韓劇《來自星星的你》唔只熱爆韓國,更於東南亞掀起一片追《星》熱潮,個個星期追住煲。
不過《星星》現已播到第 17集,本月底便會埋尾大結局,所以劇中男女主角金秀賢與全智賢,現正開行 turbo趕工。
首爾直擊,週日( 16日)雖是金秀賢 26歲生日(韓齡 27),但唔只冇假放慶生,仲連踩 3組戲,開足 20粒鐘。雖然金秀賢最近被踢爆豪擲 2,800萬港元買下首爾銅雀區黑石洞區豪宅,同 G-Dragon及 SM Entertainment老闆李秀滿為鄰,但每日只留家最多 4粒鐘,日日由朝做到晚,每分每毫都有血有汗。
17/2 9:50am 5℃
週一( 17日)朝早 9時 50分,金秀賢由助手陪同下,到首爾樂天百貨公司附近的髮型屋整頭,由於只瞓得 4粒幾鐘,加上天寒地凍,着住件超厚羽絨嘅金秀賢快步行入髮型屋。但遠睇佢個樣都算精神,啱啱 26歲仲捱得起。
《星星》一劇中, cool爆嘅金秀賢其實外冷內熱,一直在全智賢身邊保護對方。
《星星》接近尾聲,但早前因遷就索契冬季奧運播映而停播一集,而延遲大結局播出日期。據知因為《星星》大受歡迎,經編劇及演員等人協商後,終於調整好時間,拍多一集,所以《星星》由原本的 20集變成 21集,大結局將於本月 27日播出。
別墅大叫都敏俊
週日( 16日)晚,金秀賢由首爾市區,坐車去到仁川附近江華區一間名為 Hill House嘅別墅會合全智賢繼續拍。其間,聽到全智賢好大聲用韓文叫住「都敏俊」個名,唔通二人又嗌交?
瞓連梳洗 5個鐘
添食一集,講就容易,實質各演員要捱多幾日趕工。上週本刊記者飛到首爾,直擊飾演 cool爆但深情男主角都敏俊的金秀賢, 20小時內連踩 3組戲實況。
週日( 16日),其實是金秀賢 26歲生日,但因要為《星星》埋尾,生日都要跟攝製隊及工作人員開住工度過。當日金秀賢與飾演全智賢反叛細佬千允在的安宰賢,早於中午 12時,已在首爾新村的現代百貨公司出現,之後攝製隊移師到附近一間中國餐館進行拍攝,拍完 4小時後離開,其間雖然有影迷用韓文在餐廳外大叫「生日快樂」,但金秀賢亦冇時間講多謝,只鞠個躬道謝後即匆匆離開,趕下一個場景。
唔好以為生日有優待,當日晚上金秀賢亦趕去仁川機場附近的江華區東幕沙灘的別墅繼續拍多 5小時,其間記者更聽到「千頌伊」全智賢在別墅內大叫:「都敏俊」。拍到大約半夜 4點,金秀賢終於可以返家休息。金秀賢返到新購入的豪宅單位已經係半夜 4點幾,到早上 9點半,記者又發現金秀賢離開屋企開工,計落金秀賢只有約 5小時休息連梳洗,真係鐵人都捱殘。
雖然趕工超辛苦,但金秀賢年青力壯,所以單睇樣完全唔覺殘。週一( 17日)早上金秀賢先乘保母車到附近試戲服,然後就繼續乘保母車直駛樂天百貨公司,接走一名韓妹上車,之後兩人便聯同司機及一位疑似保母在車上逗留半小時,金秀賢先同韓女齊齊步入樂天百貨開工。
本週一,剛過了 26歲生日的金秀賢 po咗喺片場刨劇本相上微博,辛苦晒!網上圖片
週日( 16日)正是金秀賢 26歲生日,但因為要開工,所以生日亦要喺工作中度過。而今次已是金秀賢第 4年要開住工過生日,證明佢真係好忙。網上圖片
週日由朝拍到週一凌晨,但金秀賢只係返去位於首爾銅雀區黑石洞豪宅小睡, 5粒鐘後,由保母車接走再開工。
週一朝早,金秀賢要去整頭兼繼續拍攝,其間,佢就叫埋工作人員一齊喺保母車旁邊,疑似抽煙減壓。其實金秀賢呢幾年都曾被影到煲煙相。
16/2
巨星豪竇
