王菲李亞鵬為「愛」離婚 中秋「復合」慶團圓

王菲主動提出離婚

王菲同李亞鵬上周五離婚,王菲在微博留言:「這一世,夫妻緣盡至此!」正式結束菲鵬八年夫妻情。

離婚既成事實,王菲當日在烏魯木齊辦妥離婚手續後,漏夜返抵北京,佢當時戴住口罩,雙眼通紅,表現傷感。而菲鵬離婚後,傳聞就滿天飛,有傳李亞鵬花心﹑又傳阿菲婆媳不和﹑近日更有指菲鵬因為錢銀問題,致令婚姻現裂痕。

3週刊 第728期:小三多 醋周迅 年使二千萬 李亞鵬搾乾王菲竇唯搏復合

今日有報道指在2009年,李亞鵬因搞製作公司及夜店蝕大錢,而他見到王菲兩年前復出後,即勁賺超過兩億元,就再叫阿菲拿出一億投資,搞地產生意,貪得無厭的李亞鵬終於令阿菲死心,她單方面入紙申請離婚,趕走一個貪錢的老公,阿菲又跟前男友謝霆鋒再次聯絡,二人都經歷過離婚,說起話來更投契,繼續做好朋友。

亦有報道指,早前周迅和謝霆鋒傳出緋聞,曾和周迅有過一段情的李亞鵬,竟然大吃乾醋,令王菲甚為無癮。另外,王菲亦一直與前夫竇唯的妹妹竇穎及堂弟竇鵬關係良好,如今王菲離婚,據知竇唯亦有意再續前緣,關係錯綜複雜!

王菲返京後,連日來都冇蒲頭,僅在微博轉發留言同讚,不過今午王菲再度更新微博,就近日傳聞逐一回應,佢強調離婚同第三者無關,是和平分手,以及感謝前夫李亞鵬理智包容,王菲話:「婚是我要離的,沒有第三者,沒有婆媳不和,不牽扯財務問題,不是悲劇狗血劇,和平分手,換一種方式相處,對孩子來說,我們仍然是一家人,謝謝@一号立井(即李亞鵬)用愛和理智包容這一切,感恩 p.s支持@嫣然天使基金不會停(心心符號)內什麼,不會出家。」

王菲李亞鵬為「愛」離婚 中秋節「復合」慶團圓

李亞鵬:永遠愛王菲

李亞鵬亦轉發微博作出回應:「孩兒她娘,內什麼,永遠愛你!」

王菲李亞鵬為「愛」離婚 中秋節「復合」慶團圓

離婚導火線係謝霆鋒一封信?

菲鵬上星期離婚至今,已經出現多個版本,有指王菲頂唔順李亞鵬成日拈花惹草,又話李亞鵬使咗佢成億身家….等等等等。

今日就有台灣媒體有個更爆嘅版本,話係王菲舊愛謝霆鋒3個月前叫朋友轉交一封信俾王菲,不過王菲就拒收,點知菲鵬嘅朋友就好好奇,就打開咗封信嚟睇,就見到內容係話霆鋒希望同王菲恢復聯絡同和好如初。

而且,其中一個睇過封信嘅朋友,竟然走去話比李亞鵬知,搞到李亞鵬醋意大發,走去質問老婆王菲,最後兩個人嘈咗一輪。報道又話佢兩個其實三年前已經首度講離婚,不過顧及細女李嫣,兩個人就暫時忍住。

不過,呢個「故事」其實有好多唔合理嘅地方,首先依家科技先進,點解霆鋒唔直接搵王菲的電郵/What’s app/微信,而係兜咁大個圈,寫封信,再托一個朋友交比王菲,而呢位朋友,應該都要同霆鋒王菲兩個都好親近,先有呢個機會。然後呢封霆鋒寫嘅信被拒收,理應會返番去霆鋒朋友手上,咁「菲鵬」友人又如何拎到呢封信,睇完之後又話番比李亞鵬知呢?今次真係信不信由你啦。