《耳分高下》出身的「 Sing之天使」林芊妤（ Coffee），上週二（ 17日）被爆跟上市公司達利國際集團有限公司 CEO林知譽（ Will）在 ifc「殘廁 Gathering」，而成為城中熱話。 Coffee於娛圈發展麻麻，卻釣到身家達 9億的闊少，確令全港「 O」嘴。

其實 09年入行的 Coffee，除了冧掂闊少，亦成功俘虜過小生。入行冇耐， Coffee便與《愛．回家》當紥小生羅天宇撻着，影下唔少親熱相。Coffee因病甩底延接大信封

Coffee昨日原定返電視城，向無綫製作資源部總監樂易玲解畫及接大信封，但她以病為由，未有現身。樂易玲說：「早上10時許仍未收到她的電話，同事致電給她，其家人說她病倒不適，不方便起身接聽。她3小時後親自打電話來，希望休息幾日後再約返公司，她也多謝公司諒解。」問到解僱Coffee的決定有無更改？樂易玲說：「內部有共識，要先見面聽她說一次。有無轉彎餘地？毋須推斷，等她講完才算。今次事件較嚴重，要維護公司及藝人形象，有些事不能輕手。」

至於Coffee是否首個因品行而被解僱的藝人，樂易玲表示後生仔女總會犯錯，但要看是否真心改過，以前發生過終止合約的事，但不如今次引起大眾關注。提到周刊以Coffee與羅天宇親熱照做封面，樂易玲表示會了解，更謂：「啲相係私人相機拍，係邊個大家心知啦！」但未有表明是否召見羅天宇。

至於羅天宇則於電話訪問時，直認雙方4、5年前拍過拖：「啲相係佢影，我冇呢個習慣，佢話畀朋友出賣，呢幾年專注工作，唔想因此影響力形像，亦唔會有更激嘅相流出。」