黃金視窗:黃日華、苗僑偉雙虎噬娘親

無綫五虎出身的黃日華重返娘家,與三哥苗僑偉合演台慶劇《刑警》,他以低於 9年前的縮水酬勞、面對制度下造成的資源及人手不足,他只是自我調節學會接受;豈料《刑警》出街後被冷待,在台慶冇聲又冇影,兩虎終極谷爆成為噴火雙雄。三哥直言心內一直抱不平,例如無綫早早就應該發掘原創,咪一味重拍金庸名著及歷史劇;華仔則謂無綫因沒對手而放鬆,論人工更奀到不足維生。愛之深,恨之切,兩虎發火有因,娘親,你明冇? 撰文:朱倬誼

在發生鬧無綫「 Totally Very Bad」前,日前黃日華和苗僑偉曾在尖沙嘴接受本報專訪, hea慣的華仔已是連續第 N日接受訪問,當時他還笑說:「我呢幾日做嘅嘢,等如幾年做嘅嘢。」他自動波宣傳,逕自駕車自備衣服還帶助手同行,樣樣做足,結果《刑警》卻在台慶冇聲冇影,又難怪他㷫。

黃日華(右)和苗僑偉為谷《刑警》,連日自動波四圍碌瞓身宣傳,反而娘親 TVB一度愛理不理,難怪兩虎被辣㷫。br/攝影:林德雄 場地:馬哥孛羅香港酒店 部份服裝提供: Club Monaco

黃日華(右)和苗僑偉為谷《刑警》,連日自動波四圍碌瞓身宣傳,反而娘親 TVB一度愛理不理,難怪兩虎被辣㷫。
攝影:林德雄 場地:馬哥孛羅香港酒店 部份服裝提供: Club Monaco

返無綫嘆冷清

三哥(右)和華仔合演的《刑警》收視及口碑不俗,兩人對立好戲在後頭。 劇照

三哥(右)和華仔合演的《刑警》收視及口碑不俗,兩人對立好戲在後頭。 劇照

訪問當日華仔提到重返娘家拍《刑警》時,形容初時感覺很新奇,「再返嚟好有新鮮感,地方唔同人又唔同,要慢慢熟習環境,以前喺清水灣熱鬧好多,家分散晒部門,有啲幾冷清清啲感覺。」劇中他的動作場面不多,他直說:「可能 budget問題,唔會好似以前咁大陣仗,有幾十個武師,呢個戲都係簡單動作,最犀利係有場爬竹棚戲同埋王浩信飛車。」
有噴火華之稱的華仔,開工時卻未有,他笑說:「冇得 o架,因為公司制度搞到唔夠人手先遲開廠,人哋做緊嘢你仲鬧人快啲呀?冇得催,人哋都想好,了解咗環境就唔會 o架啦。」三哥一旦聞到噴火華的火藥味,就會即時為他降火,「紓緩吓情緒咪整多兩杯奶茶畀佢囉。」
其實早幾年華仔都試過 TVB,嬲娘親不求進,劇本搞不好,拍攝街景如一,結果被中、台製作趕過頭,華仔說:「當然啦,我無綫出嚟 o架。因為 TVB冇對手,放鬆咗,公司又上咗市。今次返嚟我都唔諗呢啲喇,我應承過三哥係幫手拍戲,其他嘢唔係我控制到亦唔需要我控制。」三哥則說:「咁多年嚟,呢啲嘢喺心裏面抱不平,奈何控制唔到,既然係咁不如安守本份。」

直指 TVB人工奀

年逾 50的三哥型佬依然,全因心境夠 young。

年逾 50的三哥型佬依然,全因心境夠 young。

若然 TVB份糧夠維生,安份守己被綁也甘心,問題是無綫向被指人工奀,華仔也說:「到家 TVB嗰份都不夠維生 o架。」昔日華仔和鄭少秋在無綫出名人工高,今次華仔卻說:「我邊度人工高?我拍《刑警》冇講過價錢,我做就做,當開心價囉。」他對上一次拍劇是 9年前的《蕭十一郎》,難道今回拍劇反通脹?「當然會啦,我停咗咁多年,演員係海鮮價,話晒我都冇做 9年啦,所以如果我為咗錢,一定唔會拍。」華仔和三哥不排除將來再合作,異口同聲古裝咪搞,華仔解釋:「唔係唔想拍,我驚體力應付唔到。」三哥更一語道破無綫難製作經典古裝劇:「 TVB現有嘅環境、資源、劇本,拍唔到以前嘅經典嘢。古裝劇本要拍嘅都拍晒,金庸、三國、歷史劇重拍重拍又重拍,你話古裝題材窄得幾緊要,要創造自己嘅古仔,歷史劇同金庸經典劇唔好再拍啦。古裝喺內地拍最好,人力物力充足,景又靚, TVB開古裝一係街景(古裝街)一係荔枝園,都冇靚場景畀我哋 enjoy。」
TVB壟斷電視業 40年,明年政府發免費電視台牌照,對於新世紀電視大戰,華仔相信是好事,「新景象會有,但要轉變家嘅環境要好長時間,無綫都 40幾年,根基咁犀利,要睇新嘅電視台目標同做法點。我覺得都係好事,有競爭先有進步。」

