吳鎮宇和張智霖今晚自掏腰包宴請電視劇《衝上雲霄II》劇組吃飯。吳鎮宇對流淚情節演出備受讚賞，他直言觀眾滿意才是重要，還笑指自己是有收酬勞的，吳鎮宇還透露稍後播出一場與胡杏兒的10分鐘秘密情節，預告觀眾們要備毛巾欣賞，他還指胡杏兒和陳法拉的演出好。談到周潤發表明有追看《衝II》及有興趣拍攝《衝III》，吳鎮宇笑指周潤發若以TVB舊約的低酬金價接拍，那他便可在劇中命令對方工作。至於有傳《衝》劇電影版鬧雙胞，吳鎮宇直言兩邊也有傾談過，但最終決定會跟隨梁家樹的意向。

至於張智霖坦言希望劇集播畢也能保持熱潮，他也大讚吳鎮宇和胡杏兒的演出催淚，對內地有1點5億點擊率感高興，還指劇集影響力如海嘯般。至於《衝》劇電影版鬧雙胞，張智霖坦言一切要以條件為主。張智霖還表示因劇集關係引來不少傳媒追訪，讓他減少了跟兒子聚天倫，免兒子被攝入鏡，不過同時因劇集帶來不少有關航空工作機會，讓他開心不已。

點解唔記得阿Belle？ Sam哥親解：十年後無謂搞太多

吳鎮宇（Sam哥）同張智霖(Cool魔)今晚自掏腰包，喺將軍澳宴請《衝上雲霄II》一班幕後人員食飯。Chilam仲upload咗飯局相，老婆袁靚靚留言：「兩位點解可以有型得咁緊要？兩位為何那么得有型、帥啊？」

噚晚一集Sam借夏晨（胡杏兒）對耳，向亡妻蘇怡講「對唔住」，接着流出嘅一滴淚，觸動唔少觀眾心靈，鎮宇就話最重要大家鍾意。有指無綫同蕭定一都有意開拍《衝上》電影版，鎮宇直言會跟隨梁家樹。對周潤發話有興趣演第三輯(指定要演機艙嘅Captain)，鎮宇笑說：「最好佢用番舊合約，到時可點佢做嘢。」

但就被網民質疑，《衝上》第二輯話明係第一輯嘅延續，但係第一輯嘅人物，佢哋一句都冇提過，認為就算演員離開咗無綫，個角色都應該交代一下，例如，點解Vincent馬德鐘、阿Belle陳慧珊、Chris黃宗澤、Zita葉璇等，全部提都冇提過，好似喺宇宙中消失咗一樣。只係得唐生唐太(石修、韓馬利)有下落，就係靠吳卓羲一一句對白，話佢兩個去咗南太平洋一個島生活咁大把。有網民甚至話，鎮宇係咪已經忘記咗陳慧珊Belle喇？鎮宇只有一句話：「要問編劇，十年後無謂搞太多。」

《衝II》喺內地嘅點擊率都相當厲害，截至噚日為止，喺優酷土豆網嘅點擊率超過1.5億，張智霖話：「好犀利。」喺微博更話：「數據聽起來蠻嚇人！」佢直言工作己排到年尾，問屆時會唔會新舊經理人公司交接？佢口快快講：「係呀，到時先講啦。」佢又話因為多咗傳媒跟蹤，令佢同囝囝外出機會減少，只可睇電視，咁擔唔擔心囝囝睇到Cool魔咀女？Chilam就覺得冇所謂，又唔係吸毒同做壞事喎。

兩個都著得好young喎~

鎮宇對第一輯角色「被消失」唔評論太多。

Chilam話工作己排到年尾，嘩，一定賺到笑啦！

Cool魔潮著CMSS x NB996 炒價4千

吳鎮宇、張智霖（Chilam）今日出席《衝上雲霄II》飯局時，齊齊著New Balance（NB）藍色sneakers，當中Chilam那對是NB與余文樂的個人品牌COMMON SENSE（CMSS）合作推出的MRL996SY，上月推出不久，行貨價$1,399，現炒至逾4千。

而鎮宇的是上年推出的美製M574BOX，他之前也穿過同系列的啡色款，看來系列深得鎮宇歡心。

張智霖的MRL996SY超搶眼。

吳鎮宇一身潮Look，外套來自潮星最愛的Bape。

Sam哥劇透 預告Zoe之死唔簡單

前晚(8月1日)第14集《衝上雲霄II》，Sam哥流淚向Zoe/Summer(都係胡杏兒)道歉，之前仲以為Sam哥係因為Zoe離世時唔係喺佢身邊，所以內疚，想向Zoe尋求原諒，但原來，件事唔係咁簡單。

噚晚《衝上II》眾主角包括Sam哥、Captain Cool張智霖同江美儀等搞飯局，席上Sam哥爆料，原來成件事唔係咁簡單!

Sam哥話:「你以為咁就開咗古，其實唔係咁簡單，我都唔明啲編劇點解要寫啲咁嘅嘢，點解要食蛋糕、到見番機場(即Zoe向Holiday交代遺言、之後被送上白車嗰幕)，其實係……因為觀眾唔知前因後果，同埋一個大啲嘅秘密……同Zoe過去嘅幾年，可能有十分、八分鐘一次過表現晒出嚟。」問Sam哥屆時觀眾要唔要帶定紙巾？佢話：「唔知o架喎！毛巾啦不如，我驚到時做到over咗，我死o架喇!」