再瘦10磅 乜肌都齊 黃宗澤變爆肌男

掀起「操肌」潮,影帝張家輝之後,最近連細細粒嘅林子善都成功搣甩肥膏變肌男,man爆!

肌男旋風陸續出現,最近例子係一向官仔骨骨嘅黃宗澤(Bosco),為咗孭飛嘅內地劇集,搵咗大隻港男陳志健做軍師教練,減咗10磅又操足 3個月時間,最終胸肌、腹肌、背肌,乜肌都有齊,仲開心「些牙」六嚿朱古力成果,粉絲睇見個個都嗌晒救命!

新肌男 再瘦10磅 乜肌都齊 黃宗澤:好滿意自己個body
要成功練出一副靚「 body」,每一個步驟都係有血有汗,睇吓 Bosco個表情就知有幾辛苦!

新肌男 再瘦10磅 乜肌都齊 黃宗澤:好滿意自己個body
辛辛苦苦練到胸肌、腹肌、背肌,乜肌都齊晒, Bosco梗係要第一時間同粉絲開心「些牙」!網上圖片

Bosco入行以來都係一副瘦削身形,前年為咗代言廣告加操,搣走多餘脂肪,不過肌肉線條始終唔明顯同結實,相反今鋪就嚴陣以待,特登搵埋星級教練陳志健操刀,操出一副乜肌都有齊嘅「 body」,估唔到咁大隻喎!

戒晒油鹽糖

雖然 Bosco搞餐廳又做埋紅酒代購生意,不過同一時間都兼顧到老本行演藝事業,最近頻頻北上發展,劇集一套接一套,喺最新孭飛劇《偏偏喜歡你》中有半裸晒肌戲份, Bosco前後操足 3個月,每次練足 3個鐘,啞鈴、橡筋帶、健身機械器材統統狂練,仲戒埋油、鹽、糖,只食雞胸肉,最後減走 10磅。

教練陳志健都大讚:「佢好辛苦?!因為佢要周圍飛,每次返到香港就要操練兩至三個鐘,仲要食雞胸為主。」至於新一代「肌」男 Bosco就話:「今次真係堅辛苦,返唔到香港,都叫教練拍 video俾我參考,自己喺酒店健身室練,o依家好滿意自己個 body,希望 keep到啦。」

新肌男 再瘦10磅 乜肌都齊 黃宗澤:好滿意自己個body
做完橡膠帶練背肌, Bosco接住又玩健腹滾輪練腹肌,真係操足 2個鐘?!
新肌男 再瘦10磅 乜肌都齊 黃宗澤:好滿意自己個body
Bosco呢個爆肌 look,相信男女都會睇到 O晒嘴!
新肌男 再瘦10磅 乜肌都齊 黃宗澤:好滿意自己個body
背肌勁靚
每一個訓練, Bosco都嚴陣以待,仲叫陳志健拍埋片檢討,呢個背肌唔講得笑呀!
新肌男 再瘦10磅 乜肌都齊 黃宗澤:好滿意自己個body
前年, Bosco為代言廣告修身,雖然身體已冇多餘脂肪,不過肌肉線條未算顯眼。
新肌男 再瘦10磅 乜肌都齊 黃宗澤:好滿意自己個body
03年, Bosco拍攝劇集《戀愛自由式》時有半裸晒肌,不過就明顯唔夠實淨,個肚腩仔仲未變腹肌!

每餐都要西柚

對住少油、鹽、糖,白烚肉類為主嘅餐單, Bosco可謂食之無味,不過見到咁好成果,忍吓口,乜都抵番啦!

早餐
半個西柚(可榨汁)無糖
2隻雞蛋
2塊煙肉

午餐
半個西柚(可榨汁)無糖
菜+白烚肉

晚餐
半個西柚(可榨汁)無糖
菜+白烚肉,魚類為佳
如需要:每餐只可飲一杯齋啡或淡茶
小食:一杯蓄茄汁或脫脂奶

教練仲好搵

藝人除咗靠拍戲搵到錢外,仲可以利用副業開拓「錢」途,收費仲可以有幾倍升幅,和味過和味龍?!

新肌男 再瘦10磅 乜肌都齊 黃宗澤:好滿意自己個body
Otto
港男健力組冠軍嘅陳志健( Otto),本身鍾情健身操肌,自己副靚「 body」仲係生招牌, Bosco要變做肌男,梗係搵 Otto啦!

「向西仔」張建聲做完大肥佬,拍罷《壹獄壹世界:高登闊少踎監日記》後,都係搵 Otto修身減肥。資深歌手胡渭康都係 Otto其中一個學生。