31歲的黃智雯出名有演技， 12年憑「關二嫂」一角嬴到無綫「飛躍進步女藝員」獎，之後更劇接劇沒停手。週日（17日）播出的《飛虎II》同巨胸羅仲謙鬥晒胸，34C黃智雯不只演得，還好有看頭！原屬無綫戲劇製作總監梁家樹黨的黃智雯，雖則在梁家樹走之前，她已率先「過底」到另一戲劇製作總監曾勵珍（珍姐）旗下，但「過底」後拍的《師奶Madam》，有個非戲劇製作總監余詠珊愛將黃翠如做女一，新戲《張保仔》更慘被遲7年出道的新人港姐陳凱琳騎住，由以往女二降呢變女四。明明有料到都要做阿四，好在演藝學院畢業的黃智雯周身刀，近日同師兄師姐自拍的跳舞片勁多正評，加上識得着bra top騷靚 body，隨時大把廣告送上門呀！
雖然 bra top唔算暴露，但足以展現黃智雯 34C魔鬼身材。
07年出道的黃智雯，由「鵪鶉妹」、「關二嫂」到《飛虎》系列的「蘇文強」，幾乎全部角色都硬淨強悍，估唔到原來亦相當跳得，有演技之餘仲有舞技。
Bra Top上陣
在演藝學院主修舞蹈的黃智雯，精通中國舞及現代舞，現時亦有在容祖兒御用排舞師 High King旗下的跳舞學校繼續進修，放長假又會到紐約等地學跳舞，絕對係圈中的隱形舞后。
最近黃智雯在微博放了兩條自拍片，比以往的美拍跳舞短片更吸引。其中一條只得15秒的片段中，黃智雯着上性感bra top，同演藝一班師姐師妹大跳K-pop辣舞，激罕34C靚 body任睇；另一條向偶像 MJ致敬的 4分幾鐘長片，則勁騷舞功，跳得比專業 dancer更有美感，而且跟螢幕上的男仔頭形象非常大出入，原來女飛虎都有女性化一面。
節奏感強的黃智雯，跳得比專業舞蹈員更有板有眼。
呢個夾胸動作都幾大膽！
呢條自拍舞片甚有《 Chicago》影子， sexy得嚟唔鹹濕！
嘉欣 BB一齊跳
黃智雯圈中人緣非常好，除了同屆港姐王君馨外，與胡杏兒、胡定欣、姚子羚及胡蓓蔚等組成「胡說八道會」，成班姐仔唔使開工，即約埋行山 high tea，今年初又一齊飛首爾旅行， friend到爆！
除了一班好姊妹，連鍾嘉欣都有興趣跟黃智雯拍跳舞片，仲分分鐘自己落手落腳編埋舞，女神變舞后。繼 MJ同 bra辣舞，黃智雯大有機會同圈中舞林高手齊齊跳，特別係有跳舞底的胡定欣同王君馨，齊齊拍片自娛兼谷人氣！
MJ致敬舞
除咗性感，黃智雯學偶像 MJ跳舞時亦入型入格，而且條片長達 4分幾鐘，又有晒劇情，似足一部微電影咁認真！
片中另外兩位 dancer，係黃智雯讀演藝時的師兄，同樣跳得！除咗呢兩條片，黃智雯一直有將自己的跳舞片段放上網俾粉絲欣賞。
網上圖片
呢條 MJ致敬片，無論監製、編舞同概念，都由黃智雯一手包辦，絕對唔係 hea住做。
黃智雯的日籍跳舞老師 Haruna，亦有教薛凱琪跳舞。
《飛虎Ⅱ》飛bra
上週日（ 16日）播出的《飛虎Ⅱ》，黃智雯要剝衫露事業線，仲要同巨胸謙又擒又咀，搏到盡！
電視圖片
堅咀
電視圖片
新劇變女四
黃智雯 07年選港姐殺入最後 5強，輸俾張嘉兒、王君馨同周美欣，但發展比冠亞季軍更好，出道 7年拍過 30套劇， 09年已在《巴不得爸爸》做女配角， 12年更憑《缺宅男女》「關二嫂」一角嬴「飛躍進步女藝員」，其後又在《On Call 36小時》做女二，戲份僅次於楊怡。
形勢大好，點知梁家樹今年突然劈炮，令屬於梁黨的黃智雯慘變孤兒仔，投靠珍姐後又冇大發圍，先在《師奶 Madam》被余詠珊愛將黃翠如騎劫女一地位，現時拍攝中的《張保仔》，黃智雯又被新人、 13年港姐冠軍陳凱琳爭嬴做主角，由女二降呢做女四，排名比邵美琪、姚子羚更低，連海報都唔見樣！同期拍檔羅仲謙、梁烈維就升晒呢做男一，週一（17日）記者致電黃智雯是否寧靠自己莫靠無綫捧，但她禮貌地拒絕受訪，「唔好意思，我唔回應啦！」
董事男友
去年 7月，黃智雯被影到同謝瑞麟珠寶副董事詹文天去山頂撐枱腳，之後仲一齊返回男方的跑馬地寓所。
無綫多舞女
無綫演員臥虎藏龍，大把女藝人係舞林高手，唔拍劇轉行跳舞都一定掂呀！
徐子珊 Hip Hop、 Jazz4歲學芭蕾舞， 11歲時右腳踝受傷被迫放棄，轉跳 Hip Hop和 Jazz。
陳法拉 孔雀舞母親擁有舞蹈學校， 03年憑出色舞藝奪得全美亞裔小姐冠軍。
朱晨麗 芭蕾舞、拉丁舞4歲學拉丁舞、 6歲學中國舞， 16歲考入演藝主修芭蕾舞。
黃智雯 中國舞、現代舞小五開始學舞，在演藝主修「音樂劇舞」，副修中國舞、現代舞。
王君馨 Hip Hop擅長 Hip Hop的王君馨， 15歲時曾在紐約教失明人士跳舞。
胡定欣 中國舞自幼練中國舞的胡定欣，曾於《舞動奇跡第二季》得季軍。
視頻：黃智雯bra辣舞