近年紅爆東南亞嘅金秀賢,去年花 2,800萬港元買入位於銅雀區黑石洞千呎豪宅,其居所位處 20樓以上,可飽覽漢江美景。而 SM事務所社長李秀滿、 BIGBANG隊長 G-Dragon及《茶煲阿四》女星韓藝瑟亦擁有同座物業,同巨星富豪住埋隔籬。
全智賢做樓后
金秀賢拍檔全智賢仲犀利,雖然佢現居位於首爾江南區的豪宅只花 1,900萬港元購入,冇金秀賢買入嘅 Galleria Foret咁貴,但最近被爆原來佢坐擁包括首爾硯洞等多個物業,總值 5,280萬港元,成為韓國演藝界「樓后」。
全智賢前年 4月同金融才子崔俊赫結婚,兩公婆都搵到錢,絕對係有米夫婦。
全智賢現居的江南區豪宅,面積有 3千多呎。
本週加甜
《來自星星的你》是以《朝鮮王朝實錄》中 1609年發現的不明飛行物相關紀錄為基礎,講述從外星來到朝鮮時代的神秘男人都敏俊(金秀賢飾)就此生活到 400年之後的現代,遇着名女演員千頌伊(全智賢)並墮入愛河的浪漫喜劇。上集(第 17集)講到千頌伊同都敏俊喺屋企耍花槍,千頌伊更主動咀都敏俊,令都敏俊溶化。據了解本週播映的第 18集及第 19集(一說可能延播),都敏俊對千頌伊的感情愈來愈深,令是否返回自己星球感到進退兩難。
雖然本月底( 27號)播第 21集大結局,不過上週編劇朴智恩表示仍正為結局安排苦惱中,還未動筆寫劇本,所以大家唔使亂咁估喇!
要娶o靚妹
《星星》劇中,金秀賢飾演的外星人教授都 manager,對千頌伊一往情深,冧死唔少女。現在單身的金秀賢本身亦是女性磁石,年前他出席電視節目《 Section TV演藝通信》時,便說笑式自爆曾有過 9個女友。去年他於電影《偉大的隱藏者》宣傳活動上被追問結婚大計竟笑說要娶??妹,「 24歲時我想過 36或 37歲結婚,但目前情況應該沒有辦法實現,要推遲到 41歲左右,到時可能要娶個 21歲的妹妹。」而 6年前金秀賢更於自家 blog表示:「她要願意為我而死,只能想着我一個人,不能妨礙我工作,但在我需要的時候,一定要在我身邊。」
據了解,香港最近也有不少商場和公關公司向金秀賢招手,但金秀賢經理人表示,現階段只想集中拍廣告,加上他是 LOTTE FITIN mall代言人,所以不能接其他商場騷,香港的客戶畀多多錢,都恐怕請唔到男神來港。
17/2 10:00pm同全智賢談情
本週一晚上,金秀賢同全智賢去咗首爾 Tripalace拍攝車廂傾偈戲, Tripalace喺戲入面其實係金秀賢同全智賢所住的豪宅,內籠是全廠景。
1:15pm車廂短聚
週一下午,金秀賢於樂天百貨公司附近整完頭後,便用保母車接走一名女子,之後該韓妹更在保母車上,同金秀賢等人短聚半粒鐘。
認拍 9次拖
早前,金秀賢於電視節目《 Section TV演藝通信》,自爆曾拍過 9次拖。
最近 Miss A嘅秀智加入《星星》客串,扮金秀賢舊學生,兩人相遇,秀智仲好主動抄牌攞電話,之後搞到全智賢呷醋。其實秀智同金秀賢早於 3年前拍《 Dream High》時,已傳過緋聞。
09年於電影《最壞的朋友》內,金秀賢被女角摸下體,算係入行以來最大膽演出。
FM吸金
去年 7月,金秀賢曾為自己孭飛嘅韓片《三個特攻美少年》來港做宣傳,當時已令成班港女着晒迷。
金秀賢完成《星星》後,將於亞洲舉行 Fan Meeting,可惜冇香港站。據知現時金秀賢每場騷收約 195萬港元,預計完騷後吸金超過千萬。
3月 22日 台北
3月 23日 上海
4月 4日 廣州
4月 6日 北京
拍攝場地成景點
《星星》令金秀賢爆紅入屋,而佢同 Angelababy拍嘅 Samsonite旅行袋廣告亦於首爾街頭隨處可見,加埋各《星星》取景場地現已成為遊客景點,金秀賢簡直洗你腦。
