胡杏兒自從三年前同黃宗澤分手之後，戀情一直未有着落，去年初失驚無神喺微博貼了張「我找到了」的相，誰知當中男主角是「玩嘢王」李思捷，「虛驚」一場，之後就同女助手傳出同性戀情，但杏兒當然否認。而到最近，杏兒一時就收花，一時就貼幾米的散文，這麼風騒，原來是感情有着落！

今日有雜誌報道，去年12月30日，杏兒現身一個私人慈善派對Ball，但身旁未見助手或經理人，只有一名男伴，而杏兒更全程好似跟得女友一樣陪着男伴，她還着到身光頸靚示人，靚過出席台慶，而這位型男原來就是金融才俊兼夜場老闆Phil。

杏兒新歡Phil來頭都好勁，除了是金融才俊外，亦是夜場PLAY老闆，有型有款財力雄厚，之前Phil還同李詩韻拍拖一年，舊年又傳與華姐張曦雯撻着。

雜誌打電話給Phil，問到他是不是同杏兒拍拖，他例牌否認說：「邊個話我哋拍拖呀？我哋一齊去ball啫，個個都係朋友，我都唔係好慣，唔想講咁多。」

而杏兒12月31日出席倒數活動時，坦言目前與圈外朋友了解中，因經常被狗仔隊跟，所以只靠傳短訊。近期她忙於到廣州拍真人騷，她笑言是辛苦錢，拍攝搞到周身傷。

FACE圖片

胡杏兒早前出席倒數活動自爆與圈外男了解中

胡杏兒男友Phil原來就是李詩韻舊愛