衫、與馬明頭貼頭合照,再放上微博晒命。週一( 21日)早上,馬明同雨書到商場拍攝一場 shopping戲分,期間有幕後職員提出替 2人合照,雨書突然用廣東話說:「不如我挨住佢好唔好?」搞到馬明 BB硬晒軚傻笑。

雨書(陳開心)嗒馬國明肉
波霸 1號
咪壓馬明:雨書(陳開心)件衫本身已經夠噴血,仲要將個胸壓向馬明手臂,難得馬明 BB目不斜視,夠正氣!網上圖片
無錫拍成龍電影《緣來是遊戲》 波霸姣精爭嗒馬國明肉
本週一, 2人拍商場戲,期間有工作人員話要幫 2人影合照,雨書即主動話要挨埋馬明度影相,馬明隻手臂應該好舒服。網上圖片

狂俾女「抄牌」

除了成龍世侄女姣黐,戲中另外兩名女角亦吼實準視帝。
上週五( 18日),馬明在無錫街頭扮偷影另一女角林菀踩單車,期間馬明全神貫注學揸相機,又同導演研究企位,當導演嗌收工後,林菀竟然第一時間拎住手機衝向馬明「抄牌」攞電話號碼,非常猴擒!

週日( 20日)拍法庭戲,放飯期間一班女演員再主動邀請馬明同枱食飯,但馬明寧願孖住第一男主角孫堅撐枱腳,都唔肯同一班國產索女食飯傾偈。據知雨書已多次約馬明食晚飯,但馬明完全不為所動,「馬明一上到去開工,班女已經流晒口水,爭住問佢攞電話,但馬明經理人一早叮囑佢要小心,盡量唔好同其他女演員有乜接觸,所以馬明同佢哋講自己冇微信又冇大陸電話號碼,淨係畀咗個香港號碼人哋。班女約佢,都要用收費嘅 SMS。」劇組中人透露。

無錫拍成龍電影《緣來是遊戲》 波霸姣精爭嗒馬國明肉
波霸 2號
除咗一班女主角爭住集郵,連女臨記都唔放過馬明要集郵,低胸武裝 V住合照。網上圖片
無錫拍成龍電影《緣來是遊戲》 波霸姣精爭嗒馬國明肉
姣精 1號
導演一嗌收工,林菀即刻問馬明攞電話。
無錫拍成龍電影《緣來是遊戲》 波霸姣精爭嗒馬國明肉
西安出生的林菀,曾獲第 8屆「 CCTV模特兒大賽季軍及「最佳身材獎」,曾拍過成龍的《十二生肖》,但只係做二打六,連名都冇!

「同個個好傾得埋」

據了解,幾位女演員都唔介意要畀長途電話 SMS費,主動約馬明食晚飯,但每次馬明都拒絕,情願自己留在房內叫 room service。

北上多女圍,但馬明透過 WhatsApp回覆本刊時,唔認好艷福之餘,仲繼續請班內地索女食檸檬,「我o依家喺大陸拍緊戲唔方便回應,不過喺劇組真係相處得好開心、好融洽,同個個都好傾得埋。(班內地女演員咁索又主動,會唔會考慮搵個內地女朋友?)o依家係搏殺期,咁難得被成龍大哥同陳勳奇導演睇中,呢啲嘢唔諗住喇!」咁又係,等下個月贏埋視帝,到時應該仲多選擇!

18/10馬明呢幕要偷影林菀,陳勳奇親自教佢點樣揸機先夠 pro!
18/10馬明呢幕要偷影林菀,陳勳奇親自教佢點樣揸機先夠 pro!
20/10:據知,劇中 6位主要女角的其中之一牛麗燕曾邀請馬明一齊食晚飯,但亦被馬明拒絕。
姣精 2號
20/10:據知,劇中 6位主要女角的其中之一牛麗燕曾邀請馬明一齊食晚飯,但亦被馬明拒絕。

北京盛基學院畢業的牛麗燕,曾拍攝多部國內電影及電視劇,包括陳鍵鋒的《每個人都有秘密》,及方力申的《未來戰士》。

《On CallⅡ》被安排做台慶劇,睇嚟 TVB有心谷馬明做視帝,馬明勝利在望。

成龍世侄女改名洗底

身為監製成龍睇住大嘅世侄女,約 33歲嘅陳勳奇女兒雨書,原名陳杏妍,之後又改名陳開心,英文名 Colleen, 2000年後曾參與過港產片拍攝,可惜撈極唔起;反而最令人印象深刻係 04年明戀杜德偉,仲紋咗一個同對方一樣嘅「愛的紋身」。點知杜德偉知道後,公開表示兩人唔熟,仲話同當時叫陳開心嘅雨書傳緋聞「好噁心」。 07年雨書開始淡出香港娛圈,轉到內地搵食,唔單只改咗名,仲連個樣都同以前有分別。

雨書曾經喺右手臂紋咗個同杜德偉右手臂一樣嘅紋身,不過後來杜德偉拒愛,雨書亦洗走紋身。
雨書曾經喺右手臂紋咗個同杜德偉右手臂一樣嘅紋身,不過後來杜德偉拒愛,雨書亦洗走紋身。
飾演風流律師的馬明,最終會同飾演空姐嘅雨書成為一對。網上圖片
飾演風流律師的馬明,最終會同飾演空姐嘅雨書成為一對。網上圖片

成龍叫錫住馬明

電影開拍後,成龍曾低調探班同「男一」孫堅合照。

多年來冇得北上、焗拍 TVB劇的馬明,今次可以衝出電視城,全靠成龍出手。據知成龍對馬明在《衝 II》的風流機師形象非常欣賞,所以欽點馬明在《緣》片飾演風流律師。除了開出天價 300萬,劇組人更曾目擊成龍探班時向導演陳勳奇交帶,「一定要好好睇住佢,我好辛苦先喺 TVB『掹』佢出嚟拍戲!」而陳導亦相當識做,除親自教馬明做戲,亦對對方照顧周到。

馬明自「隊」賠罪


拍攝《寒》劇時正值夏天,着住厚厚古裝嘅馬明日日熱到冇表情。

一向係好好先生的馬國明,劇接劇未停過,前排更要長駐內地象山拍 TVB劇《寒山潛龍》。大熱天時要着住套超厚古裝,馬明拍到扯晒火,經常黑口黑面,所以到套劇煞科,馬明就喺煞科宴自「隊」賠罪。馬明話:「真係拍得好辛苦,而且啲 PA(助導)又新,我認我係發過脾氣,不過我同監製都覺得呢啲係人之常情,所以我喺煞科宴都自『隊』咗 3杯 say sorry。但有冇人仲嬲緊我,我真係唔知喇!」