怪風來襲 范冰冰康城海邊春光乍洩

范冰冰很忙!第66屆康城影展法國時間15號開幕,雖然今年冰冰有小小失手,未能搶盡風頭,不過法國時間昨晚開始佢就馬不停蹄,先出席品牌頒獎禮,以一套同張雨綺有9成似嘅Deep V長裙現身挑機,算係打個平手。

不過之後佢又同成龍連走兩場,先喺遊艇攬到成龍實一實,連體嬰咁影相,後來又去咗海邊,都係為佢兩個主演嘅合拍片《Skiptrace》宣傳,冰冰特別著上好有假日風情嘅格仔裙亮相,不過現場好鬼大風,冰冰一直就要扮已故性感女神瑪麗蓮夢露(Marilyn Monroe)嘅經典動作,彎腰按住裙襬。

不過當成龍想踩上石級之際,竟然嚟咗一陣怪風,就係咁,吹起咗冰冰條裙,令佢春光乍洩,露出充滿鄉土氣息嘅肉色三角內褲,呢一刻就被台灣《蘋果日報》獨家拍到。

對於走光,冰冰覺得有點醜怪,仲開玩笑話:「我要告訴他(裙子設計師),都是他的裙子太輕了,害我走光。」

談到新戲,兩人有無深情戲份?成龍笑說:「佢喺戲入面係我侄女!今次佢(指范冰冰)打,我演戲!」新戲投資額為3,500萬美元(約港幣二億七千多萬)會在西伯尼亞、美國等地取景,成龍直言因想拍出中國味,故影片亦會在中、港多地取景。

怪風來襲 范冰冰康城海邊春光乍洩
oh…Some like it hot…

怪風來襲 范冰冰康城海邊春光乍洩
兩位男士都驚驚哋….

怪風來襲 范冰冰康城海邊春光乍洩
哎呀!