失戀失業賣醉 謝霆鋒散玩JM一個月即撇

謝霆鋒和張栢芝離婚 2年多,但工作狂霆鋒甚少近女色,身家逾 8億的霆鋒,只與周迅傳過吓緋聞,近日再被爆與女神文詠珊 JM撻着;據可靠消息,其實被爆二人交往時,兩人實情已經分手,由認識到分手亦只維持 1個月,近期 JM多次被影到賣醉,全因借酒澆愁。
與黎明約滿之後,據知一向錢行先的 JM,主動放聲氣轉會,諗住拖住霆鋒可自抬身價,如今極速被飛,面對雙失, 25歲 JM真係要諗諗計補飛。

FACE週刊 第343期:失戀失業賣醉 霆鋒散玩JM一個月即撇
霆鋒回應戀 JM直接否認, JM講霆鋒就極有遐想:「係好朋友囉!我行內有好多好朋友。」


據悉 JM抱以厚望的戀情,霆鋒就當係散玩,暗交一個月後已經向 JM提出分手。

鋒與 JM本身大攬都扯唔埋,因一個 party而令關係曝光;據知跟霆鋒搞製作公司的拍檔楊文傑,上月在中環一間米芝蓮法國餐廳慶祝生日,當晚 JM以霆鋒女友身份出席,不過由後門出入,關係仍屬萌芽階段。

「爛桃花」寸霆鋒

據知兩人拍拖期間,單獨見面的次數不多於 5次,加上霆鋒的電影事業製作公司如日方中,根本未有心穩定感情,兩人拍拖 1個月就無疾而終,一心以為可以跟死敵 Angelababy一樣搵個紅星倚靠北上,可惜如意算盤失敗。
不料分手後始爆出二人拍拖,雖然男女主角例牌否認,但 JM身邊朋友透露︰「 JM一向拍拖都好小心,同霆鋒就更口密,好多都係分咗手先知,平時 JM飲醉好有分寸,但呢排真係醉得勁。」上月 19日, JM出席 I.T 25周年 party,在 VIP區狂隊香檳,未夠 1粒鐘就已經爛醉,仲畀余文樂醉攬;事後 JM出席活動口快快講錯嘢,她說︰「唔係桃花,係爛桃花!」據知當日 JM馬上跟余文樂請罪,但 JM口中的「爛桃花」,所指的卻是霆鋒。

搵 friend訴苦

工作前景未有着落,再加上失戀雙重打擊, JM最近被拍到會見友人都是神色凝重大吐苦水。

醉攬余文樂

慘被霆鋒撇甩, JM明顯愛蒲愛飲酒療傷,落場更十足孔雀開屏來者不拒,上月 I.T party便與余文樂咬耳仔。

迷到要扶


《蘋果日報》圖片

失控 JM,上月連出席友人生日派對都飲到大醉,要富二代好友嚴紀文(箭嘴)爆樽失儀相救。

黑衫蒙面


《蘋果日報》圖片

臨近 25歲生日( 29日), JM最近更一反常態夜夜笙歌約友人慶祝,最近一次在蘭桂坊大醉,便要女友人出手相救。

翻兜富二代前度


6月被踢爆與衞以德撻着兼火速同居,不過中途殺出勁敵霆鋒。據悉, JM最近已經翻撻衞以德。《壹週刊》圖片

箍唔住霆鋒, JM即時轉 plan,本月有人見到 JM在前度衞以德何文田住所出入, JM手上件件筍盤。
衞以德在英國大學畢業成績優異,熱愛運動又係籃球健將,家族經營製衣廠。貴為富二代,衞以德亦有諗頭,與好友合創 high-end時裝品牌「 J.E.W.D」。不過感情瓜葛拍得住霆鋒,曾經與何超盈孖住夜蒲傳緋聞、又傳搭上唐貝詩搞到超盈同唐貝詩反目,隨後再被拍到與唐貝詩胞妹唐貝欣後巷濕吻,好亂囉。

一家團聚


網上圖片

網上圖片

失戀賣醉

本月初,甚少夜蒲的 JM又出動夜蒲蘭桂坊 Volar,玩到大約三點幾,醉到行唔到路的 JM,被友人大褸蒙頭扶上的士,冇晒形象!上週六( 14日), JM相約女友人飯聚,其間愁悶不停呻,雖然兩人冇飲酒,但餐飯食足 3粒鐘, JM真係好多心事。
失戀已經慘, JM仲面臨失業,據知她與黎明打骰的經理人公司百仕活早已在今年中滿約, 4年前放風轉會冇人要,得黎明睇中收歸旗下,如今黎明對續約甚有誠意,但 JM拖字訣唔肯續約,原來她早知霆鋒在內地準備成立一間經理人公司,更已簽下來自內地綜藝節目《快樂男聲》的歐豪, JM本來有望做老闆娘兼有靠山唔使愁。知情人士說︰「霆鋒講明會簽 2男 2女,同 JM拍拖時都有研究過, JM又係自由身,梗係想靠霆鋒開拓國內市場,不過分咗手,應該都係不了了之。」
大靠山冇咗,但據知 JM揀新公司卻堅持要先收錢再簽約,面臨雙失, JM卻重蹈覆轍,只識向外放聲氣??撈,據聞杜琪峯和林小明都有接觸過,不過,都係嫌貴囉!


百仕活昔日好拍檔李治廷,現時都靠與范冰冰的姐弟緋聞走紅強國 keep住有戲拍, JM下一步卻未有打算。《蘋果日報》圖片

轉做「模 Art」後, JM(紅圈)次次開戲雷聲大雨點小,發展不如理想。年中炒得?烚烚擔正的《紅 Van》亦未知幾時上。網上圖片

24歲 JM戀愛大過天亦不甘寂寞,與李冠峰分手後,不停換畫,甚至曾經被拍到與同性攬啜,疑似變攣。

據悉 JM與百仕活滿約後,曾經獲杜琪峯旗下的海潤及林小明旗下的寰宇洽談,不過有人開價過高嚇走兩位老闆。

暗撻霆鋒後, JM本來亦有意簽約霆鋒新組內地開經理人公司,可惜如意算盤再次打唔響。霆鋒簽下新人歐豪,暫未有再簽新人。

進取姐妹

JM一直同舊愛李冠峰分分合合,直到今年才有新歡出現。相比昔日姐妹 Angelababy同識落十年的許亦妮,算專一囉!

許亦妮 強覓富豪

選港姐期間已經係是非精兼緋聞之后,選完港姐更惹火、更目標為本,緋聞對象個個猛料,《喜愛夜蒲 3》開拍前,先搭上霍啟剛老死、再傳富三代詹勝,開拍後又登上老闆盧啟邦超級跑車,積極覓食。

Angelababy 咬實曉明

 

早年同 JM在o靚模界叮噹馬頭, 10年進軍電影界後旋即拉開距離。 Baby在電影界最大收穫肯定係拍《一場風花雪月的事》撻着黃曉明,三年來感情穩定,近日仲話見過家長好事近。

评论回复