等了十年，觀眾對無綫新劇《衝上雲霄II》期望很大，可幸收視甚理想，首4集平均收視超過30點，前晚播映第4集，平均收視31點，最高33點，演員的表現也成為焦點。前晚Captain Cool（張智霖飾）和唐亦琛（Sam吳鎮宇飾）兩大有型機師正面交鋒，之前鎮宇的頹廢look被張智霖比下去，前晚鎮宇飛機頭再現，即時成為觀眾話題，而Sam想起Zoe悲傷吃蛋糕一幕更令觀眾動容。

鎮宇爆有壓力

對於觀眾和網民大讚靚仔兼好戲，正在內地工作的鎮宇昨在電話說：「其實頹廢係刻意捉觀眾心理，o依家中咗好開心，都要多謝張智霖撐住。」至於吃蛋糕戲只拍側面沒正面，原來也有鋪排，鎮宇說：「唔拍正面係因為阿Sam隱藏咗大秘密，Zoe死時阿Sam唔喺身邊，我都唔知點演場戲，所以唔好拍正面。」

■胡杏兒飾演的Zoe離世後，Sam變得頹廢，幸最終重回機師行列。
電視圖片

■鎮宇的型仔機師飛機頭，令觀眾期待已久。
電視圖片

至於陳法拉的喊戲被批評流不出眼淚，鎮宇代說好話：「嗰場戲要趕時間轉地點，拍咗幾次法拉有喊，現場大風，眼淚易乾，對唔住都要收工，最後用咗呢個，只可以話觀眾咁都睇到瑕疵，感動唔一定有眼淚，Sam嗰場都冇。」對於收視35點，鎮宇坦言有壓力，希望有更佳成績回港慶功。

■林欣彤接受別人意見，希望下次更加進步。

此外，有讀者指海外版《衝上II》竟轉用陳奕迅的《歲月如歌》做主題曲，但無綫外事部副總監曾醒明表示查證過並沒此事，因劇集在海外同步播映，只是網民上載自製版本。除林子祥外，林欣彤唱的插曲也受批評，她昨在新城電台接受訪問時說：「大家鍾唔鍾意我控制唔到，有意見下次會進步。」