吳鎮宇、陳法拉、周秀娜同徐子珊今日為一間連鎖化妝品店銅鑼灣分店開幕，擔任剪綵嘉賓，現場嘉實眾多，何超盈同閏蜜林愛兒父親林建岳亦都有到場。

三位剪綵女嘉賓都性感登場，周秀娜以性感以tube dress露事業線，而TVB花旦陳法拉及徐子珊都不約而同以露背裝出現。

法拉接受訪問時，笑言多得《衝上雲霄II》而接多咗工作，佢話：「導演話拍呢套劇嘅演員發晒達，依家工作多咗補返之前放假冇收入。」似乎豬籠入水咁喎!有傳陳慧琳經理人鍾珍同曾志偉分別希望簽佢做旗下藝人，法拉話：「唔知點解咁傳，兩位都係前輩，但我都係想完成手上工作至決定。」

TVB新劇《神鎗狙擊》播緊，不過呢套劇又開始俾網民話「膠」，同埋好多場面好假，好似噚日天華單手攀石聽電話，同埋之前子珊著晒5吋高踭鞋加低胸裝去捉賊，子珊就咁樣回應：「好多場面都係親身上陣，好似跳橋已經整瘀隻腳。追賊仲着高踭鞋，係因為我矮同劇嘅人又高，我唔想變哈比人。」咁….咪唔專業囉。

兩位美女同樣露背。

子珊就露得徹底啲。

輕撥秀髮

楊愛瑾

何超盈

淺粉紅好襯法拉

娜姐冇睇《衝II》認Out 自薦做o靚坤嫂

最近TVB大熱劇集《衝上雲霄II》結局，周秀娜就自言係大鄉里，因為喺內地拍劇未有收睇《衝II》，佢話：「你可以話我out，鎮宇畀我感覺仲停留喺o靚坤年代，其實我可以做o靚坤嫂，因為我把聲都似o靚坤。」

而「o靚坤」吳鎮宇就自言有買一啲木珠手鏈獎勵自己，而且有投資價值，佢仲話假如唔係老婆對每件投資都有意見，佢今日應該已經成為富豪，佢話：「好多之前睇中嘅嘢都升晒值，有啲仲入埋博物館，我夠狠老婆就慢。」

娜姐今日以高貴大方為主。

鎮宇話自己投資唔係俾太太阻止，已經做咗富豪。