最近金秀賢同 Angelababy合拍嘅 Samsonite旅行袋廣告,於首爾街頭隨處可見。
釜山呢個場景位於釜山廣安里,雖然將於 18集出街,《星星》迷已去定呢個場地朝聖。
滄川洞劇中全智賢經常走去密友洪福子開嘅漫畫店。此店位於西大門區滄川洞,據知??家已有好多《星星》迷打躉。
仁川大學頭十集,飾演教授的金秀賢經常出入仁川大學,所以現時仁川大學亦成朝聖之地。
《來自星星的你》結局篇 金秀賢一個月內返外星
《來自星星的你》有幾受歡迎已經不用多講,當電台節目日講夜講,小儀用「要慢慢『妹』粒糖」來形容她追看這部大熱神劇,內地節目已經出現各種惡搞《來自星星的你》時,就知道這部劇集已經承接甚至蓋過之前的《繼承者們》,令金秀賢成為今年人氣王。
撰寫本文之時,《來自星星的你》已經在播第 17集,稍後會講到金秀賢需於 1個月內返外星,他跟全智賢的姊弟戀能否開花結果,的確萬眾期待。
《來自星星的你》 2月 12日播出第 16集,之前劇情提到都敏俊為千頌伊送上超能力深情之吻,千頌伊對都敏俊說他無所不能,更問都敏俊是否喜歡她,但都敏俊卻未能回答。千頌伊窮追猛打但都敏俊卻毫無反應,發現他已暈倒。原來身為外星人的都敏俊與地球人有口水接觸的話便會出現異常反應。第 16集結尾播出 17集預告,預告中出現「 100日後」的字句,全智賢在南山塔下餐廳斯人獨憔悴,從不喜歡孤單一個但無奈都敏俊卻是外星人。第 16集中其實已鋪下離別端倪,因為都敏俊已表明一個月後要離開地球返回外星,並叫千頌伊有什麼想做的話,就趁他還在地球的一個月內盡做。
金秀賢點名秀智客串
都敏俊與千頌伊戀情是否能開花結果尚屬未知,而在 13日播出的第 17集,最具話題性的當然就是 miss A秀智的客串演出。金秀賢與秀智在《星夢高飛》中早已碰頭並傳出緋聞,而據講秀智之所以突然客串,全屬金秀賢的主意,也令劇集再創高潮。秀智客串的一集在 13日播出,而劇組也非常趕忙, 11日拍攝後立即剪接。秀智的戲分不多但搶眼,劇情描述她在一山湖水公園巧遇都敏俊與千頌伊,而她更和都敏俊互相「抄牌」交換電話,令千頌伊萌生醋意。秀智拍完後也鼓勵大家努力,期望該劇收視再破紀錄。
千頌伊在 16集知道都敏俊來自外星並不會變老,頓感上天對女人不公平,直言女人會老的話根本不會有 happy ending,已經 32歲的全智賢穿起高中運動服也不覺牽強。
17集中千頌伊孤單一人面帶愁容在等都敏俊。
東大門 LOTTE FITIN商場最近找來金秀賢代言,銷售額即有所提升,證明金秀賢已成為代言金蛋。
來港狂擦填鴨
金秀賢飾演都敏俊,堪稱他從影以來的代表作,人氣承接前年的《懷抱太陽的月亮》。上年暑假他來港宣傳電影《三個特攻美少年》,我由接機開始跟足全程,為他當傳媒訪問翻譯及商場活動主持。來港數天,密密麻麻的訪問日程結束後,我們也特別帶他到半島酒店中菜廳品嘗經典粵菜及北京烤鴨,令他大呼過癮。
來訪問的女記者們,面對這位風度翩翩的偶像,也立時顯得含羞答答,印證了他是姐姐殺手的稱號。和他共度數天,感覺他現實生活中仍像大細路一樣,喜歡講笑和搞氣氛,例如某家庭雜誌訪問他時,請他拿起咖啡杯裝作喝咖啡,他便立即笑說覺得自己像在拍攝咖啡店廣告。我為他翻譯時,第一句常常會是「先講番……」,他更會模仿我的口吻,引來工作人員們和我大笑。
金秀賢於週日便踏入 26歲,英俊、年輕、有演技,幾近完美,不用多說 2014年也會是金秀賢世界。