《女人俱樂部》真人版似足劇 少女版陳慧珊繼父富貴

上週首播TVB新劇《女人俱樂部》平均收視26點,最高28點。一班少女版吸引到巴打留意。其中o靚版陳慧珊陳瀅同o靚版李若彤陳嘉寶更加被巴打讚索,突圍而出!

大家都係靚女,可惜出身卻差天共地,陳瀅老豆做地產勁富貴,出入揸 Audi跑車,而陳嘉寶( Anjaylia)則住將軍澳公屋,同角色設定一樣,陰功豬!

大台新劇揾咗 7位美少女飾演劇中 7位女主角嘅少女版,除咗樣貌相似外,竟然出身背景都同角色好相似。好似邦民女陳嘉寶( Anjaylia)喺劇中飾演o靚版李若彤,現實一樣曾是窮學生;而o靚版陳慧珊陳瀅飾演有錢女,原來現實中亦相當富貴。

FACE週刊 第362期:真人版 似足套劇 o靚版陳慧珊繼父有米
25/4睇 Chanel袋
屋企有米,陳瀅平時 shopping亦專攻名牌,上週六( 26日),便約埋 2位同門好友鍾浠文、 Taylar R黐住攻 Chanel。

陳瀅
富家女形象清純,但在自家 ig內卻有不少泳衣相,騷少少巴打已經要搵法官大人!網上圖片
陳瀅於劇中飾演少女陳慧珊,估唔到大台新劇連角色背景都配合埋!《蘋果日報》圖片
陳瀅於劇中飾演少女陳慧珊,估唔到大台新劇連角色背景都配合埋!《蘋果日報》圖片
陳瀅和陳嘉寶在戲中飾演好姊妹,不過一個富貴一個窮。
陳瀅和陳嘉寶在戲中飾演好姊妹,不過一個富貴一個窮。

父擁六層商場

24歲的陳瀅,原名鄭鈺瀅。 20歲時自薦去 Starzpeople做 model,一入行即有機會拍唔少電視廣告。未拍劇前拍過 1DAY ACUVUE、 Pizza Hut廣告同幾部電影與柯震東、梁家輝等合作。只是今時今日,入行做新人,屋企冇個錢好難支持,好在陳瀅繼父相當有米。據知陳父喺廣州從事房地產,更在當地擁有一 6層高商場,分分鐘富貴過劇中角色。
雖然屋企有米,但陳瀅平時好低調。據劇組人員爆料:「佢唔係好想人知佢有錢!冇人見過佢揸車返工,成日都搭廠巴。外景嗰陣照食劇組安排嘅叉雞飯,平時着衫都冇名牌孭喺身。」開工扮窮,但上週日( 20日)陳瀅出席完《女》劇首映禮後,就揸住價值 40萬嘅橙色 Audi離開,上週六,記者亦發現她孖住 2位朋友,到銅鑼灣利園 Chanel濕平。
對於富貴家境,陳瀅答得相當避忌。她說:「我只係知家人喺廣州做房地產。其他大人嘅事真係唔知,但我出嚟做 model後,一毫子都冇問屋企攞。我??家租住嘅地方同架車,全部用自己錢買,希望大家留意我做戲多啲啦!哈哈。」富爸爸真偉大。

陳瀅
繼父喺廣州搞房地產兼有貨,陳瀅亦同繼父關係良好,早前一齊出席家姐嘅婚禮,陳瀅更留言說:「愛你 daddy」!網上圖片
陳瀅
陳瀅
去年陳瀅拍過隱形眼鏡廣告,之後又同男神柯震東一齊拍戲,機會算多。
陳瀅

