重口味娛樂:港男畸行死不鳥 梓峰幫鼎爺梳頭

重口味娛樂:港男畸行死不鳥

英文名 Honda嘅肥仔港男 2號許鴻達,見減磅成功即喺網上晒泳褲肉照展雄風,但都係略嫌肉感。

英文名 Honda嘅肥仔港男 2號許鴻達,見減磅成功即喺網上晒泳褲肉照展雄風,但都係略嫌肉感。

無綫主辦嘅《香港先生選舉》聽日舉行,最標青嘅 10號李晉強一出閘就爛嘴爛臉脫腳扣分,餘下嘅奇人異士參賽者惟有出怪招突圍。

許鴻達喺微博張貼同沈卓盈嘅合照,但竟然留言話唔知身旁靚女係乜水,失敗。

許鴻達喺微博張貼同沈卓盈嘅合照,但竟然留言話唔知身旁靚女係乜水,失敗。

喺沙灘半裸嘅 12號林志勇玩 chok樣倒豎葱,佢仲似乎剃光腋毛。

喺沙灘半裸嘅 12號林志勇玩 chok樣倒豎葱,佢仲似乎剃光腋毛。

唔識沈卓盈

噚日喺官方人氣榜排包尾嘅失控小虎 12號林志勇,同排尾二嘅 2號許鴻達更加剝衫剝唔切,喺網上狂貼半裸照,以圖力挽狂瀾。
肥底嘅許鴻達減肥有成果現腹肌,即晒泳褲肉照,佢喺微博上載同高登女神沈卓盈嘅合照,附上留言係不知道沈卓盈是誰。想點?
至於已屆三張、任職救生員嘅林志勇有鋪狂烈剝衫癮,網上所貼嘅相九成唔着衫晒腹肌,一時喺室內對鏡自拍,一時又喺沙灘半裸玩 chok樣倒豎葱,網友負評鬧佢死仔包,佢頂住條氣留言反駁:「點解話我死仔包呀!」林志勇又當街露點同外籍舞蹈師合照,可惜撰文錯字連篇,仲差過小學雞,竟然嗌人哋做「師博(傅)」、又話「應(認)識了他」咁,貽笑大方!

3號黃建東攬女時,又釋放佢口中嘅獨特光芒。

3號黃建東攬女時,又釋放佢口中嘅獨特光芒。

5號江俊霖嘅 facebook收埋唔少同前女友嘅親密合照。

5號江俊霖嘅 facebook收埋唔少同前女友嘅親密合照。

鬥晒攬女相

5號江俊霖喺 facebook有唔少同女友一齊影嘅親密合照,嗜玩易服嘅 3號黃建東亦唔執輸有攬女照,佢喺網上表示,想喺決賽必殺技環節中主唱由佢作曲編曲嘅《為你祝願》,所以佢上載 YouTube嘅連結,等大家對佢嘅演出先睹為快,片中嘅佢染金毛自彈自唱,成個 look似足 MK陳豪,歌聲平平但慘樣無敵,佢仲強調會「把自己獨特的光芒釋放出來。」唔使釋放,單睇表面佢已經好獨特。撰文:辰秀

惡搞度+3 爆笑度+4 給力度+5

重口味娛樂:梓峰幫鼎爺梳頭

梓峰幫鼎爺梳頭
思琦妹狠撇癡心豪,又怒數李家十宗罪,搞到霸氣鼎爺鬼殺咁嘈,一輪嘴喪插思琦儍的嗎,成段訪問係咁「嘟」。忽然網上流言話「鄧梓峰幫鼎爺梳頭,場面溫馨」,辰秀忍唔住 click入去睇,差啲笑死冇命賠。原來係巴斯光年幫 Troll Doll梳頭嘅惡搞圖,角度校到啱啱好,仲有少少 gay味㖭!

惡搞度+4 爆笑度+5 給力度+4

鄧梓峰

鄧梓峰

李家鼎

李家鼎

重口味娛樂:海綿寶寶唱《唸你》

劉家昌個仔劉子千最近之所以紅爆網,皆因佢首千千闋歌《唸你》夠啜核""
劉家昌個仔劉子千最近之所以紅爆網,皆因佢首千千闋歌《唸你》夠啜核,夜闌人靜無限 loop簡直係享受,可惜老竇劉家昌拍 MV拍到唔知似乜,連累埋囝囝俾人圍插。不過大家以後唔使睇呢個 MV啦,因為有網民整咗個《海綿寶寶》版本,只見海綿寶寶揸住支咪七情上面咁唱《唸你》,口形同歌詞夾到無倫,問你死未!

惡搞度+3 爆笑度+4 給力度+2

重口味娛樂:《我沒創造》送 Mr.

重口味娛樂:《我沒創造》送 Mr.

「宇宙巨 band」 Mr.首可樂廣告歌《零時起哄》,俾人話似 The Postal Service首《 Such Great Heights》,點知譚詠麟開咪鬧班批評者係廢柴,辣㷫全村人。有網民已經去信可口可樂公司反映,但似乎未平息民怨,有人將 Beyond首《我是憤怒》改成《我沒創造》向 Mr.致敬。一向 EQ爆燈嘅 Mr.,唔知夠唔夠吉士唱埋出嚟呢?

惡搞度+5 爆笑度+3 給力度+4