鬧亞視唔爭氣

三哥就另有看法:「簽合約你情我願,你想做 TVB咪做囉,有啲滿約會離開或者去亞視,奈何亞視唔爭氣,轉咗咁多個老闆,個個都賴咗一大鑊走,出晒血嘅。 TVB唔係專登壟斷,而係觀眾冇嘢選擇,呢個係歷史性遺留問題,同埋香港人慣性睇電視就會睇無綫。」
三哥續說:「無綫簽基本藝員,亦係養活一班藝員,起碼有基本收入,如果香港好似台灣內地咁冇簽基本藝員, TVB好多藝員冇嘢撈 o架喇,當然唔好睇一線嗰班,睇三四線嗰班。其實好公平,唔想撈嘅你咪唔好簽 TVB,但如果有能力出去搵食,走咗啦!願打亦願捱。事實上 TVB出緊份人工畀藝員,點可能畀你上亞視、有線?呢個唔係壟斷,係合約精神。」

黃日華甘做乖女阿四

華仔甘願為寶貝女芷晴做阿四,經常做柴可夫接載女兒出入。 資料圖片

華仔甘願為寶貝女芷晴做阿四,經常做柴可夫接載女兒出入。 資料圖片

在父母心目中,兒女永遠都長不大。黃日華近年淡出幕前,偶爾去內地拍廣告、夥張兆輝開「輝黃演唱會」,夠使夠食夠生活算。閒時弄盆栽、踢波,還有,湊女。為 21歲的寶貝女芷晴做司機,華仔說:「咪係,幾好呀。」他笑得開懷,有女萬事足五粒字刻額頭。靖哥哥武功蓋世, Stone Sir威武逼人,笑華仔咪又係做囡囡阿四,他甘之如飴:「我哋嗰個年代乜都冇,家梗係想仔女開心,呢個係社會性錯誤,唔關佢哋事。」

華仔樂於以縮水價出山拍劇,但無綫冷待劇集,完全愛之深、恨之切。

華仔樂於以縮水價出山拍劇,但無綫冷待劇集,完全愛之深、恨之切。

三哥和三嫂所育的大女苗彤和幼子苗俊,現俱於加國留學。 資料圖片

三哥和三嫂所育的大女苗彤和幼子苗俊,現俱於加國留學。 資料圖片

劇集上成女兒偶像

樣貌似足媽咪梁潔華的芷晴被封理大校花,華仔咪咪笑:「一般啦。」有仔媾吧?「正常吖,係驚佢冇啫。」芷晴拍拖未?「應該有。都 20歲,冇就真係危險。」華仔會否要求女兒帶男友見家長?他笑說:「冇,識諗 o架啦。」在旁三哥笑他:「我成日話你個女咁靚,唔好一個男朋友,搵多幾個男朋友揀吓。」
芷晴迷過棒棒堂,曾在紅館台上跟王子抱抱,現在是否依然情迷,華仔倒一臉茫然:「轉得好快,唔知呀。」三哥卻笑道:「佢個女最新偶像咪 Stone Sir囉。」華仔超冧,「第一集《刑警》播完,我第一個接嘅電話就係個女:『老竇,掂呀!勁呀!』好開心,哈哈!」
芷晴愛演舞台劇,如果女兒入行,華仔也無所謂,「讀埋呢幾年書自己揸主意,但我唔會全力幫佢行呢條路,我唔想佢孭住黃日華個女嘅名,對佢唔公平。」

三哥心痛女兒被影

52歲的三哥和戚美珍育有兩名子女,大女苗彤 19歲,次子苗俊 17歲,都在加拿大留學。苗彤三點式照被公開,問三哥有否心痛,他無奈:「梗有啦,但冇法。佢哋都好小心唔將啲相放喺 facebook,奈何啲朋友將啲相放上網,咁先死。我又唔係唔知佢去沙灘,咪影嚟影去都係沙灘三點式,我覺得又如何,小朋友啲私生活傳媒無謂搞啦。」