薛凱琪今日在澳門行婚紗騷，被問到行騷時心中想着誰？她說：「婚紗裏面很有愛，所以即使沒有另一半都好有期待的感覺。其實我已準備好拍拖，可惜未有人追，日日開工對着助手真的很dry（枯燥），媽媽更懷疑家裏風水有問題，因為見我搬了3年都沒拍拖，想擺桃花陣幫我催姻緣，但礙於我有信仰，還是交由天安排。」

薛凱琪自言已準備好拍拖，惟未有人追。

薛凱琪首次行婚紗騷，戴上價值65萬的鑽石頭飾，以露背婚紗現身，可惜都係不敵其他透視、低胸嘅女模性感。

雖然鬥性感輸咗，但Fiona心情大靚，全程笑容滿面，佢話：「我都控制唔到自己個笑容，婚紗嘅感覺好奇妙，因為充滿愛。」行騷有冇諗起邊個？Fiona謂：「冇，不過冇對象都好喜悅、好期待、好開心。」

至於行騷時有冇恨嫁衝動？Fiona笑言行騷同做戲差唔多：「而家返到現實，又要變返女強人，不過我已經ready好拍拖，只係冇追求者，日日對住助手好dry。」Fiona講到咁白，各位男士收到未呀?

靚靚Fiona。

笑容甜美。

但佢話冇人追

邊個錫Fiona?鄧達智!