星二代排着隊入行，連劉家良遺孀翁靜晶大女兒劉萬儀都出來行騷，就知星二代吃香，但數到最令人期待的一定是前無綫花旦龔慈恩14歲女林愷鈴（Ashley）。

不只有媽咪靚樣，還好有才華。除了朗誦由細玩到大，成日攞獎外，龔慈恩仲話個女鋼琴6級、亦玩聲樂，名副其實才女。日日唔係練聲就練琴，時間密麻麻，唔擔心個女會拍拖。龔慈恩話：「佢真係冇時間，同埋太細喇，佢自己都明白。」咁靚女大個唔驚冇人追啦。

林愷鈴媽媽係龔慈恩，爸爸係台灣藝人林煒，但龔慈恩就話個女冇講過想入行，她說：「佢好鍾意畫畫，佢話想做建築師多啲，但佢啲數麻麻。」

唔少星二代今年入行，翁靜晶大女劉萬儀做樂基兒師妹，關禮傑女兒關楓馨亦出騷，但數到最 pure嘅一定係龔慈恩 14歲女林愷鈴 Ashley。未正式入行的 Ashley，最近跟媽咪出席活動，五呎五高，其清秀氣質有別其他星二代，原來獨有氣場係浸番嚟。

「佢面皮好薄」

台灣演員老公林煒多在大陸、台灣兩邊走，教仔全部交畀龔慈恩話晒事。

51歲龔慈恩對大女林愷鈴 Ashley悉心教導，由幼稚園開始，已培養佢對朗誦的興趣。龔慈恩說：「想佢學朗誦唔係為攞獎，係想佢學好 EQ同咬字。」林愷鈴小五時，曾為聖保羅學校贏得第 62屆香港學校朗誦節粵語詩詞獨誦優異獎，除咗朗誦外亦係音樂高手，本身 6級鋼琴亦學緊聲樂。對於網友讚佢 pure，媽咪龔慈恩話佢未必知，她說：「佢好少接觸娛樂新聞，佢偶像係 Adele！（佢有冇上高登？）我諗佢冇囉。」

林愷鈴有樣有才華，應該唔少人想簽，不過龔慈恩唔心急做星媽，「佢o依家係讀書階段，唔影響佢學業情況下可以感受一吓，但一定要完成大學先。（咁靚女有冇男仔追？）其實佢冇時間，同埋佢太細喇，佢自己都明白，加上佢面皮好薄，少少 teasing下佢都唔得！」真係純情。

林愷鈴最近跟媽咪龔慈恩出騷，以為佢好快入行，原來只係畀佢試下啫，龔慈恩說：「佢會以學業為重，入唔入行等佢讀完大學先。」

雖然林愷鈴未入行，但同媽咪一齊接受訪問都冇怯場，表現淡定。

林愷鈴特別的朗誦技巧，由幼稚園開始已培養，小五時仲代表聖保羅學校參賽，攞埋粵語詩詞獨誦優異獎， YouTube仲有片睇?。

林愷鈴絕對有潛質做星，不過龔慈恩最想女兒讀好大學先。她說：「我哋o依家成日都傾緊喺香港定係外國讀大學好。」

左起：林卓毅 11歲、林愷鈴 14歲
龔慈恩經常同兩子女一齊，微博經常放兒女合照。她說：「佢哋開始大喇，唔可以管得太緊，要畀空間佢哋。」

龔慈恩覺得朗誦學到 EQ同埋認識到中國文化，兒子及女兒都有玩朗誦。她說：「個仔似足老豆，鍾意運動多啲。」