FACE週刊 第340期
前排吳卓羲為新劇《忠奸人》開工，同場有 11年港姐劉思希。有傳劉思希深得監製王心慰重用，特登安排佢做唱 K女友，仲有場街頭激咀戲。有得咀女固然開心，當晚唱 K仲錫一送一添！話說劇情講佢咀劉思希之前，劉思希先要幫一個婆婆人工呼吸，係堅嘴對嘴嗰種，導演嗌 cut之後，直接就拍唱 K同女友錫錫戲分。本來劉思希好貼心話去啷口先，但唱 K竟然好 man咁話：「唔使！直接嚟啦！」就係咁，唱 K就同婆婆間接啜啜，唱 K真係專業喇！
投入咀
劉思希冇啷口冇??香口膠，吳卓羲就瞌埋眼咀埋去，睇佢個樣又好似幾冧喎！
咬上唇
打完茄輪都未夠喉，唱 K再輕輕咬住女友個上唇，好肉緊喎！
劉思希係 11年落選港姐，今次有機會做唱 K女友，有運行！
救阿婆
婆婆暈倒，劉思希幫手急救做人工呼吸，諗都冇諗，即刻一嘢咀落去，冇借位！
另一日外景，吳卓義同跛腳郭晉安拍對手，今次冇得咀港姐同婆婆喇！