43歲童顏張智霖（ Chilam）去年憑《衝上雲霄 II》 cool魔一角翻 hit，加上以 5千萬賣身俾蕭定一係威係勢，今時今日講句嘢都有力啲！
14年前經典劇《十月初五的月光》，今年落實開拍電影版，主角初哥哥（張智霖）和祝君好（佘詩曼）鐵腳走唔甩，上月 8日正式開鏡，可惜拍唔到半日， Chilam下令叫停，捉埋佘詩曼和導演兼編劇葉念琛入房密斟並要求改劇本，據知劇本一改再改，最新消息指要明年 3月至埋到尾！年尾流流阻住佘姐接騷搵錢， Chilam好大膽喎！

00年一套《十月初五的月光》收視最高去到 46點超經典。如今《十月初五的月光》拍電影版，都算叫人期待。

葉念琛在 10月已將劇本分派畀各演員，佘詩曼收到時個樣都似係滿意喎！網上圖片

上月 8日一眾演員相約在澳門一卡拉 OK拍第一場戲，但拍完 3個 take就俾 Chilam嗌停。網上圖片

Chilam要求葉念琛改劇本，葉念琛聽話改完即約 Chilam出嚟面對面傾，再 po番張合照上微博。戲，梗係要做足嘅。網上圖片

14年前的阿佘同 Chilam冇乜變，最恐怖連家燕姐都一樣樣。

拍到農曆年

《十》片中秋節開始寫劇本，本於上月 8日正式第一日開工，原以為舊班底大家都有默契會順順利利，可惜今時唔同往日的 Chilam卻即日發難，嫌導演對角色不了解，劇本親熱鏡頭又太多，要求葉念琛在兩個星期內改好劇本。

導演和演員溝通後對劇本作出更改絕對平常，其他組繼續開拍，編劇專心改劇本唔阻進度，但今次 Chilam一句即令全部演員齊齊停工齋等，首當其衝佘詩曼應該影響最大。據知原安排 11月開始拍的《十》片會於年底煞科，但現電影需要拍至過完農曆新年，隨時阻住阿佘喺黃金搵錢檔期掘金。

週日（ 23日）有份參與《十》片的唐文龍向直認電影或需拍至過年，「劇本係需要調整，到o依家都未收到新劇本。據知部戲要拍到過咗農曆年，甚至係 3月，我係有接到工作嘅，不過劇組方面都好願意去配合，呢啲係無辦法預料嘅困難，o依家都商量緊去就番個期。不過劇本調整都係好事，就算要等都係值得！」

而老闆蕭定一週一（ 24日）就對電影一延再延回應說：「絕對無咁嘅事，因為我哋接咗個綜藝節目，所以 26至 30號就要去韓國，要 30號先返嚟，所以咪要 3號先開到工囉！劇本已經改好咗好耐?喇。」咩原因係其次，阻人搵食大件事呀！

和 Chilam年紀相若的唐文龍當年和 Chilam都算傾得埋，只係後嚟一個北上、一個留港發展至少咗聯絡。

原安排於月中埋位的唐文龍，提早結束美國探親之旅，可惜返港後至得悉埋位日期一改再改。

每年新年都係演員搵錢好時機，剛於上周去大馬攞完女主角獎的阿佘，今年因為要為《十》片埋位，無奈放棄年尾搵錢黃金機會。

除了佘詩曼，原安排 Chrissie和 Chilam合作新戲《千億惡魔愛上我》早於 8月開鏡，但 Chilam要拍《十月初五的月光》和國內綜藝節目，《千》片無了期延期。