20/4揸 TT跑車

陳瀅

早前陳瀅出席完新劇宣傳,便自駕價值 40多萬的 Audi TT跑車,車埋同隊 Super Girls成員吳嘉熙回家。

陳嘉寶住將軍澳屋邨

陳瀅真係富家女,而於劇中飾演少女版李若彤嘅陳嘉寶,在劇中做窮學生,現實原來亦自細在將軍澳寶林邨長大,中小學在邨內的迦密主恩中學以高考 18分的成績,考入樹仁新傳系。今年 24歲的 Anjaylia雖然做過??模出過寫真,不過一向拒絕性感,禁影水着。純女一向係巴打女神,但 Anjaylia早前竟自爆跟一任職金融的「 E先生」拍拖,難逃私有化命運。

陳嘉寶
自細在將軍澳寶林邨長大,中學亦是在邨內就讀,日常生活好慳家,經常幫襯屋邨附近街坊鋪。劇中飾演少女版李若彤,戲份為 7位少女版之中最多。
陳嘉寶
《蘋果日報》圖片
陳嘉寶
’09高考以 18分獲樹仁傳理系收錄,在當年云云o靚模中,成績算最好。

7位主角少女版戲分多,被人留意係正常,不過網友口味一向另類。首週播映後,巴打最暈浪嘅竟然係飾演李若彤乖女嘅 Super Girls成員 Heidi李靜儀,巴打鍾意佢夠 pure。她表示:「最記得有日拍場戲要喊足 10個鐘。拍到尾我用齊眼藥水、白花油都喊唔出。」

Super Girls成員 Heidi李靜儀
Heidi喺自己 Instagram經常上載自拍照,加上在新劇演出,令佢成為網民新寵。網上圖片

形象清純,但亦有網友話佢拜金,讀中學時同嗰 30幾歲男友拍拖。 Heidi就大呼寃枉:「我從來未同過 30歲或以上嘅人拍拖,我只係拍過 3次拖。我唔覺得自己拜金,未叫過男友買貴嘢。我買最貴嗰樣係箍牙, 4萬幾蚊,??家都未供完!我係貪靚!但絕對唔拜金。」

網友爆 李若彤女 Heidi拜金拖中佬

新劇除咗陳瀅同陳嘉寶,還有多位新面孔入劇,估唔到暫時戲份唔多、做李若彤個女嘅 Super Girls成員 Heidi(李靜儀),亦獲巴打留意,連帶佢 ig內的私照亦被廣傳,還有網友鬧她拜金兼拖年長男友。

Super Girls成員 Heidi李靜儀
Super Girls成員 Heidi李靜儀
劇中 Heidi飾演刁蠻女,成日擺個串樣出嚟,頂撞李若彤。她說:「當日監製都係因為我嗰樣夠寸先揀我。其實我係驚樣嚟,唔係寸樣。」

私照廣傳


網上圖片

Super Girls’11成立,香港女子組合嚟講成績不俗,嚟緊會到韓國拍廣告,仲會簽新唱片公司。
除自拍外, Heidi身高 168cm,亦經常騷泳衣照晒身材,她說:「我操水練氣啫!」

王敏奕有戲有身材

7位少女版,演技最好又突出,一定係少女版李麗珍王敏奕。除咗戲分重之外,首集追車攞譚詠麟簽名,亦成為網友 cap圖至愛。有身材的她,亦拍過唔少大膽戲。不過最性感就有《超級經理人》內穿水着,其經理人麥曦茵表示:「嚟緊佢會拍我執導嘅電視電影《曖昧不明關係研究學會》,佢係一個演員,希望大家多留意佢嘅演技。」

王敏奕
王敏奕有身材,除咗《女》劇外,上年《超級經理人》亦有同《魔警》女主角思漩着三點式上陣,巴打記住翻睇。
王敏奕
王敏奕有唔少偏鋒作品,喺 Eason〈張氏情歌〉 MV,其中一幕被人摷裙底。
王敏奕
首集《女》劇,王敏奕除咗演技係 7位之中最好,其中一幕追譚詠麟攞簽名,身材表露無遺,令網友不斷 cap圖。