處境劇《愛.回家》又娘又悶但長播長有,最緊要帶挈劇組人人爆騷,連一向有陣小三味嘅朱慧敏,都可以慢慢洗底做律師入埋屋。
雖然早前有報道話佢得罪珍姐,將會喺 600集後消失,查實剛以近 500萬買入將軍澳上車盤的朱慧敏,仍得珍姐器重,上週珍姐更專登宣布冇人會退出《愛.回家》,甚至有機會添食至 1,000集,有珍姐冇窮人呀!
32歲朱慧敏 04年入行,多演壞女人角色,但自從前年拍《愛.回家》後,劇中飾演硬朗律師 Alex,同黎諾懿有唔少談情戲。朱慧敏加入兩年,一週五日密集式硬推入屋,開始為師奶接受。
前週五( 4日)朱慧敏同黎諾懿喺紅館外為《愛?回家》 550集開工,據知除朱慧敏買到樓外,由於黎諾懿在律師樓兼馬家兩條線孭重飛,基本上一至五都見佢,以 5,000蚊一個騷計,月入 10萬。
朱慧敏近兩年都係拍《愛·回家》,每星期穩執三個騷,搵埋咁多,上年以自己名義 490萬買入將軍澳清水灣半島。
13年 2月買
珍姐穩軍心
上週三( 9日)《愛.回家》舉行慶功宴,徐榮同林漪娸坐喺珍姐左右,邊個係愛將一睇就知。
兩年以來朱慧敏都喺《愛.回家》開飯,少拍其他劇。不過朱慧敏為劇中主角,每星期最少出鏡三集,計落月薪穩賺 3至 4萬,日日開工穩定朝九晚六,去年 2月時更一擲 490萬買入將軍澳清水灣半島自住,與楊思琦、陳敏之為鄰。雖然年前曾傳出佢成日教演員做戲,因而被珍姐開大會照肺,但仍無損珍姐重用。
至最近忽然傳出珍姐要將朱慧敏、蔣家旻、湯洛雯飛出局,《愛》劇亦會 600集完結,改開新劇《新愛.回家》,不過珍姐為穩軍心,上週三( 9日)在《愛.回家》慶功宴上,等現場傳媒離場後,突然上台演講闢謠。知情者說:「珍姐趁班記者走晒先上台,佢話冇人會飛走,大家做得好好,希望集數邁向 4位數字。」珍姐撐到出面朱慧敏當然開心晒,難怪前週五( 4日)朱慧敏同黎諾懿到紅館外,為 550集嘅《愛.回家》拍外景,現場見佢已經相當風騷。
她事後對記者說:「多謝珍姐一直畀機會,聽完佢講我都定啲,我知嚟緊有揚明加入,會同我有感情綫,我諗我唔會咁快飛走啩,哈哈!我好抵用?!」
隱藏騷王
最高試過一個月有 15個騷,不過我哋好平嘅啫!
徐榮
徐榮為馬家主要演員,而且有唔少戲分提及他開的古玩店,令佢曝光機會比朱慧敏更多。平均每月 15至 20個騷,每月收入 6、 7萬,比朱多 1倍。
喺《愛.回家》爆騷係好平常,我最近有個港鐵廣告都係同黎諾懿一齊拍。
蔣家旻
蔣家旻自從《第一次不是你》後,開始得到重用,喺《愛》劇開始有獨立故事,騷錢更穩定。
最高價
丹爺為《愛.回家》台柱,幾乎集集有份,而且係珍姐愛將,據知騷價成 8千蚊一個,全劇最貴。
新加入
揚明為珍姐新寵,更會加入《愛.回家》同黎諾懿爭朱慧敏,又係執騷好機會。
係人都爆
除咗一眾《愛.回家》主要演員,基本連一啲 4、 5線奀茄都會夠騷。因為只要喺一集出現一次,無論有冇對白,就會計一個騷。
李豪黐出鏡劇中同蔣家旻有感情線,每月都有 6個騷。
林師傑三角錯劇中飾演木偶人,同湯洛雯、羅天宇有三角關係,每月都有 10個騷。
羅天池專執騷劇中做保安員,戲分唔多,但每集食飯戲必有,執騷拍得住主角。
撈足 20年
由 90年代《真情》到播緊嘅《愛.回家》,大部分都係由曾勵珍旗下監製孭飛,猛人身邊實有愛將,其中以林漪娸、郭少芸和馬海倫三位為珍姐最愛,每套處境劇都有份。據知 3位私下亦係珍姐麻雀腳;而劉丹就係 30多年好友,飲茶食飯訂定枱,難怪係人都要多謝珍姐。
95年《真情》播足 4年半共 1,128集,當時丹爺已係鐵膽,劇中飾演叉燒炳,加埋一班好友睇住,劇組有乜異樣即時上報。
二代接棒’08-’10
《真情》後,出現過唔少處境劇,當中《同事三分親》及《畢打自己人》亦係珍姐作品,區錦棠及徐榮成為珍姐新愛將。
回家新血
《愛.回家》本週播至 489集,落實會有 700集,而劇中除咗有珍姐心腹外,亦有一眾新人出現。蔣家旻及羅天宇喺劇中戲分亦重,二人分別有獨立戲分。